'ಗುಡ್ನೆಸ್' ಹೆಸರಲ್ಲಿ ರಾಕೇಶ್ ಆಡುತ್ತಿರುವ ಡಬಲ್ ಗೇಮ್ ಬಯಲು ಮಾಡಿದ ಆಂಡಿ.!

ಪ್ರಶ್ನೆ ಮಾಡಿದ ಸುದೀಪ್

''ವಿಲನ್ ಗುಂಪಿನಲ್ಲಿ ರಾಕೇಶ್ ಇದ್ದರು. ಟಾಸ್ಕ್ ಮುಗಿದ್ಮೇಲೆ ''ಹೀಗೆ ಮಾಡಬಾರದಿತ್ತು'' ಅಂತ ಕಣ್ಣೀರು ಹಾಕಿದರು. ಆಟ ಆಡುವಾಗ ಈ ಯೋಚನೆ ಯಾಕೆ ಬರಲಿಲ್ಲ.?'' ಎಂದು ರಾಕೇಶ್ ಗೆ ಸುದೀಪ್ ಪ್ರಶ್ನೆ ಮಾಡಿದರು.

ರಾಕೇಶ್ ಕೊಟ್ಟ ಸಬೂಬು ಏನು.?

''ಎರಡು ಬಾರಿ ನಾನು ಪ್ರಯತ್ನ ಮಾಡಿದೆ. ಇದನ್ನ ನಿಲ್ಲಿಸಿ, ಬೇರೆ ಕ್ರಿಯೇಟಿವ್ ಆಗಿ ಏನಾದರೂ ಮಾಡೋಣ ಅಂತ ಆಂಡಿಗೆ ಹೇಳಿದೆ. ಆದ್ರೆ, ಆಂಡಿ ಕೇಳಲಿಲ್ಲ. ನಾನು ಅಸಹಾಯಕನಾಗಿದ್ದೆ'' ಎಂದು ರಾಕೇಶ್ ಸಬೂಬು ಕೊಟ್ಟರು.

ರೊಚ್ಚಿಗೆದ್ದ ಆಂಡಿ

''ರಾಕೇಶ್ ಹೇಳುತ್ತಿರುವುದು ಪಕ್ಕಾ ಸುಳ್ಳು. ಯಾಕಂದ್ರೆ, ಅವನ ಬುಡಕ್ಕೆ ಬಂದಾಗ ತುಂಬಾ ಫಿಸಿಕಲ್ ಆಗಿ ಎಲ್ಲರನ್ನೂ ಡ್ಯಾಮೇಜ್ ಮಾಡಿದ. ''ಎಲ್ಲಿ ನಿನ್ನ ಗುಡ್ನೆಸ್'' ಅಂತ ಶಶಿ ನಾಲ್ಕು ಬಾರಿ ರಾಕೇಶ್ ಜೊತೆಗೆ ಜಗಳ ಮಾಡಿದ್ದಾನೆ. ರಾಕೇಶ್ ಕೇರ್ ಮಾಡಲಿಲ್ಲ. ಅವನ ಆಟ ಬಂದಾಗ, ಅವನು ಆಡುತ್ತಾನೆ. ಆಮೇಲೆ, ಎಲ್ಲರ ಬಳಿ ಹೋಗಿ ಕ್ಷಮೆ ಕೇಳಿ ಗುಡ್ನೆಸ್ ಅಂತಾನೆ'' ಎನ್ನುತ್ತಾ ರಾಕೇಶ್ ಆಡುತ್ತಿರುವ ಡಬಲ್ ಗೇಮ್ ನ ಆಂಡಿ ಬಯಲು ಮಾಡಿದರು.

ರಾಕೇಶ್ ಏನಂದರು.?

''ನಾನು ಆಕ್ರಮಣಕಾರಿ ಆಗಿ ವರ್ತಿಸಿದೆ ಅಂತ ಒಪ್ಪಿಕೊಳ್ಳುವೆ. ಆದ್ರೆ, ಶಸ್ತ್ರಾಸ್ತ್ರ ಬಳಸಿಲ್ಲ'' ಎಂದು ರಾಕೇಶ್ ಸಮರ್ಥಿಸಿಕೊಳ್ಳಲು ಮುಂದಾದರು.

ಎಲ್ಲರೂ ಫೇಲ್

''ಟಾಸ್ಕ್ ನ ತುಂಬಾ ಚೆನ್ನಾಗಿ ಆಡಬಹುದಿತ್ತು. ಆದ್ರೆ, ಬೇಸಿಕ್ ನಿಂದಲೇ ತಪ್ಪಾಗಿದೆ. ನೀವೆಲ್ಲಾ ಫೇಲ್ ಆದ್ರಿ'' ಎಂದು ಎಲ್ಲರಿಗೂ ಸುದೀಪ್ ತಿಳಿಸಿದರು.