'ಅರ್ಧ ತಲೆ ಬೋಳಿಸಿಕೊಳ್ಳುವೆ' ಎಂದು ಹೊಸ ಸವಾಲೆಸೆದ ಆಂಡಿ.!

ಚಾಲೆಂಜ್ ಮಾಡಿದ ಆಂಡಿ.!

''ನಾನು ಇರುವ ತಂಡದ ಬಗ್ಗೆ ಕವಿತಾ ಸರಿಯಾದ ನಿರ್ಧಾರ ತೆಗೆದುಕೊಂಡು ಗೆಲ್ಲಿಸಿದರೆ, ನಾನು ಅರ್ಧ ತಲೆ ಬೋಳಿಸಿಕೊಂಡು 'ಬಿಗ್ ಬಾಸ್' ಮನೆಯಲ್ಲಿ ಇರ್ತೀನಿ'' ಎಂದು ಶಶಿ ಬಳಿ ಆಂಡಿ ಚಾಲೆಂಜ್ ಮಾಡಿದ್ದರು.

ಗೆಲುವಿನ ನಗೆ ಬೀರಿದ ಶಶಿ ಮತ್ತು ತಂಡ

'ಗೋಡೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು' ಚಟುವಟಿಕೆಯ ಅಂತ್ಯದಲ್ಲಿ ಅತಿ ಹೆಚ್ಚು ಇಟ್ಟಿಗೆ ಬಳಸಿ, ಎತ್ತರದ ಗೋಡೆ ಕಟ್ಟಿದ್ದು ಶಶಿ ಮತ್ತು ತಂಡ ಎಂದು 'ಸುಂದರಿ' ಕವಿತಾ ಘೋಷಿಸಿದರು. ಆಂಡಿ ಇದ್ದದ್ದು ಶಶಿ ಟೀಮ್ ನಲ್ಲೇ.!

ಹಾಗಾದ್ರೆ, ಅರ್ಧ ತಲೆ ಬೋಳಿಸುತ್ತಾರಾ ಆಂಡಿ.?

ಆಂಡಿ ಗಲಾಟೆ ಮಾಡಿದ್ದರೂ, ಚಟುವಟಿಕೆಯಲ್ಲಿ ಶಶಿ ಮತ್ತು ತಂಡವನ್ನ ಕವಿತಾ ಗೆಲ್ಲಿಸಿದರು. ಹಾಗಾದ್ರೆ, ಸವಾಲೆಸೆದಂತೆ ಅರ್ಧ ತಲೆಯನ್ನ ಬೋಳಿಸಿಕೊಂಡು ಆಂಡಿ 'ಬಿಗ್ ಬಾಸ್' ಮನೆಯಲ್ಲಿ ಇರ್ತಾರಾ.? ಈ ಪ್ರಶ್ನೆಗೆ ಮೂಡುವ ಮುನ್ನವೇ ಮತ್ತೆ ಆಂಡಿ ಮತ್ತು ಕವಿತಾ ನಡುವೆ ಮಾತಿನ ಚಕಮಕಿ ನಡೆಯಿತು.

ಕಳಪೆ ಪ್ರದರ್ಶನ

ಚಟುವಟಿಕೆಯಲ್ಲಿ ಶಶಿ ಅಂಡ್ ಟೀಮ್ ಗೆದ್ದಿದ್ರಿಂದ, ಶಶಿ ಮತ್ತು ರಶ್ಮಿ ಕ್ಯಾಪ್ಟನ್ ಪ್ರತಿಸ್ಪರ್ಧಿಗಳಾದರು. ಇನ್ನೂ ಸೋತ ತಂಡದಿಂದ ರಾಕೇಶ್ ಮತ್ತು ಜಯಶ್ರೀ ಕ್ಯಾಪ್ಟನ್ ರೇಸ್ ಗಿಳಿದರು. ಸೋತ ತಂಡದಿಂದ ಇಬ್ಬರಿಗೆ 'ಕಳಪೆ ಪ್ರದರ್ಶನ'ದ ಹಣೆಪಟ್ಟಿ ನೀಡಿ ಜೈಲಿಗೆ ಕಳುಹಿಸಬೇಕಿತ್ತು. ವಾದ-ವಿವಾದ ಮತ್ತೊಂದು ಬಾರಿಗೆ ಶುರುವಾಗಿದ್ದು ಇಲ್ಲಿಂದ.

ಮತ್ತೆ ವಾಕ್ಸಮರ ಶುರು

ಚಟುವಟಿಕೆಯಲ್ಲಿ ಆಂಡಿ ಪಾತ್ರದಿಂದ ಹೊರಗೆ ಬಂದು ಗಲಾಟೆ ಮಾಡಿದ್ದರೂ, ಶಶಿ ತಂಡವನ್ನು ಕವಿತಾ ಗೆಲ್ಲಿಸಿದರು ಅನ್ನೋದು ರಾಕೇಶ್ ಮತ್ತು ತಂಡದ ಬೇಸರಕ್ಕೆ ಕಾರಣವಾಯ್ತು. ''ಎಲ್ಲರನ್ನೂ ಗಣನೆಗೆ ತೆಗೆದುಕೊಳ್ಳುವ ಹಾಗಿದ್ದರೆ, ಕಳಪೆ ಪ್ರದರ್ಶನ ಆಂಡಿಗೆ ಕೊಡುತ್ತಿದ್ದೆ'' ಅಂತ ಕವಿತಾ ಹೇಳಿದ ಮಾತು ಮತ್ತೆ ಆಂಡಿನ ಕೆರಳಿಸಿತು. ಆಂಡಿ-ಕವಿತಾ ಮಧ್ಯೆ ಮತ್ತೆ ವಾಕ್ಸಮರ ನಡೆಯಿತು. ಕೊನೆಗೆ ಜೈಲಿಗೆ ಹೋಗಲು ಮುರಳಿ ಮತ್ತು ಧನರಾಜ್ ಮುಂದಾದರು.

ಉಲ್ಟಾ ಹೊಡೆದ ಕವಿತಾ

''ನಾನು ರಾಕೇಶ್ ತಂಡವನ್ನು ಗೆಲ್ಲಿಸಬೇಕಿತ್ತು ಅಂತ ಅನಿಸುತ್ತಿದೆ'' ಎಂದು ಎಲ್ಲಾ ಮುಗಿದ ಮೇಲೆ ಕವಿತಾ ಹೇಳಿದ್ದಾರೆ. ಒಟ್ನಲ್ಲಿ, ಕವಿತಾ ನಡೆದುಕೊಳ್ಳುವುದಕ್ಕೂ.. ಆಂಡಿ ಆಡುವುದಕ್ಕೂ ಸರಿಯಾಗಿದೆ. ಇಬ್ಬರ ನಡುವಿನ ಕಿತ್ತಾಟ ಸದ್ಯಕ್ಕೆ ಮುಗಿಯುವ ಯಾವುದೇ ಲಕ್ಷಣ ಕಾಣಿಸುತ್ತಿಲ್ಲ.