Don't Miss!
- Sports KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ
- Lifestyle ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು?
- News Dwarakish: ವಿಧಾನಸಭಾ ಚುನಾವಣೆಗೆ ಸ್ಪರ್ಧಿಸಿದ್ದ ದ್ವಾರಕೀಶ್ ಪಡೆದಿದ್ದ ಮತಗಳೆಷ್ಟು?
- Automobiles ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್
- Finance ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ
- Technology YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ನಾನು ತಾಯಿಯ ಮಗ': ಅಮ್ಮನ ಬಗ್ಗೆ ಮಾತಾಡಿ ಭಾವುಕರಾದ ರವಿ ಬೆಳಗೆರೆ
''ಒಂದು ಒಳ್ಳೆಯ ಅನುಭವಕ್ಕಾಗಿ ನಾನು 'ಬಿಗ್ ಬಾಸ್' ಮನೆಗೆ ಹೋಗುತ್ತಿದ್ದೇನೆ'' ಎಂದು ರವಿ ಬೆಳಗೆರೆ ಹೇಳಿದ್ದರು. ಆ ಒಳ್ಳೆಯ ಅನುಭವ ಮತ್ತು ಸಂತೋಷ ರವಿ ಬೆಳಗೆರೆಗೆ 'ಬಿಗ್ ಬಾಸ್' ಮನೆಯೊಳಗೆ ಆಗಿದೆ.
ಅಪ್ಪ-ಅಮ್ಮನ ಕುರಿತು ಮಾತನಾಡುವ ಅವಕಾಶವನ್ನು ಎಲ್ಲ ಸ್ಪರ್ಧಿಗಳಿಗೂ 'ಬಿಗ್ ಬಾಸ್' ನೀಡಿದ್ದರು. ಈ ವೇಳೆ ತಮ್ಮ ತಂದೆ-ತಾಯಿಯ ಬಗ್ಗೆ ಎಲ್ಲರೂ ಮಾತನಾಡಿ ಕಣ್ಣೀರಿಟ್ಟರು. ಹಾಗೇ ರವಿ ಬೆಳಗೆರೆ ಕೂಡ ''ನಾನು ತಾಯಿಯ ಮಗ'' ಅಂತ್ಹೇಳಿ ಭಾವುಕರಾದರು.
Recommended Video
ಕೊನೆಗೆ ''ಇದು ನನಗೆ ಅತ್ಯಂತ ಸಂತೋಷದ ದಿನ'' ಅಂತ ರವಿ ಬೆಳಗೆರೆ ಹೇಳಿದರು. ಅಂದ್ಹಾಗೆ, ತಮ್ಮ ತಾಯಿಯ ಬಗ್ಗೆ ರವಿ ಬೆಳಗೆರೆ 'ಬಿಗ್ ಬಾಸ್' ಮನೆಯೊಳಗೆ ಹೇಳಿದಿಷ್ಟು...
ಅಮ್ಮನ ಮಗ
''ನಾನು ಕೇವಲ ನನ್ನ ಅಮ್ಮನ ಮಗ. ನನ್ನ ತಂದೆ ಯಾರು ಅಂತ ನನಗೆ ಗೊತ್ತಿಲ್ಲ. ನನ್ನ ತಂದೆ ಅಂತ ಏನಿದ್ದ, ಆತ ತೀರಿಕೊಂಡ ನಂತರ ಹುಟ್ಟಿದ ಮಗು ನಾನು. 1958 ರಲ್ಲಿ ತಂದೆ ಇಲ್ಲದೆ, ಗಂಡ ಇಲ್ಲದೆ ಗರ್ಭ ಧರಿಸಿ ಪ್ರಪಂಚಕ್ಕೆ ಒಂದು ಮಗುವನ್ನ ತಂದಾಕೆಯ ಹೆಸರು ಬೆಳಗೆರೆ ಪಾರ್ವತಮ್ಮ'' - ರವಿ ಬೆಳಗೆರೆ
ರವಿ ಬೆಳಗೆರೆ ಔಟ್ ಅಂಡ್ ಇನ್: ಸುದ್ದಿ ಆಗಿದ್ದೇ ಒಂದು, ನಡೆದಿರೋದು ಮತ್ತೊಂದು.!
ತಂದೆಯ ಹೆಸರು ಇಟ್ಟುಕೊಂಡಿಲ್ಲ.!
''ಎಲ್ಲರೂ ತಂದೆಯ ಹೆಸರು ಇಟ್ಟುಕೊಳ್ಳುತ್ತಾರೆ. ನಾನು ತಂದೆಯ ಹೆಸರು ಇಟ್ಟುಕೊಂಡಿಲ್ಲ. ನಾನು ತಾಯಿಯ ಮಗ. ನೀವು ಇವತ್ತು ನನ್ನ ಆಫೀಸಿಗೆ ಬಂದರೆ, ನನ್ನ ಚೇಂಬರ್ ನಲ್ಲಿ ತಂದೆಯ ಫೋಟೋ ಇಲ್ಲ. ನನ್ನ ತಾಯಿಯ ಫೋಟೋ ಇದೆ. ಆ ಫೋಟೋದಲ್ಲಿ ಕರಿಮಣಿ ಇದೆ. ಕುಂಕುಮ ಇದೆ. ಹೂವು ಇದೆ. ಅಷ್ಟರಲ್ಲಾಗಲೇ ನನ್ನ ತಾಯಿಯ ಗಂಡ ತೀರಿಕೊಂಡು ಆರು ತಿಂಗಳಾಗಿತ್ತು'' - ರವಿ ಬೆಳಗೆರೆ
ರವಿ ಬೆಳಗೆರೆ ಅಭಿಮಾನಿಗಳಿಗೆ ಬೇಸರದ ಸುದ್ದಿಯೊಂದು ಇಲ್ಲಿದೆ.!
ತಂದೆ ಯಾರು ಅನ್ನೋದು ಮುಖ್ಯ ಅಲ್ಲ
''ಅಮ್ಮ ಸ್ನಾನ ಮಾಡುತ್ತಿದ್ದರೆ ನಾನು ರಕ್ಷಣೆ ಮಾಡಬೇಕಿತ್ತು. ಅದು ಆಗ ನನ್ನ ಜೀವನದ ಆದರ್ಶ ಆಗಿತ್ತು. ನನ್ನ ತಾಯಿಗೆ ಪಾರ್ಶ್ವವಾಯು ಅಟ್ಯಾಕ್ ಆಯ್ತು. ನನ್ನ ತಾಯಿ ಒಬ್ಬ ಲೇಖಕಿ. ನನ್ನನ್ನ ಹುಟ್ಟಿಸಿದ ಮನುಷ್ಯ ಕೂಡ ಒಬ್ಬ ಲೇಖಕ. ತಂದೆ ಯಾರು ಅನ್ನೋದು ಮುಖ್ಯ ಅಲ್ಲ. ತಾಯಿ ಮಾತ್ರ ಮುಖ್ಯ'' - ರವಿ ಬೆಳಗೆರೆ
ತಾಯಿಯನ್ನ ನೋಡಿಕೊಳ್ಳಲು ಮದುವೆ ಆದೆ
''ನಾನು 21 ವರ್ಷ ಇದ್ದಾಗ ಮದುವೆ ಆದೆ. ಯಾಕಂದ್ರೆ, ನನ್ನ ತಾಯಿಯನ್ನ ನೋಡಿಕೊಳ್ಳುವವರು ಯಾರೂ ಇರಲಿಲ್ಲ. ಇನ್ನೊಂದು ಹೆಣ್ಣು ಬೇಕು ಅಂತ ಮದುವೆ ಆದೆ. ''ನನ್ನ ತಾಯಿ ಬದುಕಿರುವಷ್ಟು ದಿನ ಚೆನ್ನಾಗಿ ನೋಡ್ಕೋ'' ಅಂತ ನಾನು ಲಲಿತಾಗೆ ಹೇಳಿದ್ದೆ. ನಾವಿಬ್ಬರು ನನ್ನ ತಾಯಿಯನ್ನ ತುಂಬಾ ಚೆನ್ನಾಗಿ ನೋಡಿಕೊಂಡ್ವಿ'' - ರವಿ ಬೆಳಗೆರೆ
ಕಣ್ಣೀರು ಹಾಕಿದ ರವಿ ಬೆಳಗೆರೆ
''ಎರಡನೇ ಬಾರಿ ನನ್ನ ತಾಯಿಗೆ ಪಾರ್ಶ್ವವಾಯು ಅಟ್ಯಾಕ್ ಆಯ್ತು. ಅವತ್ತು ನನ್ನ ತಾಯಿ ಏಳಲಿಲ್ಲ. ಅವರಿಗೆ ಪ್ರಜ್ಞೆ ಇರಲಿಲ್ಲ. ಪ್ರಜ್ಞೆ ಬಂದು ''ರವಿ'' ಅಂತ ಕರೆಯಬಹುದೇನೋ ಅಂತ ಇಡೀ ರಾತ್ರಿ ಕಾದಿದ್ದೇನೆ. ಆದರೆ ಅಂದು ಬೆಳಗ್ಗೆ, ಗಂಜಿ ತರಲು ಹೋದಾಗ, ''ಅಮ್ಮ ಹೋಗಿಬಿಟ್ಟರು'' ಅಂತ ಹೇಳಿ ರವಿ ಬೆಳಗೆರೆ ಕಣ್ಣೀರು ಸುರಿಸಿದರು.