ಎರಡುವರೆ ವರ್ಷ ಡಿಪ್ರೆಶನ್ ನಲ್ಲಿದ್ದ ಆಂಡಿ: ಯಾಕೆ.?

ಬಿಗ್ ಬಾಸ್ ಕೊಟ್ಟಿದ್ದ ವಿಶೇಷ ಚಟುವಟಿಕೆ

ಸ್ಪರ್ಧಿಗಳು ತಮ್ಮ ಜೀವನ ಚರಿತ್ರೆಯನ್ನು ತೆರೆದಿಡಲು 'ಬಿಗ್ ಬಾಸ್' ಒಂದು ವಿಶೇಷ ಚಟುವಟಿಕೆ ನೀಡಿದರು. ಅದೇ 'ನನ್ನ ಕಥೆ'. ಇದರ ಅನುಸಾರ, ತಮ್ಮ ಜೀವನದ ಕಹಿ ಅನುಭವವನ್ನು ಆಂಡಿ ಬಿಚ್ಚಿಟ್ಟರು.

ದಿಢೀರ್ ದಪ್ಪ ಆದ ಆಂಡಿ

''ಎಂಟನೇ ಕ್ಲಾಸ್ ಗೆ ಬಂದಾಗ ದಪ್ಪ ಆಗಲು ಶುರುವಾದೆ. ಯಾಕೆ ಅಂತ ಗೊತ್ತಿಲ್ಲ. ಹತ್ತನೇ ಕ್ಲಾಸ್ ಗೆ ಬರುವ ಹೊತ್ತಿಗೆ ಧಡಿಯಾ ಅಂತ ಎಲ್ಲರೂ ಕರೆಯಲು ಶುರು ಮಾಡಿದರು. ಹೀಗಾಗಿ, ಹತ್ತನೇ ಕ್ಲಾಸ್ ಆದ್ಮೇಲೆ ನಾನು ಡಿಪ್ರೆಶನ್ ಗೆ ಹೋದೆ. ಎರಡುವರೆ ವರ್ಷ ನಾನೇನು ಮಾಡಿದೆ ಅನ್ನೋದೇ ನನಗೆ ಗೊತ್ತಿಲ್ಲ'' - ಆಂಡ್ರ್ಯೂ

ಸ್ಫೂರ್ತಿ ತುಂಬಿದ ಮಾತು

''ಸಂಬಂಧಿಕರು ಹೀಯಾಳಿಸುತ್ತಿದ್ದರು. ಮದುವೆ ಮನೆಯಲ್ಲಿ ನನ್ನ ತಂದೆ-ತಾಯಿ ನನಗಾಗಿ ಕಣ್ಣೀರು ಹಾಕಿದ್ದರು. ರೋಡ್ ನಲ್ಲಿ ಬರುವಾಗ ''ಕನಸು ಎಂಬುದು ನಿದ್ದೆ ಮಾಡುವಾಗ ಬರುವುದಲ್ಲ. ನಿನ್ನ ಕನಸು ನಿನ್ನನ್ನು ಮಲಗಲು ಬಿಡಬಾರದು'' ಎಂಬ ಅಬ್ದುಲ್ ಕಲಾಂ ರವರ ಮಾತನ್ನ ನೋಡಿದೆ. ಅದು ನನಗೆ ಸ್ಫೂರ್ತಿ ತುಂಬಿತು'' - ಆಂಡ್ರ್ಯೂ

ದೃಢ ನಿರ್ಧಾರ ಕೈಗೊಂಡ ಆಂಡಿ

''ಒಂದು ದೊಡ್ಡ ಆಡಿಟೋರಿಯಂ. ಅಲ್ಲಿ ಕೂರಲು ಹೋದಾಗ, ಚೇರ್ ನನಗೆ ಸಾಕಾಗಲಿಲ್ಲ. ಆಗ ಇಡೀ ಆಡಿಟೋರಿಯಂ ನನ್ನ ನೋಡಿ ನಕ್ಕಿತು. ನನಗೆ ಸಿಕ್ಕಾಪಟ್ಟೆ ಬೇಜಾರಾಗಿ ಬೈಕಲ್ಲಿ ಅಳುತ್ತ ಮನೆಗೆ ಹೋಗಿದ್ದೇನೆ. ಯಾವ ದೇಹದಿಂದ ಜನ ನನ್ನ ನೋಡಿ ನಗುತ್ತಾರೋ, ಅದೇ ದೇಹದಿಂದಲೇ ನಾನು ಖ್ಯಾತಿ ಗಳಿಸಬೇಕು ಅಂತ ನಿರ್ಧಾರ ಮಾಡಿದೆ. ಎಲ್ಲವನ್ನೂ ಪಾಸಿಟೀವ್ ಆಗಿ ತೆಗೆದುಕೊಳ್ಳಲು ಆರಂಭಿಸಿದೆ'' - ಆಂಡ್ರ್ಯೂ