'ಬಿಗ್ ಬಾಸ್' ಮನೆಯಿಂದ ಇಂದು ಗಂಟು ಮೂಟೆ ಕಟ್ಟೋರು ಯಾರು.?

'ಬಾಟಂ 2'ನಲ್ಲಿ ಇದ್ದೋರು ಮನೆಗೆ.!

ಕಳೆದ ವಾರ ಇದ್ದ ಏಳು ಮನೆ ಮಂದಿ ಪೈಕಿ ಯಾವ ಇಬ್ಬರು ಸ್ಪರ್ಧಿಗಳಿಗೆ ಅತಿ ಕಡಿಮೆ ವೋಟ್ ಬಂದಿದೆಯೋ, ಆ ಇಬ್ಬರಿಗೆ ಗೇಟ್ ಪಾಸ್ ಖಚಿತ. ಅದರಲ್ಲಿ ಈಗಾಗಲೇ ಅನುಪಮಾ ಗೌಡ ಎಲಿಮಿನೇಟ್ ಆಗಿದ್ದಾಗಿದೆ. ಅನುಪಮಾಗಿಂತ ಕೊಂಚ ಹೆಚ್ಚಿಗೆ ವೋಟ್ ಪಡೆದುಕೊಂಡಿರುವವರು, ಇತರರಿಗಿಂತ ಕಡಿಮೆ ವೋಟ್ ಗಿಟ್ಟಿಸಿಕೊಂಡಿರುವವರು ಇಂದು ಔಟ್ ಆಗಲಿದ್ದಾರೆ.

ಯಾರೂ ಸೇಫ್ ಅಲ್ಲ.!

ಕಳೆದ ವಾರ ಪಂಚಾಯತಿ ನಡೆಸಿದ ಬಳಿಕ ದಿವಾಕರ್ ಅವರನ್ನ ಮೊದಲು ಸುದೀಪ್ ಸೇಫ್ ಮಾಡಿದರು. ಬಳಿಕ ಚಂದನ್ ಶೆಟ್ಟಿ, ಸಮೀರಾಚಾರ್ಯ, ನಿವೇದಿತಾ ಗೌಡ ಹಾಗೂ ಜೆಕೆ ರವರನ್ನ ಸುದೀಪ್ ಬಚಾವ್ ಮಾಡಿದರು. ಬಾಟಂ 2 ನಲ್ಲಿ ಶ್ರುತಿ ಪ್ರಕಾಶ್ ಹಾಗೂ ಅನುಪಮಾ ಗೌಡ ಇದ್ದರು.

ಸುದೀಪ್ ನೀಡಿದ್ದ ಸ್ಪಷ್ಟನೆ

''ಇವತ್ತು ಯಾರನ್ನ ಯಾವ ಆರ್ಡರ್ ನಲ್ಲಿ ಸೇವ್ ಮಾಡಿಕೊಂಡು ಬಂದ್ನೋ ಅದಕ್ಕೆ ಅರ್ಥ ಇಲ್ಲ'' ಎಂದು ಅಂದೇ ಸುದೀಪ್ ಸ್ಪಷ್ಟ ಪಡಿಸಿದರು. ಹೀಗಾಗಿ, ಮಿಕ್ಕ ಆರು ಮಂದಿ ಪೈಕಿ ಯಾರೂ ಸೇಫ್ ಆಗಿಲ್ಲ.

ಟಾಪ್ 5 ಹಂತಕ್ಕೆ ಹೋಗುವವರು ಯಾರ್ಯಾರು.?

ದಿವಾಕರ್, ಚಂದನ್ ಶೆಟ್ಟಿ, ಸಮೀರಾಚಾರ್ಯ, ನಿವೇದಿತಾ ಗೌಡ, ಜೆಕೆ, ಶ್ರುತಿ ಪ್ರಕಾಶ್ ಪೈಕಿ ಇಂದು ಯಾರು ಔಟ್ ಆಗಬೇಕು.? ನಿಮ್ಮ ಆಯ್ಕೆಯನ್ನ ನಮಗೆ ತಿಳಿಸಿ... ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.