ಮೂವರು ಹುಡುಗಿಯರು ಬಂದ್ರು: 'ಬಿಗ್ ಬಾಸ್' ಮನೆಯ ಆಟದ ದಿಕ್ಕೇ ಬದಲಾಯ್ತು.!

ಮೇಘಶ್ರೀ ಕಂಡ್ರೆ ಕವಿತಾಗೆ ಅಷ್ಟಕಷ್ಟೆ.!

'ಬಿಗ್ ಬಾಸ್' ಮನೆಗೆ ವೈಲ್ಡ್ ಕಾರ್ಡ್ ಎಂಟ್ರಿಕೊಟ್ಟಿರುವ ಮೇಘಶ್ರೀ ಕಂಡ್ರೆ ಕವಿತಾಗೆ ಅಷ್ಟಕಷ್ಟೆ. ಹೀಗಾಗಿ, ಮೇಘಶ್ರೀ ಜೊತೆಗೆ ಕವಿತಾ ಮಾತುಕತೆ ನಡೆಸಿಲ್ಲ. ಇದನ್ನೇ ನೆಪ ಮಾಡಿಕೊಂಡ ಮೇಘಶ್ರೀ, ಕವಿತಾರನ್ನ ನಾಮಿನೇಟ್ ಮಾಡಿದ್ದು ನಿಮಗೆ ನೆನಪಿರಬಹುದು.

ಕವಿತಾಗೆ 'ಕಳಪೆ' ಎಂದ ಮೇಘಶ್ರೀ

'ಬಿಗ್ ಬಾಸ್ ವಿಶ್ವವಿದ್ಯಾನಿಲಯ' ಟಾಸ್ಕ್ ನಲ್ಲಿ ಕವಿತಾ ಆಕ್ಟೀವ್ ಆಗಿ ಇರಲಿಲ್ಲ ಎಂಬ ಕಾರಣದೊಂದಿಗೆ ಆಕೆಗೆ 'ಕಳಪೆ' ಪಟ್ಟ ನೀಡಲು ಮೇಘಶ್ರೀ ಮುಂದಾಗಿದ್ದರು. ಇದು ಕವಿತಾಗೆ ಇನ್ನಷ್ಟು ಸಿಟ್ಟು ತರಿಸಿದೆ.

ಮೇಘಶ್ರೀ ವರ್ಸಸ್ ಕವಿತಾ

ಮೇಘಶ್ರೀ ಮತ್ತು ಕವಿತಾ ನಡುವೆ ಸದ್ಯ ಎಲ್ಲವೂ ಸರಿಯಿಲ್ಲ. ಮೇಘಶ್ರೀ ಬಗ್ಗೆ ತಮ್ಮ ಅಸಮಾಧಾನವನ್ನು ಅಕ್ಷತಾ ಮುಂದೆ ಕವಿತಾ ಹೊರಹಾಕಿದ್ದಾರೆ. ಇಬ್ಬರ ನಡುವಿನ ಮುಸುಕಿನ ಗುದ್ದಾಟ ಯಾವಾಗ ತಾರಕಕ್ಕೇರುತ್ತದೋ, ನೋಡಬೇಕು.

ಆಂಡಿ ಜೊತೆ ಕವಿತಾ ಮಾತುಕತೆ

ಅಚ್ಚರಿ ಅಂದ್ರೆ ಇದೇ ನೋಡಿ... ಆಂಡ್ರ್ಯೂ ಕಂಡ್ರೆ ಮೂಗು ಮುರಿಯುತ್ತಿದ್ದ ಕವಿತಾ, ಇದೀಗ ಆಂಡಿ ಜೊತೆಗೆ ಕೂಲಾಗಿ ಮಾತನಾಡುತ್ತಿದ್ದಾರೆ. ಆಂಡಿ ಫೋಕಸ್ 'ಮೂವರು ಹುಡುಗಿಯರ' ಶಿಫ್ಟ್ ಆಗಿರುವುದೇ ಇದಕ್ಕೆ ಕಾರಣ ಎನ್ನಬಹುದೇನೋ.?

ನಿವೇದಿತಾ ಕಂಡ್ರೆ ಅಕ್ಷತಾಗೆ ಆಗಲ್ಲ.!

ಇನ್ನೂ ನಿವೇದಿತಾ ಕಂಡ್ರೆ ಅಕ್ಷತಾಗೆ ಒಂಥರಾ ಅಲರ್ಜಿ. ''ನಿವೇದಿತಾ ಕುಟುಂಬಕ್ಕೆ ಸೇರಲ್ಲ'' ಅಂತ ಚಟುವಟಿಕೆಯೊಂದರಲ್ಲಿ ಅಕ್ಷತಾ ಹೇಳಿದ್ದರು. ಹೀಗಾಗಿ, ಅಪ್ಪತಪ್ಪಿ ನಿವೇದಿತಾ ಜೊತೆಗೆ ರಾಕೇಶ್ ಮಾತನಾಡಿಬಿಟ್ಟರೆ ಅಕ್ಷತಾಗೆ ಉರಿ ಉರಿ ಶುರುವಾಗುತ್ತೆ.

ಹೊಸ ಹುರುಪು

ವೈಲ್ಡ್ ಕಾರ್ಡ್ ಎಂಟ್ರಿ ಆದ್ಮೇಲೆ ಮುರಳಿ ಆಟದ ವೈಖರಿ ಬದಲಾಗಿದೆ. ಟಾಸ್ಕ್ ಗಳಲ್ಲಿ ಮುರಳಿ ಹೆಚ್ಚು ಗಮನ ವಹಿಸುತ್ತಿದ್ದಾರೆ. ಇನ್ನೂ ನವೀನ್ ಗೂ ಹೊಸ ಸ್ಫೂರ್ತಿ ಸಿಕ್ಕ ಹಾಗಾಗಿದೆ.

ಜೀವಿತಾ ಹಿಂದೆ ರಾಕೇಶ್

ಅತ್ತ ಅಕ್ಷತಾ ದೂರ ಸರಿದ್ಮೇಲೆ, ಜೀವಿತಾ ಹಿಂದೆ ರಾಕೇಶ್ ಬಿದ್ದಿದ್ದಾರೆ. ಹೀಗಾಗಿ, ಟಾಸ್ಕ್ ಗಳಲ್ಲಿ ರಾಕೇಶ್ ನ ಟಾರ್ಗೆಟ್ ಮಾಡಿ ಅಕ್ಷತಾ ಸಿಟ್ಟು ತೀರಿಸಿಕೊಳ್ಳುತ್ತಿರುವ ಹಾಗಿದೆ.