'ಆಂಡ್ರ್ಯೂ ನನ್ನನ್ನು ಹಿಂಸಿಸುತ್ತಿದ್ದಾನೆ': 'ಬಿಗ್' ಆರೋಪ ಮಾಡಿದ 'ಚಿನ್ನು' ಕವಿತಾ

'ಬಿಗ್ ಬಾಸ್' ನೀಡಿದ್ದ ವಿಶೇಷ ಚಟುವಟಿಕೆ

ಇತರೆ ಸ್ಪರ್ಧಿಗಳ ಕುರಿತು ದೂರು ಹೇಳಲು 'ನ್ಯಾಯ ಇಲ್ಲಿದೆ' ಎಂಬ ಚಟುವಟಿಕೆ ಮೂಲಕ 'ಬಿಗ್ ಬಾಸ್' ಅವಕಾಶ ಕಲ್ಪಿಸಿದರು. ನ್ಯಾಯಾಧೀಶರ ಸ್ಥಾನದಲ್ಲಿ ಮುರಳಿ ಕುಳಿತರು. ಈ ಚಟುವಟಿಕೆ ಅನುಸಾರ ತಮ್ಮ ಮನಸ್ಸಿನ ಭಾವನೆಗಳನ್ನು ಕವಿತಾ ಗೌಡ ಹೊರ ಹಾಕಿದರು.

ಕವಿತಾ ಮಾಡಿದ ಆರೋಪ ಏನು.?

''ನಾನು ಅವರಿಗೆ (ಆಂಡ್ರ್ಯೂ) ಕೊಟ್ಟ ಒಂದು ಮಾತಿನಿಂದ ದಿನೇ ದಿನೇ ಹಿಂಸಿಸುತ್ತಿದ್ದಾರೆ. He is making me uncomfortable. ನಾನು ಎಲ್ಲಿ ಹೋದರೂ, ನನ್ನ ಹಿಂದೆ ಬರುತ್ತಿದ್ದಾರೆ'' ಎಂದು ಆಂಡ್ರ್ಯೂ ಮೇಲೆ ಕವಿತಾ ನೇರ ಆರೋಪ ಮಾಡಿದರು.

ವೈಯುಕ್ತಿಕವಾಗಿ ಹಿಂಸೆ ಆಗುತ್ತಿದೆ

''ನಾಮಿನೇಷನ್ ಟಾಸ್ಕ್ ಮುಗಿದ ಮೇಲೆ ಆಂಡ್ರ್ಯೂ ವರ್ತನೆಯಲ್ಲಿ ಸಿಕ್ಕಾಪಟ್ಟೆ ಬದಲಾವಣೆ ಆಯ್ತು. ನನಗೆ ತುಂಬಾ ಕಿರಿಕಿರಿ ತಂತು. ನನಗೆ ವೈಯುಕ್ತಿಕವಾಗಿ ತುಂಬಾ ಹಿಂಸೆ ಆಗುತ್ತಿದೆ'' ಎಂದರು ನಟಿ ಕವಿತಾ

ಆಂಡ್ರ್ಯೂ ಜೊತೆಗೆ ಕಮ್ಫರ್ಟ್ ಇಲ್ಲ

''ಆಂಡ್ರ್ಯೂ ಹೇಳೋದು ಒಂದು, ಮಾಡೋದು ಒಂದು. ನಾನು ಬೇರೆಯವರ ಬಳಿ ಮಾತನಾಡುವಾಗ, ಮಧ್ಯೆ ಬಂದು ಕಾಮೆಂಟ್ ಮಾಡುತ್ತಾರೆ. ಎಲ್ಲರ ಜೊತೆ ನಾನು ಫ್ರೆಂಡ್ ಆಗಿದ್ದೇನೆ. ಆದ್ರೆ, ಆಂಡ್ರ್ಯೂ ಜೊತೆಗೆ ನನಗೆ ಕಮ್ಫರ್ಟ್ ಆಗುತ್ತಿಲ್ಲ'' ಅಂತ ಕವಿತಾ ಹೇಳಿದರು.

ಆರೋಪ ಸರಿ ಅಲ್ಲ ಎಂದ ಆಂಡ್ರ್ಯೂ

''ಕನ್ಫೆಶನ್ ರೂಮ್ ನಲ್ಲಿ ಕರ್ನಾಟಕ ಜನರ ಮುಂದೆ ಕವಿತಾ ಒಪ್ಪಿಕೊಂಡು ಈಗ ಆರೋಪ ಮಾಡುವುದು ಸರಿ ಅಲ್ಲ'' ಅಂತ ಆಂಡ್ರ್ಯೂ ತಮ್ಮ ತಾವು ಸಮರ್ಥಿಸಿಕೊಂಡರು.