ಎಲ್ಲರನ್ನೂ ಡೇಂಜರ್ ಝೋನ್ ಗೆ ತಳ್ಳಿ ಶಾಕ್ ಕೊಟ್ಟ 'ಬಿಗ್ ಬಾಸ್'.!

ಶಾಕ್ ಕೊಟ್ಟ 'ಬಿಗ್ ಬಾಸ್'

'ಬಿಗ್ ಬಾಸ್ ಕನ್ನಡ-5' ಕಾರ್ಯಕ್ರಮದಲ್ಲಿ ಐವತ್ತು ದಿನಗಳು ಕಳೆದ ಮೇಲೆ ಎಲ್ಲ ಸದಸ್ಯರನ್ನ 'ಬಿಗ್ ಬಾಸ್' ಡೇಂಜರ್ ಝೋನ್ ಗೆ ತಳ್ಳಿದ್ದಾರೆ.

ಕ್ಯಾಪ್ಟನ್ ಮಾತ್ರ ಸೇಫ್

ಜಗನ್ನಾಥ್ ಚಂದ್ರಶೇಖರ್... 'ಬಿಗ್ ಬಾಸ್' ಮನೆಯ ಎಂಟನೇ ವಾರದ ಕ್ಯಾಪ್ಟನ್ ಆಗಿ ಆಯ್ಕೆ ಆದರು. ಹೀಗಾಗಿ, ನಾಮಿನೇಷನ್ ನಿಂದ ಜಗನ್ ಸೇಫ್ ಆದರು.

ಹೊಸ ಸ್ಪರ್ಧಿ ಕೂಡ ಸೇಫ್.!

'ಬಿಗ್ ಬಾಸ್' ಮನೆಯೊಳಗೆ ಕಾಲಿಟ್ಟ ವೈಲ್ಡ್ ಕಾರ್ಡ್ ಸ್ಪರ್ಧಿ ವೈಷ್ಣವಿ ಕೂಡ ಈ ವಾರದ ನಾಮಿನೇಷನ್ ಪ್ರಕ್ರಿಯೆಯಿಂದ ಸೇಫ್ ಆಗಿದ್ದಾರೆ. ವೈಷ್ಣವಿ ಮತ್ತು ಜಗನ್ ಹೊರತು ಪಡಿಸಿದರೆ, ಬಾಕಿ ಎಲ್ಲರೂ ನಾಮಿನೇಟ್ ಆಗಿದ್ದಾರೆ.

ನಾಮಿನೇಟ್ ಆಗಿದ್ದಾರೆ ಹನ್ನೊಂದು ಮಂದಿ.!

ಜೆಕೆ, ಜಯಶ್ರೀನಿವಾಸನ್, ಶ್ರುತಿ ಪ್ರಕಾಶ್, ಆಶಿತಾ, ರಿಯಾಝ್, ಚಂದನ್ ಶೆಟ್ಟಿ, ಸಮೀರಾಚಾರ್ಯ, ದಿವಾಕರ್, ಅನುಪಮಾ ಗೌಡ, ನಿವೇದಿತಾ ಗೌಡ ಹಾಗೂ ಕೃಷಿ ತಾಪಂಡ ಈ ವಾರ 'ಬಿಗ್ ಬಾಸ್' ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗಿದ್ದಾರೆ.

'ಬಿಗ್ ಬಾಸ್' ಹೀಗೆ ಮಾಡಲು ಕಾರಣ ಏನು.?

ಮನೆಯ ನಿಯಮದಂತೆ ಪ್ರತಿ ವಾರ ಸದಸ್ಯರ ಆಯ್ಕೆ ಮತ್ತು ಇನ್ನಿತರ ವಿಶೇಷ ನಿಯಮಗಳ ಅನುಸಾರ ಸದಸ್ಯರು ಮನೆಯಿಂದ ಹೊರ ಹೋಗಲು ನಾಮಿನೇಟ್ ಆಗುತ್ತಾರೆ. ಕಳೆದ ಏಳು ವಾರಗಳಲ್ಲಿ ನಾಮಿನೇಷನ್ ಪ್ರಕ್ರಿಯೆ ಇದೇ ರೀತಿ ನಡೆದಿದೆ. ಮನೆಗೆ ಬಂದು ಐವತ್ತು ದಿನಗಳು ಕಳೆದಿದೆ. ಈ ಹಂತದಲ್ಲಿ ಮನೆಯ ಸದಸ್ಯರ ಬಗ್ಗೆ ವೀಕ್ಷಕರ ಅಭಿಪ್ರಾಯವನ್ನು ಏಕ ಕಾಲಕ್ಕೆ ತಿಳಿಯಲು ಬಿಗ್ ಬಾಸ್ ಎಲ್ಲರನ್ನೂ ನಾಮಿನೇಟ್ ಮಾಡಿದ್ದಾರೆ.

ಹನ್ನೊಂದು ಮಂದಿ ಪೈಕಿ ನಿಮ್ಮ ಮತ ಯಾರಿಗೆ.?

ಜೆಕೆ, ಜಯಶ್ರೀನಿವಾಸನ್, ಶ್ರುತಿ ಪ್ರಕಾಶ್, ಆಶಿತಾ, ರಿಯಾಝ್, ಚಂದನ್ ಶೆಟ್ಟಿ, ಸಮೀರಾಚಾರ್ಯ, ದಿವಾಕರ್, ಅನುಪಮಾ ಗೌಡ, ನಿವೇದಿತಾ ಗೌಡ ಹಾಗೂ ಕೃಷಿ ತಾಪಂಡ.... ಈ ಹನ್ನೊಂದು ಮಂದಿ ಪೈಕಿ 'ಬಿಗ್ ಬಾಸ್' ಮನೆಯಲ್ಲಿ ಯಾರು ಉಳಿಯಬೇಕು.? ಯಾರು ಔಟ್ ಆಗಬೇಕು ಎಂಬ ನಿಮ್ಮ ಅಭಿಪ್ರಾಯವನ್ನು ನಮಗೆ ತಿಳಿಸಿ... 'ಫಿಲ್ಮಿಬೀಟ್ ಕನ್ನಡ' ಫೇಸ್ ಬುಕ್ ಪೇಜ್ ಲೈಕ್ ಮಾಡಿ ಕಾಮೆಂಟ್ ಮಾಡಿ...