ಮತ್ತದೇ ತಪ್ಪು ಮಾಡಿದ್ರಾ.? ಎರಡು ಪ್ಯಾಕೆಟ್ ಹಾಲು ಮುಚ್ಚಿಟ್ಟಿದ್ದು ಯಾಕೆ.?

ದಿವಾಕರ್ ಮನಸ್ಸಲ್ಲಿ ಮೂಡಿದೆ ಅನುಮಾನ

ಹಾಲನ್ನ ಮುಚ್ಚಿಟ್ಟಿರುವುದನ್ನು ನೋಡಿದ್ಮೇಲೆ, ಕ್ಯಾಪ್ಟನ್ ಕೃಷಿ ನ ಕರೆದು ''ಎರಡು ಪ್ಯಾಕೆಟ್ ಹಾಲನ್ನು ಯಾರೋ ಕೆಳಗೆ ಇಟ್ಟಿದ್ದಾರೆ'' ಅಂತ ದಿವಾಕರ್ ಹೇಳಿದರು.

ಕೃಷಿ ಕೊಟ್ಟ ಸಬೂಬು ಏನು.?

''ಅದು ಹಳೆಯದ್ದು, ಕಳೆದ ವಾರದ್ದು'' ಅಂತ ಕೃಷಿ ಕಾರಣ ಕೊಟ್ಟರು. ''ಒಟ್ಟಿಗೆ ಇಟ್ಟರೆ ಒಳ್ಳೆಯದ್ದಲ್ವಾ.?'' ಅಂತ ದಿವಾಕರ್ ಕೇಳಿದ್ದಕ್ಕೆ, ''ಅದು ಮೊಸರಿಗೆ ಅಂತ ತೆಗೆದು ಇಟ್ಟಿರುವುದು. ಹೊಸ ಪ್ಯಾಕೆಟ್ ಜೊತೆ ಸೇರಿಸಿದರೆ ಪ್ರಾಬ್ಲಂ ಆಗುತ್ತೆ ಅಂತ ಸೈಡಲ್ಲಿ ತೆಗೆದು ಇಟ್ಟಿರುವುದು. ಯಾರೂ ಮುಚ್ಚಿಟ್ಟಿಲ್ಲ'' ಎಂದು ಕೃಷಿ ಸಬೂಬು ನೀಡಿದರು.

ಎಚ್ಚರಿಸಿದ ದಿವಾಕರ್

''ಕಳೆದ ಬಾರಿ ಹೀಗೆ ಆಗಿತ್ತು, ಅದಕ್ಕೆ ಹೇಳ್ದೆ'' ಎಂದು ಹಳೆಯ ಘಟನೆಯನ್ನ ನೆನಪಿಸುತ್ತಾ ಕೃಷಿಗೆ ದಿವಾಕರ್ ಎಚ್ಚರಿಸಿದರು. ಆದ್ರೆ, ಅದನ್ನ ಸಕಾರಾತ್ಮಕವಾಗಿ ಸ್ವೀಕರಿಸಿದೇ, ಅನುಪಮಾ ಗೌಡ ಬಳಿ ಹೋಗಿ ವರದಿ ಒಪ್ಪಿಸುತ್ತಿದ್ದರು ಕ್ಯಾಪ್ಟನ್ ಕೃಷಿ.

ಕಳೆದ ಬಾರಿ ದಯಾಳ್ ಗೆ ಹೇಳಿದ್ದೂ ಇದೇ ಕೃಷಿ.!

ಹಾಲನ್ನ ಎತ್ತಿಡಲು ದಯಾಳ್ ಗೆ ಕಳೆದ ಬಾರಿ ಹೇಳಿದ್ದು ಇದೇ ಕೃಷಿ ತಾಪಂಡ. ಅರ್ಧಕ್ಕೆ ಅರ್ಧ ಮನೆಗೆ ಹಾಲನ್ನ ಎತ್ತಿಡುವ ವಿಷಯ ಗೊತ್ತಿಲ್ಲದ ಕಾರಣ ದೊಡ್ಡ ರಾದ್ದಾಂತ ಆಗಿತ್ತು. ಈಗಲೂ, ಯಾರಿಗೂ ಗೊತ್ತಿಲ್ಲದೆ ಹಾಲನ್ನ ಎತ್ತಿಡಲಾಗಿದೆ. ಎಲ್ಲರಿಗೂ ಹೇಳಿದರೆ ಏನ್ ಸಮಸ್ಯೆ ಆಗುತ್ತೋ, ದೇವರೇ ಬಲ್ಲ. ಆದ್ರೆ, ಅದನ್ನ ಪ್ರಶ್ನೆ ಮಾಡಿದವರು ಮಾತ್ರ ಕೆಟ್ಟವರು ಎಂಬಂತೆ ಕಿಚ್ಚನ್ ಡಿಪಾರ್ಟ್ಮೆಂಟ್ ನವರು ಭಾವಿಸುತ್ತಾರೆ.