ಅರೆರೇ.. ಜಯಶ್ರೀಗಾಗಿ ಹುಟ್ಟುಹಬ್ಬದ ಉಡುಗೊರೆ ಕೊಟ್ಟ ರಾಪಿಡ್ ರಶ್ಮಿ.!

ನಾಮಿನೇಷನ್ ವೇಳೆ....

'ಬಿಗ್ ಬಾಸ್' ಮನೆಯಲ್ಲಿ ಇರಲು ಅರ್ಹರಲ್ಲದ ಇಬ್ಬರು ವ್ಯಕ್ತಿಗಳ ಹೆಸರುಗಳನ್ನು ಪ್ರತಿ ಸ್ಪರ್ಧಿಯೂ ಪ್ರತಿ ವಾರ ತೆಗೆದುಕೊಳ್ಳಬೇಕು. ಇದೇ ನಾಮಿನೇಷನ್ ಪ್ರಕ್ರಿಯೆ. ಆದ್ರೆ, ಈ ಬಾರಿ ನಾಮಿನೇಷನ್ ಪ್ರಕ್ರಿಯೆ ಅಷ್ಟು ಸುಲಭವಾಗಿ ನಡೆಯಲಿಲ್ಲ. ಜೋಡಿಗಳ ಅನುಗುಣವಾಗಿ ನಾಮಿನೇಷನ್ ಪ್ರಕ್ರಿಯೆ ನಡೆಯಿತು.

ಇಬ್ಬರಲ್ಲಿ ಒಬ್ಬರು ಸೇಫ್

ಈ ಬಾರಿ ನಾಮಿನೇಷನ್ ಗಾಗಿ 'ಬಿಗ್ ಬಾಸ್' ಇಬ್ಬಿಬ್ಬರನ್ನು ಕನ್ಫೆಶನ್ ರೂಮ್ ಒಳಗೆ ಕರೆದರು. ಇಬ್ಬರಲ್ಲಿ ಒಬ್ಬರಿಗೆ ಮಾತ್ರ ಸೇಫ್ ಆಗುವ ಅವಕಾಶವನ್ನು 'ಬಿಗ್ ಬಾಸ್' ನೀಡಿದರು.

ಜಯಶ್ರೀ-ರಶ್ಮಿ ಜೋಡಿ

ನಾಮಿನೇಷನ್ ಪ್ರಕ್ರಿಯೆಯ ಆರಂಭದಲ್ಲಿ ಮೊದಲು ಜಯಶ್ರೀ ಮತ್ತು ರಶ್ಮಿಯನ್ನ 'ಬಿಗ್ ಬಾಸ್' ಕನ್ಫೆಶನ್ ರೂಮ್ ಒಳಗೆ ಕರೆದರು. ಇಬ್ಬರಲ್ಲಿ ಒಬ್ಬರು ನಾಮಿನೇಟ್ ಆಗಬೇಕು ಎಂದಾಗ, ಜಯಶ್ರೀ ಹೇಳಿದ ಒಂದು ಮಾತಿಗೆ ರಶ್ಮಿ ನಾಮಿನೇಟ್ ಆಗಲು ಒಪ್ಪಿಕೊಂಡರು.

ಜಯಶ್ರೀಗೆ ಬರ್ತಡೇ ಗಿಫ್ಟ್ ಕೊಟ್ಟ ರಶ್ಮಿ

''ನಾನೇನೋ ಒಂದು ಪ್ರೆಸೆಂಟ್ ಕೇಳಿದರೆ ಕೊಡ್ತೀಯಾ.? ಶನಿವಾರ ನನ್ನ ಹುಟ್ಟುಹಬ್ಬ. ಗಿಫ್ಟ್ ಆಗಿ ನನ್ನ ಬಿಟ್ಟುಬಿಡು'' ಎಂದು ಜಯಶ್ರೀ ಕೇಳಿದರು. ಅದಕ್ಕೆ ದೂಸ್ರಾ ಮಾತನಾಡದೆ, ''ಈ ವಾರ ಜಯಶ್ರೀಗೆ ಸ್ಪೆಷಲ್ ಆಗಿರುವ ಕಾರಣ ನಾನು ಬಿಟ್ಟುಕೊಡುವೆ'' ಎನ್ನುತ್ತಾ ರಶ್ಮಿ ನಾಮಿನೇಟ್ ಆದರು.

ಅಚ್ಚರಿ ಅಂದ್ರೆ ಇದೇ ಅಲ್ವೇ.?

ಒಂದು ವಾರದ ಹಿಂದೆಯಷ್ಟೇ ಇಬ್ಬರೂ ಕಚ್ಚಾಡಿಕೊಂಡಿದ್ದರು. ಇದೀಗ ನಾಮಿನೇಷನ್ ನಿಂದ ಸೇಫ್ ಆಗಲು ಇಬ್ಬರೂ ವಾಗ್ವಾದ ನಡೆಸುತ್ತಾರೆ ಅಂತಲೇ ವೀಕ್ಷಕರು ಭಾವಿಸಿದ್ದರು. ಆದ್ರೆ, ಕ್ಷಣಾರ್ಥದಲ್ಲಿ ಇಬ್ಬರೂ ನಿರ್ಧಾರ ತೆಗೆದುಕೊಂಡಿರುವುದು ವೀಕ್ಷಕರು ಅಚ್ಚರಿ ತಂದಿದೆ.