ರಾಕೇಶ್ ಕೊಟ್ಟ ಉಡುಗೊರೆಯನ್ನ ತಿರಸ್ಕರಿಸಿದ ಅಕ್ಷತಾ.!

'ಬಿಗ್ ಬಾಸ್' ಮನೆಯಲ್ಲಿ ಕ್ರಿಸ್ಮಸ್ ಸಂಭ್ರಮ

ಕ್ರಿಸ್ಮಸ್ ಹಬ್ಬದ ಪ್ರಯುಕ್ತ 'ಬಿಗ್ ಬಾಸ್' ಮನೆಯಲ್ಲಿ ಸ್ಪರ್ಧಿಗಳೆಲ್ಲರೂ ಸಾಂತಾ ಆಗಿದ್ದರು. ತಮ್ಮ ಬಳಿ ಇರುವ ಅಮೂಲ್ಯ ವಸ್ತುವನ್ನು ಇತರೆ ಸದಸ್ಯರೊಬ್ಬರಿಗೆ ಉಡುಗೊರೆ ರೂಪದಲ್ಲಿ ಪ್ರತಿಯೊಬ್ಬರೂ ಕೊಡಬೇಕಿತ್ತು.

ಎಲ್ಲರೆದುರಿಗೆ ರಶ್ಮಿಗೆ ಉಡುಗೊರೆ ಕೊಟ್ಟ ರಾಕೇಶ್

ಉಡುಗೊರೆಗಳು ಎಲ್ಲರೆದುರು ಎಕ್ಸ್ ಚೇಂಜ್ ಆಗುವಾಗ, ಎಲ್ಲರ ಮುಂದೆ ನಿಂತು ರಶ್ಮಿಗೆ ಎಂ.ಜೆ.ರಾಕೇಶ್ ಬೆಲ್ಟ್ ನ ಉಡುಗೊರೆಯಾಗಿ ನೀಡಿದರು. ಹಾಗ್ನೋಡಿದ್ರೆ, ರಶ್ಮಿ ಬಗ್ಗೆ ಮೊದಲು ಗಾಸಿಪ್ ಮಾಡಿದವರೇ ರಾಕೇಶ್. ಈಗ ಅದೇ ರಶ್ಮಿ ಜೊತೆಗೆ ಚೆನ್ನಾಗಿರಲು ರಾಕೇಶ್ ಪ್ರಯತ್ನ ಪಡುತ್ತಿದ್ದಾರೆ.

ಅಕ್ಷತಾಗೆ ಸರ್ ಪ್ರೈಸ್

ಎಲ್ಲರೆದುರು ಗಿಫ್ಟ್ಸ್ ಎಕ್ಸ್ ಚೇಂಜ್ ಆಗುವಾಗ ಅಕ್ಷತಾಗೆ ಯಾರಿಂದಲೂ ಉಡುಗೊರೆ ಸಿಗಲಿಲ್ಲ. ಈ ನಡುವೆ ಅಕ್ಷತಾ ಸೂಟ್ ಕೇಸ್ ಬಳಿ ಉಡುಗೊರೆ ಇಟ್ಟು ಆಕೆಗೆ ಸರ್ ಪ್ರೈಸ್ ನೀಡಲು ರಾಕೇಶ್ ಯತ್ನಿಸಿದರು.

ರಿಜೆಕ್ಟ್ ಮಾಡಿದ ಅಕ್ಷತಾ

ನಿವೇದಿತಾ ಮೂಲಕ ತಮ್ಮ ಉಡುಗೊರೆಯನ್ನ ಅಕ್ಷತಾಗೆ ತಲುಪಿಸಲು ರಾಕೇಶ್ ಮುಂದಾದರು. ಆದ್ರೆ, ಉಡುಗೊರೆ ಮೇಲೆ ಬರೆದಿದ್ದ ಸಂದೇಶವನ್ನ ಮಾತ್ರ ಇಟ್ಟುಕೊಂಡು, ಗಿಫ್ಟ್ ನ ರಾಕೇಶ್ ಸೂಟ್ ಕೇಸ್ ನಲ್ಲಿ ಅಕ್ಷತಾ ವಾಪಸ್ ಇಟ್ಟುಬಿಟ್ಟರು.

ಕದ್ದುಮುಚ್ಚಿ ಆಟ ಏಕೆ.?

''ಉಡುಗೊರೆಯನ್ನ ವಾಪಸ್ ಕೊಡಬಾರದು'' ಅಂತ ಅಕ್ಷತಾಗೆ ಪದೇ ಪದೇ ರಾಕೇಶ್ ಹೇಳಿದರು. ಆದ್ರೆ, ಅದನ್ನ ಅಕ್ಷತಾ ಕೇಳಲಿಲ್ಲ. ಹಾಗೊಂದು ವೇಳೆ ಉಡುಗೊರೆ ಕೊಡಬೇಕಿದ್ದರೆ, ಎಲ್ಲರೆದುರಿಗೆ ಅಕ್ಷತಾಗೆ ರಾಕೇಶ್ ಗಿಫ್ಟ್ ನೀಡಬಹುದಿತ್ತು. ರಾಕೇಶ್ ಕಡೆಯಿಂದ ಈ ಕದ್ದುಮುಚ್ಚಿ ಆಟ ಏಕೋ.? ವೀಕ್ಷಕರಿಗೆ ಅರ್ಥ ಆಗುತ್ತಿಲ್ಲ.