ನಿವೇದಿತಾ ಗೌಡಗೆ ಭೇಷ್ ಎಂದು ಹಾಡಿ ಹೊಗಳಿದ ಕಿಚ್ಚ ಸುದೀಪ್.!

ಗುಟ್ಟು ಬಿಟ್ಟು ಕೊಟ್ಟ ಕಿಚ್ಚ ಸುದೀಪ್

''ನಿವೇದಿತಾ ಗೌಡ ಸ್ಪರ್ಧಿಯಾಗಿ ಮನೆಯೊಳಗೆ ಬಂದೇ ಇಲ್ಲ. ನಿವೇದಿತಾ ಗೌಡ ವಿಶೇಷ ಅತಿಥಿಯಾಗಿ ಬಂದಿದ್ದರು'' ಎಂದು 'ವಾರದ ಕಥೆ ಕಿಚ್ಚನ ಜೊತೆ' ಸಂಚಿಕೆಯಲ್ಲಿ ಕಿಚ್ಚ ಸುದೀಪ್ ಎಲ್ಲಾ ಸ್ಪರ್ಧಿಗಳಿಗೂ ಕ್ಲಾರಿಟಿ ಕೊಟ್ಟರು.

ನಿವೇದಿತಾಗೆ ಧನ್ಯವಾದ ಹೇಳಿದ ಸುದೀಪ್

''ಎರಡು ವಾರಗಳ ಕಾಲ 'ಬಿಗ್ ಬಾಸ್' ಮನೆಯೊಳಗೆ ಇದ್ದಿದ್ದಕ್ಕೆ, ನಮಗೆ ಮನರಂಜನೆ ಕೊಟ್ಟಿದ್ದಕ್ಕೆ ಧನ್ಯವಾದಗಳು'' ಎಂದು ನಿವೇದಿತಾ ಗೌಡಗೆ ಹೇಳಿದರು ಸುದೀಪ್.

ಎಲ್ಲರೂ ಕಲಿಯಬೇಕಾದ ಪಾಠ

''ಈ ಮನೆ ನಿವೇದಿತಾ ಅವರನ್ನ ವಾಪಸ್ ಯಾಕೆ ಕರೆಯಿಸಿಕೊಂಡಿತು.? ಕಳೆದ ಬಾರಿ ನಿವೇದಿತಾ 105 ದಿನ ಈ ಮನೆಯಲ್ಲಿ ಇದ್ದರು. ಮೈಸೂರಿನಲ್ಲಿ ಸಾಮಾನ್ಯವಾಗಿ ಓದುತ್ತಿರುವ ಹುಡುಗಿ ಈ ಮನೆಗೆ ಅಟ್ಯಾಚ್ ಆದರು. ಇದರಲ್ಲಿ ಒಂದು ಪಾಠ ಇದೆ'' ಎನ್ನುತ್ತಾ ನಿವೇದಿತಾ ರನ್ನ ಹೊಗಳಲು ಸುದೀಪ್ ಆರಂಭಿಸಿದರು.

ಭೇಷ್ ಎಂದ ಸುದೀಪ್

''ಎರಡು ವಾರ ನಿವೇದಿತಾ ಈ ಮನೆಯಲ್ಲಿ ಇರುವಾಗ, ಅವಮಾನ-ನೋವು ಎದುರಿಸಿದರು. ಆದ್ರೆ, ಯಾವತ್ತೂ ಬಿಗ್ ಬಾಸ್ ಅನುಮತಿಯ ಆಚೆಗೆ ನಡೆದುಕೊಂಡಿಲ್ಲ. 'ನಾನು ಗೆಸ್ಟ್' ಅಂತ ನಿವೇದಿತಾ ಹೇಳಿಕೊಳ್ಳಬಹುದಿತ್ತು. ಆದ್ರೆ, ಆಕೆ ಹೇಳಿಲ್ಲ. ಆಟ ಬಿಡಲಿಲ್ಲ. ಸ್ಪಿರಿಟ್ ಬಿಡಲಿಲ್ಲ. 'ಬಿಗ್ ಬಾಸ್' ಮಾತನ್ನ ಮೀರಿಲ್ಲ. ಪ್ಯಾಶನ್ ಮತ್ತು ಪ್ರೀತಿಯಿಂದ ಆಟ ಆಡಿದರು. ಅದಕ್ಕೆ ಅವರು ಕಳೆದ ಸೀಸನ್ ನಲ್ಲಿ 105 ದಿನ ಇದ್ದರು. ಈ ಸೀಸನ್ ನಲ್ಲಿ ಎರಡು ವಾರ ನಿಮ್ಮಲ್ಲಿ ಒಬ್ಬರಾಗಿ ಜೈಲಲ್ಲೂ ಕಾಲ ಕಳೆದರು. ನಿವೇದಿತಾ ಅದ್ಭುತವಾಗಿ ಆಟ ಆಡಿದರು'' ಎಂದರು ಸುದೀಪ್