ಚಿತ್ರಹಿಂಸೆ ನೀಡಿದ 'ವಿಲನ್' ಆಂಡಿ ವಿರುದ್ಧ ಪೊಲೀಸ್ ಕಂಪ್ಲೇಂಟ್.!

ಬಿಡದಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು

ಆಟದ ನೆಪದಲ್ಲಿ ವಿಕೃತ ರೂಪ ತಾಳಿದ ಸ್ಪರ್ಧಿಗಳ ವಿರುದ್ಧ ಫ್ಯೂಚರ್ ಇಂಡಿಯಾ ಆರ್ಗನೈಸೇಷನ್ ಬಿಡದಿ ಪೊಲೀಸ್ ಸ್ಟೇಷನ್ ನಲ್ಲಿ ದೂರು ದಾಖಲಿಸಿದೆ. ಇಂತಹ ಕಾರ್ಯಕ್ರಮಗಳಿಂದ ಮಕ್ಕಳ ಮೇಲೆ ದುಷ್ಪರಿಣಾಮ ಬೀರುತ್ತದೆ ಎಂಬುದು ದೂರುದಾರರ ಅಭಿಪ್ರಾಯ.

ಸ್ಪರ್ಧಿಗಳ ವಿರುದ್ಧ ದೂರು

ಚಿತ್ರಹಿಂಸೆ ನೀಡಿದ ಆಂಡಿ ಜೊತೆಗೆ ರಾಕೇಶ್, ರಶ್ಮಿ, ಮುರಳಿ, ನವೀನ್, ಮೇಘಶ್ರೀ ಮತ್ತು ಬಿಗ್ ಬಾಸ್ ತಾಂತ್ರಿಕ ತಂಡ, ಆಯೋಜಕರ ವಿರುದ್ಧ ಫ್ಯೂಚರ್ ಇಂಡಿಯಾ ಆರ್ಗನೈಸೇಷನ್ ದೂರು ಕೊಟ್ಟಿದೆ. ಕಣ್ಣಿಗೆ, ಶ್ವಾಸಕೋಶಕ್ಕೆ ಹಾನಿಯುಂಟು ಮಾಡುವ ಸ್ಪ್ರೇಗಳನ್ನು ಆಂಡಿ ಹೊಡೆಯುತ್ತಿದ್ದರೂ, ಅದನ್ನ 'ಬಿಗ್ ಬಾಸ್' ಆಯೋಜಕರು ತಡೆಯದ ಕಾರಣ ದೂರುದಾರರು ಕುಪಿತಗೊಂಡಿದ್ದಾರೆ.

ಕಠಿಣ ಕ್ರಮ ಜರುಗಿಸಿ

ಪರ್ಫ್ಯೂಮ್ ಸ್ಪ್ರೇ ಸೇವಿಸಿ ಮರಣ ಹೊಂದಿರುವವರ ಕುರಿತು ವರದಿಗಳನ್ನು ಪೊಲೀಸರಿಗೆ ಸಲ್ಲಿಸಿರುವ ಫ್ಯೂಚರ್ ಇಂಡಿಯಾ ಆರ್ಗನೈಸೇಷನ್, ಸ್ಪರ್ಧಿಗಳು ಮತ್ತು ಬಿಗ್ ಬಾಸ್ ಆಯೋಜಕರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ.

ಮುಂದೇನು.?

ಕಣ್ಣು, ಮೂಗಿಗೆ ಸ್ಪ್ರೇ ಮಾಡಿದ ಆಂಡಿ ವಿರುದ್ಧ ಕಿಚ್ಚ ಸುದೀಪ್ ಕೂಡ ಕಿಡಿಕಾರಿದ್ದರು. ಇತ್ತ ಪೊಲೀಸ್ ಕಂಪ್ಲೇಂಟ್ ದಾಖಲಾಗಿರುವ ಕಾರಣ, ಆಂಡಿಯನ್ನ ಪೊಲೀಸರು ಬಂಧಿಸಿದ್ದಾರಂತೆ ಎಂಬ ಅಂತೆ-ಕಂತೆ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಈ ಪ್ರಕರಣವನ್ನ 'ಬಿಗ್ ಬಾಸ್' ಆಯೋಜಕರು ಹೇಗೆ ನಿಭಾಯಿಸುತ್ತಾರೆ ಎಂಬುದನ್ನ ನೋಡಬೇಕು.