ಅರೇ.. ರಾಕೇಶ್ ಬಗ್ಗೆ ಅಕ್ಷತಾ ಹೀಗೆ ಹೇಳಿದ್ದು ಯಾಕೆ.?

'ಬಿಗ್ ಬಾಸ್' ನೀಡಿದ್ದ ವಿಶೇಷ ಚಟುವಟಿಕೆ

ಸ್ಪರ್ಧಿಗಳಿಗೆಲ್ಲಾ 'ಬಿಗ್ ಬಾಸ್' ಒಂದು ವಿಶೇಷ ಚಟುವಟಿಕೆ ನೀಡಿದ್ದರು. ಅದೇ 'ವಿಶೇಷ ಮತ್ತು ಸನ್ನಿವೇಶ'. ಇದರ ಅನುಸಾರ, ನೀಡಲಾಗುವ ಪ್ರಶ್ನೆಗಳಿಗೆ ಸ್ಪರ್ಧಿಗಳು ಉತ್ತರ ಮತ್ತು ಸೂಕ್ತ ಕಾರಣ ನೀಡಬೇಕಿತ್ತು. ಚಟುವಟಿಕೆ ಮುಗಿದ್ಮೇಲೆ, ಒಂದು ಪ್ರಶ್ನೆಯನ್ನ ಇಟ್ಟುಕೊಂಡು ಅಕ್ಷತಾ ಮಾತಿಗಿಳಿದರು.

ಅಕ್ಷತಾ ಹೇಳಿದ್ದೇನು.?

''ಬಿಗ್ ಬಾಸ್ ಮನೆಯಿಂದ ಆಚೆ ಹೋದ್ಮೇಲೆ ಯಾರನ್ನ ನೀವು ನೋಡಲು, ಭೇಟಿ ಮಾಡಲು ಇಷ್ಟ ಪಡಲ್ಲ'' ಎಂಬ ಪ್ರಶ್ನೆ ನನಗೆ ಬಂದಿದ್ದರೆ, ನಾನು ರಾಕೇಶ್ ಹೆಸರು ಹೇಳುತ್ತಿದ್ದೆ'' ಎಂದು ಎಲ್ಲರ ಮುಂದೆ ಅಕ್ಷತಾ ಹೇಳಿದರು.

ಕಾರಣ ಏನು.?

''ಯಾಕೆ ರಾಕೇಶ್ ನ ಭೇಟಿ ಮಾಡಲ್ಲ'' ಅಂತ ಎಲ್ಲರೂ ಪ್ರಶ್ನಿಸಿದಾಗ, ಅಕ್ಷತಾ ಕೊಟ್ಟ ಉತ್ತರ - ''ಅದು ಜೀವನ... ಇದು ಆಟ''.

ಶಾಕ್ ಆದ ಶಶಿ

ಅಕ್ಷತಾ ಕೊಟ್ಟ ಉತ್ತರ ನೋಡಿ ಶಾಕ್ ಆದ ಶಶಿ, ''ಈಕೆ ರಾಕೇಶ್ ನ ಬಳಸಿಕೊಳ್ಳುತ್ತಿದ್ದಾರಾ.? ಐ ಲವ್ ಹಿಮ್ ಅಂತ ಹೇಳಿದವರು ಈಗ ಹೀಗೆ ಹೇಳಿದ್ರೆ.? ಇದು ಡ್ಯಾಮೇಜಿಂಗ್ ಹೇಳಿಕೆ'' ಎಂದರು.

ಗೇಮ್ ಪ್ಲಾನ್

''ಈ ತರಹ ಲವ್ ಮಾಡಿಕೊಂಡು ಇದ್ದರೆ, ಬಿಗ್ ಬಾಸ್ ಮನೆಯಲ್ಲಿ ಜಾಸ್ತಿ ದಿನ ಇರಬಹುದು ಎಂಬ ಪ್ಲಾನಿಂಗ್ ಇರಬಹುದು ಅವರಿಗೆ'' ಅನ್ನೋದು ಧನರಾಜ್ ಲೆಕ್ಕಾಚಾರ.

ಮಾನಸಿಕ ಅಸ್ತಿರತೆ

''ರಾಕೇಶ್ ಗುಳ್ಟು ಅಲ್ಲ. 'ನಾನಿನ್ನೂ ಓಪನಪ್ ಆಗಿಲ್ಲ' ಅಂತ ಅಕ್ಷತಾ ಹೇಳಿದ್ದರು. ಕೆಲವು ಮಾನಸಿಕ ಅಸ್ತಿರತೆ ಇರುವ ವ್ಯಕ್ತಿಗಳ ಮಾತನ್ನು ಗಣನೆಗೆ ತೆಗೆದುಕೊಳ್ಳಲು ಆಗುವುದಿಲ್ಲ'' ಎಂದುಬಿಟ್ಟರು ಮುರಳಿ.