ಮುರಿದು ಬಿದ್ದ 'ಗೆಳೆತನ': ರಾಕೇಶ್-ಅಕ್ಷತಾ ನಡುವೆ ಈಗ ಬರೀ ಜಗಳ.!

ರಾಕೇಶ್ ಮೇಲೆ ಕೆಂಡಕಾರಿದ ಅಕ್ಷತಾ

ಒಂಬತ್ತನೇ ವಾರದ ನಾಮಿನೇಷನ್ ಪ್ರಕ್ರಿಯೆಯಲ್ಲಿ ನಾಮಿನೇಟ್ ಆಗಿರುವ ಸ್ಪರ್ಧಿಗಳ ಪೈಕಿ ಯಾರಾದರೂ ಒಬ್ಬರನ್ನ ಸೇಫ್ ಮಾಡುವ ಅಧಿಕಾರ ಕ್ಯಾಪ್ಟನ್ ರಾಕೇಶ್ ಕೈಯಲ್ಲಿತ್ತು. ಆಗ ರಾಕೇಶ್ ಮುರಳಿಯನ್ನ ಸೇಫ್ ಮಾಡಿದರು. ಅಕ್ಷತಾನ ಬಚಾವ್ ಮಾಡಲಿಲ್ಲ. ಹೀಗಾಗಿ ರಾಕೇಶ್ ಮೇಲೆ ಅಕ್ಷತಾಗೆ ಕೆಂಡದಷ್ಟು ಕೋಪ ಇದೆ.

ಟಾಸ್ಕ್ ನಲ್ಲಿ ಸಿಟ್ಟು ಹೊರಹಾಕಿದ ಅಕ್ಷತಾ

'ಬಿಗ್ ಬಾಸ್ ವಿಶ್ವವಿದ್ಯಾನಿಲಯ' ಟಾಸ್ಕ್ ನಲ್ಲಿ ರಾಕೇಶ್ ಮೇಲೆ ಇದ್ದ ಸಿಟ್ಟನ್ನೆಲ್ಲಾ ಅಕ್ಷತಾ ಹೊರಹಾಕಿದರು. ಚಟುವಟಿಕೆ ವೇಳೆ ಉದಾಹರಣೆ ನೀಡುವ ನೆಪದಲ್ಲಿ ರಾಕೇಶ್ ಬಗ್ಗೆಯೇ ಅಕ್ಷತಾ ಪದೇ ಪದೇ ಬೆಟ್ಟು ಮಾಡಿ ತೋರಿಸುತ್ತಿದ್ದರು.

ಧಿಕ್ಕಾರ ಕೂಗಿದ ಅಕ್ಷತಾ

'ಕೋಳಿ ಮಂಜ.. ಹುಡುಗಿಯರ ಮೇಲೆ ಹಾರುವ ಹುಂಜ'' ಎನ್ನುತ್ತಾ ಚಟುವಟಿಕೆಯಲ್ಲಿ ರಾಕೇಶ್ ವಿರುದ್ಧ ಅಕ್ಷತಾ ಧಿಕ್ಕಾರ ಕೂಡ ಕೂಗಿದರು. ಒಟ್ನಲ್ಲಿ ಒಂದಲ್ಲಾ ಒಂದು ರೀತಿಯಲ್ಲಿ ರಾಕೇಶ್ ನ ಅಕ್ಷತಾ ಟಾರ್ಗೆಟ್ ಮಾಡಿದರು.

ತಿರುಗೇಟು ಕೊಟ್ಟ ರಾಕೇಶ್

'ಬಿಗ್ ಬಾಸ್ ವಿಶ್ವವಿದ್ಯಾನಿಲಯ' ಚಟುವಟಿಕೆ ಮುಗಿದ ಮೇಲೆ ''ಈ ಲೆವೆಲ್ ಗೆ ನೀವು ಇಳಿಯುತ್ತೀರಾ ಅಂತ ನಾನು ಅಂದುಕೊಂಡಿರಲಿಲ್ಲ. ನನ್ನ ಇಡೀ ಟಾಸ್ಕ್ ನ ನೀವು ಕೆಡಿಸಿದ್ರಿ. ಪ್ರತಿ ಬಾರಿ ನನ್ನ ಮೇಲೆ ಚಾಡಿ ಹೇಳಿದ್ರಿ. ಚೀಪ್ ಹೆಸರು ಕೊಟ್ಟು ನನ್ನ ಚಿಕ್ಕದಾಗಿ ತೋರಿಸಿದ್ರಿ'' ಅಂತ ಅಕ್ಷತಾಗೆ ರಾಕೇಶ್ ತಿರುಗೇಟು ಕೊಟ್ಟರು.

ಇನ್ಮುಂದೆ ಹೇಗೆ.?

ಇಲ್ಲಿಯವರೆಗೂ ಗೆಳೆಯರಾಗಿದ್ದ ಅಕ್ಷತಾ-ರಾಕೇಶ್ ಇದೀಗ ಹಾವು-ಮುಂಗುಸಿ ತರಹ ಕಚ್ಚಾಡುತ್ತಿದ್ದಾರೆ. ಇವರಿಬ್ಬರ ನಡುವಿನ ಗಲಾಟೆ ಹೀಗೇ ಮುಂದುವರೆಯುತ್ತಾ.? ಕಾದು ನೋಡಬೇಕು.