'ಬಿಗ್ ಬಾಸ್' ಮನೆಯ ವಿಷ ಸರ್ಪ, ಕುತಂತ್ರಿ, ಗೋಮುಖ ವ್ಯಾಘ್ರ ಯಾರು ಗೊತ್ತೇ.?

ರಾಪಿಡ್ ರಶ್ಮಿಗೆ ಅತಿ ಹೆಚ್ಚು ಬಿರುದುಗಳು

'ವಿಷ ಸರ್ಪ', 'ಊಸರವಳ್ಳಿ', 'ಕುತಂತ್ರಿ', 'ಗೋಮುಖ ವ್ಯಾಘ್ರ', 'ಹೊಟ್ಟೆ ಕಿಚ್ಚಿನ ಮೊಟ್ಟೆ ಕೋಳಿ', 'ಗುಳ್ಳೆ ನರಿ' ಎಂಬ ಬಿರುದುಗಳು ರಶ್ಮಿ ಪಾಲಾಯಿತು. ಅಲ್ಲಿಗೆ, 'ಬಿಗ್ ಬಾಸ್' ಮನೆಯಲ್ಲಿ ರಾಪಿಡ್ ರಶ್ಮಿ ಒಂಥರಾ 'ವಿಲನ್' ಇದ್ದ ಹಾಗೆ ಲೆಕ್ಕ.

ಟಾರ್ಗೆಟ್ ಆದ ಆಂಡ್ರ್ಯೂ

ಇನ್ನೂ 'ಸಮಯ ಸಾಧಕ', 'ಮಿತ್ರ ದ್ರೋಹಿ', 'ಕಿರಿಕಿರಿ', 'ಗುಳ್ಳೆ ನರಿ', 'ವಿಕೃತ ಮನಸ್ಸು' ಹಣೆಪಟ್ಟಿ ಆಂಡ್ರ್ಯೂಗೆ ಸಿಕ್ತು. ಯಾವುದಕ್ಕೂ ಬೇಸರ ಮಾಡಿಕೊಳ್ಳದೇ ಎಲ್ಲ ಬಿರುದುಗಳನ್ನು ಖುಷಿಯಿಂದಲೇ ಆಂಡ್ರ್ಯೂ ಸ್ವೀಕರಿಸಿದರು.

ಡ್ರಾಮಾ ಕ್ವೀನ್ ಸ್ನೇಹಾ

'ಬಿಗ್ ಬಾಸ್' ಮನೆಯಲ್ಲಿ ಸ್ನೇಹಾ 'ಡ್ರಾಮಾ ಕ್ವೀನ್' ಎಂದು ಹಲವರು ಅಭಿಪ್ರಾಯ ಪಟ್ಟಿದ್ದಾರೆ. ಅಲ್ಲದೇ, ಸ್ನೇಹಾ 'ನಕಲಿ' ಅಂತಲೂ ಕೆಲವರು ಹೇಳಿದ್ದಾರೆ.

'ದಂಡಪಿಂಡ' ಮುರಳಿ

ಟಾಸ್ಕ್ ಗಳಲ್ಲಿ ತಕ್ಕಮಟ್ಟಿಗೆ ಪಾಲ್ಗೊಳ್ಳುವ 'ಒಗ್ಗರಣೆ ಡಬ್ಬಿ' ಖ್ಯಾತಿಯ ಮುರಳಿ 'ದಂಡಪಿಂಡ' ಹಾಗೂ 'ನಿರುತ್ಸಾಹಿ' ಅಂತೆ. ಇನ್ಮುಂದೆ ''ನನ್ನಲ್ಲಿ ಉತ್ಸಾಹ ಇರಲಿದೆ'' ಎಂದಿರುವ ಮುರಳಿಯ ಆಟದ ಶೈಲಿ ಹೇಗಿರುತ್ತೋ, ನೋಡೋಣ.

ಒಂದೊಂದು ಬಿರುದು ಪಡೆದುಕೊಂಡವರು.!

ಆಗಾಗ ಕನ್ಫ್ಯೂಸ್ ಆದವರಂತೆ ಕಾಣುವ ಆನಂದ್ ಗೆ 'ಮೂರ್ಖ', ಇದ್ದಕ್ಕಿದ್ದಂತೆ ಟೆಂಪರ್ ರೈಸ್ ಮಾಡಿಕೊಳ್ಳುವ ರವಿಗೆ 'ಮುಂಗೋಪಿ', ಚೆನ್ನಾಗಿ ಪ್ಲಾನಿಂಗ್ ಮಾಡುವ ಶಶಿಗೆ 'ಕುತಂತ್ರಿ', ಗಾಯಕ ನವೀನ್ ಗೆ 'ಸ್ವಾರ್ಥಿ', ಜಯಶ್ರೀಗೆ 'ಡಿಪ್ಲೋಮ್ಯಾಟಿಕ್', ಆಗಾಗ ಅಳುವ ರೀಮಾಗೆ 'ಅಳುಮುಂಜಿ' ಬಿರುದುಗಳು ಲಭಿಸಿವೆ.