'ಬಿಗ್ ಬಾಸ್' ಮನೆಯಲ್ಲಿ 'ರೈತ' ಶಶಿ ಇಷ್ಟ ಪಡುತ್ತಿರುವ 'ಚೆಲುವೆ' ಯಾರು.?

ಕವಿತಾ ಜೊತೆ ಹೆಚ್ಚು ಆತ್ಮೀಯತೆ

'ಬಿಗ್ ಬಾಸ್ ಕನ್ನಡ-6' ಕಾರ್ಯಕ್ರಮ ಶುರುವಾಗಿ ನಾಲ್ಕು ವಾರಗಳು ಉರುಳಿವೆ. ಈ ನಾಲ್ಕು ವಾರಗಳಲ್ಲಿ ಶಶಿ ಕುಮಾರ್ ಅತ್ಯಂತ ಆತ್ಮೀಯತೆಯಿಂದ ಇರುವುದು ಜಯಶ್ರೀ ಮತ್ತು ಕವಿತಾ ಜೊತೆಗೆ ಮಾತ್ರ. ಈ ಮೂವರದ್ದು ಒಂದು ಗುಂಪು ಎಂದು ಈಗಾಗಲೇ 'ಬಿಗ್ ಬಾಸ್' ಮನೆಯಲ್ಲಿ ಬ್ರ್ಯಾಂಡ್ ಆಗಿದೆ.

ಕವಿತಾ ಮತ್ತು ಶಶಿ

ಕವಿತಾ ಗೌಡ ಮತ್ತು ಶಶಿ ಕುಮಾರ್ ನಡುವೆ ಸಂಥಿಂಗ್ ಸಂಥಿಂಗ್ ನಡೆಯುತ್ತಿದೆ ಎಂಬ ಗಾಸಿಪ್ 'ಬಿಗ್ ಬಾಸ್' ಮನೆಯಲ್ಲೇ ಶುರುವಾಯಿತು. ಹಾಗಾದ್ರೆ, ಕವಿತಾ ಮೇಲೆ ಶಶಿಗೆ ಲವ್ ಆಗಿದ್ಯಾ.?

ಕವಿತಾ ಜೊತೆ ಶಶಿ ಮಾತುಕತೆ

''ಇಲ್ಲಿ ಹೇಳಲು ಆಗಲ್ಲ. ಯಾಕಂದ್ರೆ ಇಲ್ಲಿ ಮಾತನಾಡಲು ಕೆಲವು ನಿಬಂಧನೆಗಳಿವೆ. ಅದಕ್ಕೆ ಕಿವಿ ಕೊಡು ಹೇಳುವೆ ಎಂದಿದ್ದು'' ಎಂದು ಕವಿತಾ ಬಳಿ ಶಶಿ ಮಾತನಾಡುತ್ತಿದ್ದರು.

ಕವಿತಾ ಹೇಳಿದ್ದೇನು.?

''ನಾನು ಇಲ್ಲಿದ್ದೀನಿ, ನೀನು ಇಲ್ಲಿದ್ದೀಯಾ ಅಂದ್ರೆ ನಾವು ಹಂಡ್ರೆಡ್ ಪರ್ಸೆಂಟ್ ಇದೇ ರೀತಿ ಇಲ್ಲ'' ಅಂತ ಮೊದಲು ಹೇಳಿದ ಕವಿತಾ ನಂತರ ''ನನಗೆ ಗೊತ್ತು ನೀನು ಅವಳನ್ನು ಇಷ್ಟ ಪಡುತ್ತಿದ್ದೀಯಾ ಅಂತ. ನೀನು ಯಾರನ್ನೇ ಇಷ್ಟ ಪಟ್ಟರೂ, ಅವರಿಗೆ ತಿಳಿಸುವ ಮುನ್ನ ಅವರ ಬಗ್ಗೆ ಕಂಪ್ಲೀಟ್ ಆಗಿ ತಿಳಿದುಕೋ..'' ಎಂದರು.

ಯಾರು 'ಆ' ಹುಡುಗಿ

''ಇಲ್ಲಿ ನನಗೆ ಆ ಹುಡುಗಿ ಇಷ್ಟ ಆಗಿದೆ'' ಅಂತ ಶಶಿ ಹೇಳಿದಾಗ ''ಹೊರಗೆ ಹೋಗುವವರೆಗೂ ಕಾಯಿರಿ'' ಅಂತ ಕವಿತಾ ಹೇಳಿದರು. ಹಾಗಾದ್ರೆ, ಶಶಿ ಇಷ್ಟ ಪಡುತ್ತಿರುವ ಹುಡುಗಿ ಯಾರು.?

ಬೇಕು ಅಂತ ಹೀಗೆ ಮಾಡಿದ್ರಾ.?

ತಮ್ಮ ಲವ್ ಸ್ಟೋರಿ ಯಾರಿಗೂ ಗೊತ್ತಾಗಬಾರದು ಅಂತ 'ಅವಳು' ಎಂದು ಉಲ್ಲೇಖಿಸಿ ಕವಿತಾ-ಶಶಿ ಸೇಫ್ ಆದ್ರಾ ಎನ್ನುವುದು ವೀಕ್ಷಕರ ಪ್ರಶ್ನೆ. ಇದಕ್ಕೆ ಮುಂದಿನ ದಿನಗಳಲ್ಲಿ ಉತ್ತರ ಸಿಕ್ಕರೂ ಸಿಗಬಹುದು.