ಸುದೀಪ್ ಮುಂದೆ ರಾಕೇಶ್ ವಾದ ಮಾಡುವ ಹಾಗಿಲ್ಲ: ಇದು ಅಕ್ಷತಾ ಆಜ್ಞೆ.!

ಅಕ್ಷತಾನ ಹೊಗಳಿದ ರಾಕೇಶ್

ಪ್ರಾಂಕ್ ಚಟುವಟಿಕೆ ಮುಗಿದ್ಮೇಲೆ ರಾಕೇಶ್ ಮತ್ತು ಅಕ್ಷತಾ ಖುಷಿಯಾಗಿದ್ದರು. ಈ ವೇಳೆ ''ಅಪರೂಪದ ಹುಡುಗಿ'' ಎಂದು ಅಕ್ಷತಾಗೆ ರಾಕೇಶ್ ಹೊಗಳುತ್ತಿದ್ದರು. ''ಇದೇ ಮೊದಲ ಬಾರಿಗೆ ನನ್ನನ್ನ ನೀನು ಹೊಗಳಿದ್ದು'' ಎನ್ನುತ್ತಿದ್ದರು ಅಕ್ಷತಾ.

ಖುಷಿಯಲ್ಲಿ ಡ್ಯಾನ್ಸ್ ಮಾಡಿದ ಜೋಡಿ

ಮತ್ತೆ ಒಂದಾದ ಖುಷಿಯಲ್ಲಿ ಅಕ್ಷತಾ ಮತ್ತು ರಾಕೇಶ್ ಕೈಕೈ ಹಿಡಿದುಕೊಂಡು ಡ್ಯಾನ್ಸ್ ಕೂಡ ಮಾಡಿದರು. ಅಷ್ಟಕ್ಕೂ, ಇದು ಮೂಲ ಸಂಚಿಕೆಯಲ್ಲಿ ಪ್ರಸಾರ ಆಗಿಲ್ಲ. ಬದಲಾಗಿ ವೂಟ್ ನಲ್ಲಿನ 'ಅನ್ ಸೀನ್ ಕಥೆಗಳು' ಹೆಸರಲ್ಲಿ ವಿಡಿಯೋ ಕ್ಲಿಪ್ ಹಾಕಲಾಗಿದೆ.

ಸುದೀಪ್ ಕೇಳಿದ್ರೆ...

''ಏನಾಯ್ತು.. ಮಾತಾಡಲ್ಲ ಅಂತ ಪ್ರಾಮಿಸ್ ಮಾಡಿದ್ರಿ. ಒಂದು ಗಂಟೆಯಲ್ಲಿ ಒಂದು ವಾರಕ್ಕೆ ಆಗುವಷ್ಟು ಮಾತನಾಡಿದ್ರಲ್ಲ ಎಂದು ಸುದೀಪ್ ಕೇಳಿದ್ರೆ, ನಾನು ಹೇಳುವೆ.. ಡ್ರಿಂಕಿಂಗ್ ಅಂಡ್ ಡ್ರೈವಿಂಗ್ ನಿಷೇಧ ಅಂತ ನೀವು ಹೇಳಿದ್ರಿ. ಆದ್ರೆ, ನೀವೇ ಒಂದು ಬಾಟಲ್ ಬಿಯರ್ ಕಳುಹಿಸಿದ್ರಿ. ಏನು ಮಾಡೋದು.?'' ಎನ್ನುತ್ತಾ ಈಗಲೇ ಉತ್ತರ ರೆಡಿ ಮಾಡಿಕೊಳ್ಳುತ್ತಿದ್ದರು ರಾಕೇಶ್.

ವಾದ ಮಾಡಬೇಡ

''ಹಾಗೆಲ್ಲ ಮಾತನಾಡಬೇಡ. ಕೆಲವೊಂದನ್ನ ಅವರ ಬಳಿ ವಾದ ಮಾಡಬೇಡ'' ಎಂದು ರಾಕೇಶ್ ಗೆ ಅಕ್ಷತಾ ಹೇಳಿದರು. ಆಗ ''ಪಾಯಿಂಟ್ ಇದ್ದರೆ ಮಾತ್ರ ಮಾತನಾಡುವೆ'' ಎಂದರು ರಾಕೇಶ್.

ಪತಿ ಬಗ್ಗೆ ಅಕ್ಷತಾ ಕಾಮೆಂಟ್

ಈ ಮಾತುಕತೆ ನಡುವೆ, ''ನನ್ನ ಗಂಡ ಇದನ್ನೆಲ್ಲ ನೋಡಿದ್ರೆ, ಪುಕ.. ಪುಕ.. ಪುಕ ಅಂತಿರುತ್ತೆ.. ಎಲ್ಲಿ ಬಿಟ್ಟು ಹೋಗಿಬಿಡ್ತಾಳೋ ಅಂತ..'' ಎಂದು ಅಕ್ಷತಾ ಕಾಮೆಂಟ್ ಮಾಡಿದ್ದಾರೆ.