ಅಕ್ಷತಾ ವಿಚಾರದಲ್ಲಿ ರಾಕೇಶ್ ಮುಖವಾಡ ಕಳಚಿದ ಸುದೀಪ್.!

ಗಿಫ್ಟ್ ಬಗ್ಗೆ ಸುದೀಪ್ ಮಾತು

''ರಾಕೇಶ್ ಅವರೇ.. ತಾವು ಸೆಪರೇಟ್ ಆಗಿ ಹೋಗಿ ಅಕ್ಷತಾಗೆ ಉಡುಗೊರೆ ಕೊಡ್ತೀರಾ. ಕೊನೆಗೆ ಅದು ಸ್ವೀಕಾರ ಆಯ್ತಾ, ಇಲ್ವಾ.?'' ಎಂದು ರಾಕೇಶ್ ಗೆ ಸುದೀಪ್ ಪ್ರಶ್ನಿಸಿದರು. ಅದಕ್ಕೆ, ''ಅವತ್ತು ತಕ್ಷಣಕ್ಕೆ ಸ್ವೀಕರಿಸಲಿಲ್ಲ. ಆಮೇಲೆ ಅಕ್ಷತಾ ಸ್ವೀಕರಿಸಿದರು'' ಎಂದು ರಾಕೇಶ್ ಉತ್ತರಿಸಿದರು.

ಡಿಲೇ ಆಗಿದ್ದು ಯಾಕೆ.?

''ಯಾಕೆ ಸ್ವೀಕಾರ ಆಗುವುದರಲ್ಲಿ ಡಿಲೇ.?'' ಎಂದು ಸುದೀಪ್ ಪ್ರಶ್ನಿಸಿದಾಗ, ''ಅಕ್ಷತಾ ಅವರ ಎಮೋಷನಲ್ ಗ್ರಾಫ್ ತುಂಬಾ ಹೈ. ಅದೊಂದು good will gesture. ಅದರಲ್ಲಿ ತಪ್ಪೇನೂ ಇರಲಿಲ್ಲ. ನಾನು ನನ್ನ ಶ್ರಮ ಹಾಕಿ ಕನ್ನಡದಲ್ಲಿ ಬರೆದಿದ್ದೆ. ಅದನ್ನ ಸ್ವೀಕರಿಸಿದರು'' ಎಂದರು ರಾಕೇಶ್.

ರಾಕೇಶ್ ಮುಖವಾಡ ಕಳಚಿದ ಸುದೀಪ್

''ಅಕ್ಷತಾ ಬಗ್ಗೆ ನಿಮ್ಮ ಮನಸ್ಸಿನಲ್ಲಿ ಏನಿದೆ ಅಂತ ನನಗೆ ಗೊತ್ತಿಲ್ಲ. ಗೊತ್ತಾಗುವುದು ಬೇಡ. ಆದ್ರೆ, ಸೆಪರೇಟ್ ಆಗಿ ಉಡುಗೊರೆ ಕೊಡ್ತೀರಾ, ಕಳಪೆ ಯಾರು ಅಂತ ಚರ್ಚೆ ಆಗುವಾಗ ಸನ್ನೆ ಮಾಡಿ ಅಕ್ಷತಾ ರನ್ನ ಪ್ರೊಟೆಕ್ಟ್ ಮಾಡಲು ಟ್ರೈ ಮಾಡ್ತೀರಾ, ಬೇರೆ ಹುಡುಗಿಯರ ಜೊತೆಗೆ ಕೂತು ಅಕ್ಷತಾಗೆ ಹೊಟ್ಟೆಕಿಚ್ಚು ಅಂತ ಗಾಸಿಪ್ ಮಾಡ್ತೀರಾ. ಒಂದಕ್ಕೊಂದು ಟ್ಯಾಲಿ ಆಗುತ್ತಿಲ್ಲ'' ಎನ್ನುತ್ತಾ ರಾಕೇಶ್ ಮುಖವಾಡವನ್ನ ಸುದೀಪ್ ಕಳಚಿದರು.

ಸಮಜಾಯಿಷಿ ಕೊಟ್ಟ ರಾಕೇಶ್

''ಸೆಪರೇಟ್ ಆಗಿ ಗಿಫ್ಟ್ ಕೊಟ್ಟಿದ್ದು ಒಳ್ಳೆತನದಿಂದ. ಕಳಪೆ ವಿಷಯದಲ್ಲಿ ತಪ್ಪಾಗುತ್ತಿದೆ ಅಂತ ನನಗೆ ಅನಿಸ್ತು, ಅದಕ್ಕೆ ಹೇಳಿದೆ. ಹೊಟ್ಟೆಕಿಚ್ಚು ನನ್ನ ಕಡೆಯಿಂದ ಬಂದಿಲ್ಲ. ಬೇರೆ ಕಡೆಯಿಂದ ಬಂದಿದೆ. ನಾನು ಆ ಮಾತುಕತೆಯನ್ನ ಬೆಳೆಸಿಲ್ಲ'' ಎಂದರು ಸಮಜಾಯಿಷಿ ನೀಡಿದರು ರಾಕೇಶ್.

ಶಾಕ್ ಆದ ಅಕ್ಷತಾ

ತಮ್ಮ ಬಗ್ಗೆ ರಾಕೇಶ್ ಗಾಸಿಪ್ ಮಾಡಿದ ವಿಚಾರವನ್ನ ಸುದೀಪ್ ಬಾಯಿಂದ ಕೇಳಿ ಅಕ್ಷತಾ ಶಾಕ್ ಆದರು.