ದಿಢೀರ್ ಅಂತ ಮಂಕಾಗಿದ್ದೇ ಜಯಶ್ರೀಗೆ ಮುಳುವಾಯಿತೇ.?

'ಬಿಗ್ ಬಾಸ್' ಮನೆಯಿಂದ ಹೊರಬಂದ ಜಯಶ್ರೀ

ಒಂಬತ್ತನೇ ವಾರಕ್ಕೆ ಔಟ್ ಆಗುವ ಸ್ಪರ್ಧಿ ಜಯಶ್ರೀ ಅಲ್ಲವೇ ಅಲ್ಲ. ಗ್ರ್ಯಾಂಡ್ ಫಿನಾಲೆವರೆಗೂ ಜಯಶ್ರೀ ಬರಬಹುದು ಎಂದು ಹಲವು ವೀಕ್ಷಕರು ಊಹಿಸಿದ್ದರು. ಆದ್ರೆ, ಗೇಮ್ ಪ್ಲಾನ್ ನಲ್ಲಿ ಕೊಂಚ ಹಿಂದೆ ಸರಿದ ಜಯಶ್ರೀ 'ಬಿಗ್ ಬಾಸ್' ಮನೆಯಿಂದ ಔಟ್ ಆಗಿದ್ದಾರೆ.

ಪ್ಲೀಸ್ ಮನೆಗೆ ಕಳುಹಿಸಿ ಎಂದಿದ್ದ ಜಯಶ್ರೀ

ಆಂಡ್ರ್ಯೂ ಜೊತೆಗೆ ಕಿತ್ತಾಟ ನಡೆದ್ಮೇಲೆ, ಮಾನಸಿಕವಾಗಿ ನೊಂದಿದ್ದ ಜಯಶ್ರೀ ''ಪ್ಲೀಸ್ ನನ್ನನ್ನ ಮನೆಗೆ ಕಳುಹಿಸಿ. ಇಲ್ಲಿ ಇರಲು ಆಗುತ್ತಿಲ್ಲ'' ಎಂದು ಕಣ್ಣೀರು ಹಾಕಿ 'ಬಿಗ್ ಬಾಸ್' ಬಳಿ ಮನವಿ ಮಾಡಿದ್ದರು. ಇದು ಕೂಡ ಜಯಶ್ರೀ ಆಟಕ್ಕೆ ಮೈನಸ್ ಪಾಯಿಂಟ್ ಆಯಿತು.

ನಾಲ್ವರು ನಾಮಿನೇಟ್ ಮಾಡಿದ್ದರು.!

'ಆಟಗಳನ್ನು ಸ್ಪೋರ್ಟಿವ್ ಆಗಿ ತೆಗೆದುಕೊಳ್ಳದ' ಜಯಶ್ರೀ ರವರನ್ನ ಕವಿತಾ, ರಶ್ಮಿ, ನಿವೇದಿತಾ ಗೌಡ ಸೇರಿದಂತೆ ಒಟ್ಟು ನಾಲ್ಕು ಮಂದಿ ನಾಮಿನೇಟ್ ಮಾಡಿದ್ದರು.

ಇತರರಿಗೆ ಹೋಲಿಸಿದರೆ ಕಡಿಮೆ ಬೆಂಬಲ

ಜಯಶ್ರೀ ಜೊತೆಗೆ ರಶ್ಮಿ, ಆಂಡ್ರ್ಯೂ, ಅಕ್ಷತಾ, ರಾಕೇಶ್ ಮತ್ತು ಕವಿತಾ.. ಈ ವಾರ 'ಬಿಗ್ ಬಾಸ್' ಮನೆಯಿಂದ ಹೊರಗೆ ಹೋಗಲು ನಾಮಿನೇಟ್ ಆಗಿದ್ದರು. ಇವರೆಲ್ಲರಿಗೆ ಹೋಲಿಸಿದರೆ, ಜಯಶ್ರೀಗೆ ವೀಕ್ಷಕರ ಬೆಂಬಲ ಕಮ್ಮಿ ಸಿಕ್ಕಿದೆ. ಹೀಗಾಗಿ, ಜಯಶ್ರೀ ಹೊರನಡೆದಿದ್ದಾರೆ.