'ರೊಮ್ಯಾಂಟಿಕ್' ರಾಕೇಶ್ ಗೆ ಕ್ಲೀನ್ ಬೌಲ್ಡ್ ಆದ 'ಸುಂದರಿ' ಕವಿತಾ.!

ರಾಕೇಶ್ ಗೆ ಪರ್ಫೆಕ್ಟ್ ಆಗಿ ಗೊತ್ತು.!

'ಗೋಡೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು' ಚಟುವಟಿಕೆಯಲ್ಲಿ ರಾಕೇಶ್ ಭಾಗವಹಿಸಿದ ರೀತಿ ನೋಡಿ ''ನಾನು ನಿಜ ಹೇಳ್ಲಾ.. ಅವನು ಇನ್ನೂರು ಹುಡುಗಿಯರ ಜೊತೆಗೆ ಡೇಟಿಂಗ್ ಮಾಡಿರೋದು ಪರ್ಫೆಕ್ಟ್ ಎಕ್ಸ್ ಪೀರಿಯನ್ಸ್. ಹುಡುಗಿಯರನ್ನ ಹೇಗೆ ಇಂಪ್ರೆಸ್ ಮಾಡಬೇಕು ಅಂತ ಅವನಿಗೆ ಪರ್ಫೆಕ್ಟ್ ಆಗಿ ಗೊತ್ತು'' ಅಂತ ಖುಷಿಯಿಂದ ಹೇಳಿದ್ದಾರೆ 'ಸುಂದರಿ' ಕವಿತಾ.

ರೊಮ್ಯಾಂಟಿಕ್ ಹುಡುಗ.!

''ರಾಕೇಶ್ ತುಂಬಾ ರೊಮ್ಯಾಂಟಿಕ್ ಹುಡುಗ'' ಅಂತ ಜಯಶ್ರೀ ಕೂಡ ಸರ್ಟಿಫಿಕೇಟ್ ಕೊಟ್ಟಿದ್ದಾರೆ. ಆದ್ರೆ, ನಯನಗೆ ಮಾತ್ರ ರಾಕೇಶ್ ನ ನೋಡಿದ್ರೆ ಕಿರಿಕಿರಿ ಆಗುತ್ತೆ.

ಕವಿತಾ ಕಾಲಿಗೆ ಮಸಾಜ್ ಮಾಡಿದ ರಾಕೇಶ್.!

'ಗೋಡೆ ಕಟ್ಟಿ ನೋಡು, ಮದುವೆ ಮಾಡಿ ನೋಡು' ಚಟುವಟಿಕೆಯ ಭಾಗವಾಗಿ, ಕವಿತಾ ಮನವೊಲಿಸಲು ಆಕೆಯ ಕಾಲಿಗೆ ರಾಕೇಶ್ ಮಸಾಜ್ ಕೂಡ ಮಾಡಿದರು.

ಸರ್ಕಸ್ ಮಾಡಿದ ರಾಕೇಶ್.!

ಇನ್ನೂ ಎದೆ ಮೇಲೆ ಹೃದಯದ ಚಿತ್ರ ಬಿಡಿಸಿಕೊಂಡು, ''ಕವಿತಾ ಮ್ಯಾರಿ ಮೀ'' ಅಂತೆಲ್ಲಾ ಬರೆದುಕೊಂಡು ಬಂದು 'ಸುಂದರಿ' ಕವಿತಾ ಬಳಿ ರಾಕೇಶ್ ಪ್ರಪೋಸ್ ಕೂಡ ಮಾಡಿದರು.

ಏನೇ ಮಾಡಿದರೂ ಗೆಲ್ಲಲಿಲ್ಲ.!

ಟಾಸ್ಕ್ ಹೊರತಾಗಿಯೂ, ಬೆಳಗ್ಗೆ ಎದ್ದ ಕೂಡಲೆ ಕವಿತಾಗೆ ಬೆಡ್ ಕಾಫಿ ಕೊಟ್ಟು ಇಂಪ್ರೆಸ್ ಮಾಡಲು ರಾಕೇಶ್ ಯತ್ನಿಸಿದರು. ಇಷ್ಟೆಲ್ಲಾ ಸರ್ಕಸ್ ಮಾಡಿದರೂ, ಚಟುವಟಿಕೆಯ ಅಂತ್ಯದಲ್ಲಿ ಗೆದ್ದಿದ್ದು ಮಾತ್ರ ಶಶಿ ಕುಮಾರ್. ರಾಕೇಶ್ ಎಷ್ಟೇ ರೊಮ್ಯಾಂಟಿಕ್ ಆಗಿದ್ದರೂ, ಯಾವುದೂ ಪ್ರಯೋಜನಕ್ಕೆ ಬರಲಿಲ್ಲ.

ಮುನಿಸಿಕೊಂಡ ರಾಕೇಶ್

''ಕ್ವಾಲಿಟಿಗೆ ಇಲ್ಲಿ ಜಾಗ ಇಲ್ಲ. ನಾವು ಮಾಡಿದ್ದೆಲ್ಲವನ್ನೂ ಶಶಿ ತಂಡ ಕಾಪಿ ಮಾಡಿತು. ಯಾವುದೂ ಒರಿಜಿನಲ್ ಆಗಿ ಇರಲಿಲ್ಲ. ಕವಿತಾ ಸರಿಯಾಗಿ ನಿರ್ಧಾರ ತೆಗೆದುಕೊಳ್ಳಲಿಲ್ಲ'' ಅಂತ ಕವಿತಾ ಮೇಲೆ ರಾಕೇಶ್ ಮುನಿಸಿಕೊಂಡಿದ್ದರು.

ಎಡವಿದ ರಾಕೇಶ್

ಲವ್ ಲೆಟರ್ ಬರೆಯುವುದರಲ್ಲಿ ಮತ್ತು ಚಿತ್ರ ಬಿಡಿಸುವಲ್ಲಿ ರಾಕೇಶ್ ನೀರಸ ಪ್ರದರ್ಶನ ನೀಡಿದ ಕಾರಣ ಚಟುವಟಿಕೆಯಲ್ಲಿ ಸೋಲು ಅನುಭವಿಸಬೇಕಾಯಿತು.