ಪ್ರೀತಿಯ 'ಪುಟ್ಟ'ನ ಸೇಫ್ ಮಾಡದ ರಾಕೇಶ್: ಅಕ್ಷತಾ ನಿಮಗಿದು ಆಗ್ಬೇಕಿತ್ತು.!

ವಿಶೇಷ ಅಧಿಕಾರ ಪಡೆದಿದ್ದ ರಾಕೇಶ್

ರಾಕೇಶ್ ಕ್ಯಾಪ್ಟನ್ ಆಗಿದ್ದರಿಂದ, ಅವರಿಗೆ ಒಂದು ವಿಶೇಷ ಅಧಿಕಾರವನ್ನು 'ಬಿಗ್ ಬಾಸ್' ನೀಡಿದರು. ಇದರ ಅನುಸಾರ, ನಾಮಿನೇಟ್ ಆಗಿರುವ ಸದಸ್ಯರ ಪೈಕಿ ಒಬ್ಬರನ್ನು ರಾಕೇಶ್ ಸೇಫ್ ಮಾಡಬಹುದಿತ್ತು ಅಥವಾ ತಮ್ಮನ್ನ ತಾವು ಉಳಿಸಿಕೊಳ್ಳಬಹುದಿತ್ತು.

ಅಪ್ ಸೆಟ್ ಆದ ಅಕ್ಷತಾ

'ಬಿಗ್ ಬಾಸ್' ಕೊಟ್ಟ ವಿಶೇಷ ಅಧಿಕಾರವನ್ನು ಕೇಳಿ, ''ನೀವೂ ಸೇಫ್ ಆಗಬಹುದು'' ಎಂದು ರಾಕೇಶ್ ಗೆ ಅಕ್ಷತಾ ಹೇಳಿದರು. ''ಯೋಚನೆ ಮಾಡುವೆ'' ಅಂತ ಸ್ವಲ್ಪ ಸಮಯ ತೆಗೆದುಕೊಂಡು, ''ಈ ಮನೆಯಲ್ಲಿ ಪ್ರೀತಿ ಗೆದ್ದಿದ್ದೇನೆ. ಅಷ್ಟೇ ಪ್ರೀತಿ ಹೊರಗೂ ಗೆಲ್ಲುತ್ತೇನೆ ಎಂಬ ನಂಬಿಕೆ ನನ್ನಲ್ಲಿ ಇದೆ. ಕ್ಯಾಪ್ಟನ್ ಆಗಿ ನಾನು ಮಾದರಿ ಆಗಿ ಇರಬೇಕು ಎಂದು ನನ್ನನ್ನ ನಾನು ಸೇಫ್ ಮಾಡಿಕೊಳ್ಳಲ್ಲ. ಸ್ವಾರ್ಥಿಯಾಗಿ ಯೋಚಿಸುವುದಿಲ್ಲ. ನನ್ನ ಫಿಲಾಸಫಿ ಪ್ರಕಾರ, ಈ ಮನೆಗೆ ಮುರಳಿ ಅವರ ಅವಶ್ಯಕತೆ ಇದೆ. ಈ ಮನೆಗೆ ಅನುಭವ ಇರುವವರು ಬೇಕು. ಈ ಜರ್ನಿಗೆ ಅವರು ಬಹಳ ಮುಖ್ಯ'' ಎನ್ನುತ್ತಾ ಮುರಳಿಯನ್ನ ರಾಕೇಶ್ ಸೇಫ್ ಮಾಡಿದರು. ಇದನ್ನ ನೋಡಿ ಅಕ್ಷತಾ ಅಪ್ ಸೆಟ್ ಆದರು. ಕಣ್ಣೀರಿಡಲು ಆರಂಭಿಸಿದರು.

''ನನಗಿದು ಆಗ್ಬೇಕಿತ್ತು.!''

''ನಾನಾಗಿದ್ದರೆ, ಮುಲಾಜಿಲ್ಲದೇ ಅವನನ್ನು (ರಾಕೇಶ್) ಸೇಫ್ ಮಾಡುತ್ತಿದ್ದೆ. ಕ್ಯಾಪ್ಟನ್ ಆಯ್ಕೆ ಮಾಡುವಾಗ ಅವನು ಕೇಳದೇ ಇದ್ದರೂ, ಅವನಿಗೇ ಹೋಗಿ ಸಪೋರ್ಟ್ ಮಾಡಿದೆ. ಆಗಬೇಕಿತ್ತು ನನಗೆ ಇದು. ದಯವಿಟ್ಟು ನನ್ನನ್ನ ಕ್ಷಮಿಸು ಅಮ್ಮ'' ಎನ್ನುತ್ತಾ ಅಕ್ಷತಾ ಕಣ್ಣೀರಿಟ್ಟರು.

ಫೇಕ್ ರಾಕೇಶ್.!

''ಅವನು (ರಾಕೇಶ್) ಫೇಕ್. ಈಗ ಮಾಡಿದ್ದು ಫೇಕಾ.? ಅಥವಾ ಪ್ರಾಂಕ್ ಟಾಸ್ಕ್ ನಲ್ಲಿ ಮಾಡಿದ್ದು ಫೇಕಾ.? ನಾನು ಈಡಿಯೆಟ್ ಆದೆ ಅಂತ ನನಗೇ ಪಶ್ಚಾತ್ತಾಪ ಆಗುತ್ತಿದೆ'' - ಅಕ್ಷತಾ ಪಾಂಡವಪುರ

ಮರ್ಯಾದೆ ಹೋಯ್ತು.!

''ಅವನಿಂದ (ರಾಕೇಶ್) ನಾನು ಮರ್ಯಾದೆ ಕಳಕೊಂಡೆ. ಅವನಿಂದ ನನಗೆ ಮರ್ಯಾದೆ ಹೋಯ್ತು. ಎಷ್ಟೆಲ್ಲಾ ಸಪೋರ್ಟ್ ಮಾಡಿದ್ದೇನೆ ಅವನಿಗೆ. ನಾನು ಯಾವ ಸೆಲೆಬ್ರಿಟಿನೂ ಅಲ್ಲ. ಇವನಾಡುವ ಆಟಕ್ಕೆ ನಾನು ಬಲಿಯಾದೆ. ನನ್ನ ತಾಯಿಗೆ ನಾನು ಕ್ಷಮೆ ಕೇಳಬೇಕು'' - ಅಕ್ಷತಾ ಪಾಂಡವಪುರ

ಫೇಕ್ ಮಾತುಗಳನ್ನು ನಂಬಿ ಹೀಗೆ ಆಗಿರುವೆ.!

ಅಕ್ಷತಾ ಮನವೊಲಿಸಲು ರಾಕೇಶ್ ಮುಂದಾದಾಗ ''ಅವನ ಸ್ಪಷ್ಟನೆಯನ್ನ ಕೇಳಿ ಕೇಳಿಯೇ ನಾನು ಹೀಗೆ ಆಗಿರೋದು. ಅವನ ಫೇಕ್ ಮಾತುಗಳನ್ನು ನಂಬಿ ನಾನು ಹೀಗೆ ಆಗಿರುವುದು'' ಎಂದು ಅಕ್ಷತಾ ಕೂಗಾಡಿದರು. ಅಲ್ಲದೇ, ''ನಾನು ಕ್ಯಾಪ್ಟನ್ ಆದಾಗ ನನಗೆ ನೀವು ಎಷ್ಟು ಸಪೋರ್ಟ್ ಮಾಡಿದ್ರಿ.? ಪನ್ನೀರ್ ವಿಷಯಕ್ಕೆ ಎಷ್ಟು ದೊಡ್ಡ ಗಲಾಟೆ ಮಾಡಿದ್ರಿ.?'' ಎಂದು ರಾಕೇಶ್ ತಪ್ಪನ್ನ ಅಕ್ಷತಾ ಒತ್ತಿ ಒತ್ತಿ ಹೇಳಿದರು.

ಶಬ್ಬಾಸ್..

''ನಾನೇ ಈಡಿಯೆಟ್. ನಾನು ಎಮೋಷನಲಿ ಇಷ್ಟೊಂದು ಹರ್ಟ್ ಆಗಬಾರದಿತ್ತು. ಮುರಳಿಗೆ ಏನು ಕಾರಣ ಕೊಟ್ಟಿದ್ದೆ, ಅದೇ ಕಾರಣವನ್ನ ಮೊದಲ ವಾರದಿಂದಲೂ ನೀನು ನನಗೆ ಕೊಡುತ್ತಲೇ ಬಂದಿದ್ದೆ. ಈಗ ಅವರ ಮುಂದೆ ನಾನು ನಿನ್ನ ಪ್ರಕಾರ ಇಲ್ಲಿ ಇರಲು ಅರ್ಹಳಲ್ಲ. ಚೆನ್ನಾಗಿ ಗೇಮ್ ಆಡ್ತಿದ್ಯಾ. ವೆರಿ ಗುಡ್.. ಶಬ್ಬಾಸ್'' ಅಂತ ರಾಕೇಶ್ ಗೆ ಹೇಳಿ ಚಪ್ಪಾಳೆ ತಟ್ಟಿದರು ಅಕ್ಷತಾ.

ನಿಮ್ಮ ಅಭಿಪ್ರಾಯ ಏನು.?

ನಾಮಿನೇಷನ್ ವೇಳೆ ರಾಕೇಶ್ ತೆಗೆದುಕೊಂಡ ನಿರ್ಧಾರ ಸರಿ ಅಂತ ನಿಮಗೆ ಅನ್ಸುತ್ತಾ.? ನಿಮ್ಮ ಅಭಿಪ್ರಾಯವನ್ನ ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.