'ಬಿಗ್' ಕಿತ್ತಾಟ: ರಶ್ಮಿ 'ಲೋಕಲ್ ಆಂಟಿ', ಸ್ಲಂ ಕ್ಯಾಟಗರಿ ಎಂದ ಆಂಡ್ರ್ಯೂ.!

ಮಾತಿನ ಚಕಮಕಿ

ಮೊದಲ ದಿನದಿಂದಲೂ ರಶ್ಮಿ ಹಾಗೂ ಆಂಡ್ರ್ಯೂ ನಡುವೆ ಅಷ್ಟಕಷ್ಟೆ. ಹೀಗಿರುವಾಗಲೇ, 'ಆಂಟಿ' ಜಗಳ ಶುರುವಾಯ್ತು. ''ರಶ್ಮಿ.. ಸೆಲೆಬ್ರಿಟಿ, ತುಂಬಾ ಸ್ಟ್ಯಾಂಡರ್ಡ್ ಲೇಡಿ ಅಂದುಕೊಂಡಿದ್ದೆ. ಆದ್ರೆ, ಅವರು ಲೋಕಲ್ ಆಂಟಿ. ನಿಜವಾಗಲೂ ಹೇಳುತ್ತಿರುವೆ, ಸ್ಲಂ ಕ್ಯಾಟಗರಿ ಅದು. ಸೆಲೆಬ್ರಿಟಿ ಸ್ಲಮರ್'' ಅಂತ ಆಂಡ್ರ್ಯೂ ಹೇಳಿಬಿಟ್ಟರು.

ಆಂಡ್ರ್ಯೂ ಮಾತನ್ನ ಕೇಳಿ ರೊಚ್ಚಿಗೆದ್ದ ರಶ್ಮಿ

''ಅವನ್ಯಾರು ನನ್ನನ್ನ ಆಂಟಿ ಅನ್ನೋಕೆ.? ಅವನ್ಯಾರು ನನ್ನ ಫ್ಯಾನ್ಸ್ ನ ಅಂಕಲ್ ಅಂತ ಕರೆಯೋಕೆ.? ಆಂಟಿ ಅಂದಿದ್ದು ಯಾವನು.?'' ಅಂತ ರಶ್ಮಿ ರೊಚ್ಚಿಗೆದ್ದರು. ಇದರಿಂದ ರಶ್ಮಿ ಹಾಗೂ ಆಂಡ್ರ್ಯೂ ಮಧ್ಯೆ ಮಾತಿಗೆ ಮಾತು ಬೆಳೆಯಿತು. ಈ ನಡುವೆ ಆಂಡ್ರ್ಯೂ ಕ್ಯಾಕರಿಸಿ ಉಗಿದಿದ್ದೂ ಉಂಟು.

ನಾಯಿ, ಮೋರಿ ಅಂದಿದ್ರಂತೆ ರಶ್ಮಿ.!

''ರಶ್ಮಿ ಈ ಮನೆಯ ಟೆರರಿಸ್ಟ್. ನನ್ನನ್ನ ನಾಯಿ, ಮೋರಿ, ಥರ್ಡ್ ಕ್ಲಾಸ್ ಅಂತೆಲ್ಲಾ ಬೈದರು. ಹೀಗಾಗಿ, ನಾನೂ ಬೈದೆ'' ಅಂತ ಸುದೀಪ್ ಮುಂದೆ ಆಂಡ್ರ್ಯೂ ಹೇಳಿದರು. ಕೊನೆಗೆ ಇಬ್ಬರೂ ಕ್ಷಮೆ ಕೇಳಿದರು.

ಎಚ್ಚರಿಕೆ ಕೊಟ್ಟ ಸುದೀಪ್

''ನೀವಿಬ್ಬರೂ ಹೊರಗೆ ಬರುವ ಹೊತ್ತಿಗೆ ನಿಮ್ಮ ಮನೆಯವರೇ ನಿಮ್ಮನ್ನ ಇಷ್ಟಪಡಲ್ಲ'' ಅಂತ ಇಬ್ಬರಿಗೂ ಸುದೀಪ್ ಎಚ್ಚರಿಕೆ ಕೊಟ್ಟರು. ಸುದೀಪ್ ಆಡಿದ ಮಾತನ್ನ ಸೀರಿಯಸ್ ಆಗಿ ತೆಗೆದುಕೊಂಡು ಇನ್ಮುಂದೆ ಆದರೂ ರಶ್ಮಿ ಹಾಗೂ ಆಂಡ್ರ್ಯೂ ಸೈಲೆಂಟ್ ಆಗ್ತಾರಾ.? ನೋಡಬೇಕು.