ಜೈಜಗದೀಶ್ ಕುರಿತ ಒಂದು ಸೀಕ್ರೆಟ್ 'ಬಿಗ್ ಬಾಸ್' ಮನೆಯಲ್ಲಿ ರಿವೀಲ್.!

ಯಶಸ್ಸು ನೀಡದ 'ಫಲಿತಾಂಶ' ಚಿತ್ರ

''ಫಲಿತಾಂಶ' ಅಂತ ನನ್ನ ಮೊದಲ ಚಿತ್ರದ ಚಿತ್ರೀಕರಣ ಜಕ್ಕೂರು ಟ್ರೇನಿಂಗ್ ಸೆಂಟರ್ ನಲ್ಲಿ ನಡೆಯಿತು. ಆ ಟ್ರೇನಿಂಗ್ ಸೆಂಟರ್ ಪ್ರಿನ್ಸಿಪಾಲ್ ನನಗೆ ತುಂಬ ಹತ್ತಿರವಾದರು. ಸಿನಿಮಾ ರಿಲೀಸ್ ಆದ್ಮೇಲೆ ಅಷ್ಟೊಂದು ಯಶಸ್ಸು ಗಳಿಸಲಿಲ್ಲ. ನನಗೆ ಕೆಲಸ ಕೂಡ ಸಿಗಲಿಲ್ಲ'' ಅಂತ ತಮ್ಮ ಪೈಲಟ್ ಟ್ರೇನಿಂಗ್ ದಿನಗಳ ಬಗ್ಗೆ ಜೈಜಗದೀಶ್ ಮಾತು ಆರಂಭಿಸಿದರು.

ಹುಡುಕಿಕೊಂಡು ಬಂದ ಅವಕಾಶ

''ಎಂ.ಜಿ.ರೋಡ್ ನಲ್ಲಿ ಒಮ್ಮೆ ನಡೆದುಕೊಂಡು ಹೋಗುತ್ತಿದ್ದಾಗ ಆ ಪ್ರಿನ್ಸಿಪಾಲ್ ಸಿಕ್ಕರು. ಡಿಗ್ರಿ ಮುಗಿದಿದೆ, ಯಾವುದಾದರೂ ಸಿನಿಮಾ ಅವಕಾಶ ಸಿಕ್ಕರೆ ಆಕ್ಟ್ ಮಾಡ್ತೀನಿ ಅಂತ ನಾನು ಹೇಳಿದೆ. ಆಗ ತಮ್ಮ ಆಫೀಸ್ ಗೆ ಬರುವಂತೆ ಆ ಪ್ರಿನ್ಸಿಪಾಲ್ ಸೂಚಿಸಿದರು'' - ಜೈಜಗದೀಶ್, ನಟ

ಕೆಲವೇ ಗಂಟೆಗಳು ಬಾಕಿ ಇತ್ತು

''ಆಫೀಸಿಗೆ ಹೋದ್ಮೇಲೆ ಫಾರ್ಮ್ ಫಿಲಪ್ ಮಾಡಿಸಿ ಪ್ರಿನ್ಸಿಪಾಲ್ ಫ್ಲೈಯಿಂಗ್ ಸ್ಕೂಲ್ ಗೆ ಅಡ್ಮಿಶನ್ ಮಾಡಿಕೊಂಡರು. ಅಲ್ಲಿಂದ ಮೂರು ವರ್ಷ ನಾನು ಫ್ಲೈಯಿಂಗ್ ಸ್ಕೂಲ್ ನಲ್ಲಿ ಟ್ರೇನಿಂಗ್ ಮಾಡಿದೆ. ಇನ್ನೊಂದು 8-10 ಗಂಟೆ ಟ್ರೇನಿಂಗ್ ಮಾಡಿದಿದ್ದರೆ ಅಧಿಕೃತವಾಗಿ ಪೈಲಟ್ ಆಗುತ್ತಿದ್ದೆ'' - ಜೈಜಗದೀಶ್, ನಟ

ಆಫರ್ ಕೊಟ್ಟ ಸಿದ್ಧಲಿಂಗಯ್ಯ

''ಅಷ್ಟೊತ್ತಿಗೆ ಸಿದ್ಧಲಿಂಗಯ್ಯ ಅವರ 'ಬಿಳಿಗಿರಿಯ ಬನದಲ್ಲಿ' ಸಿನಿಮಾ ಸಿಕ್ತು. ವಿಷ್ಣುವರ್ಧನ್ ಕಾಂಬಿನೇಶನ್ ಇದ್ದ ಕಾರಣ ಪುಟ್ಟಣ್ಣ ಬಳಿ ಅಭಿಪ್ರಾಯ ಕೇಳಿದೆ. ''ಉತ್ತಮ ಅವಕಾಶ ಬಿಡಬೇಡಿ'' ಅಂತ ಪುಟ್ಟಣ್ಣ ಹೇಳಿದರು. ಅಲ್ಲಿಂದ ಸಿನಿಮಾಗೆ ಪೂರ್ತಿ ಬಂದುಬಿಟ್ಟೆ. ಒಂದ್ವೇಳೆ ಫ್ಲೈಯಿಂಗ್ ಸ್ಕೂಲ್ ನಲ್ಲಿ ಮುಂದುವರೆದಿದ್ದರೆ, ಇಷ್ಟೊತ್ತಿಗೆ ಪೈಲಟ್ ಆಗಿರುತ್ತಿದ್ದೆ. ಸಿನಿಮಾ ರಂಗದಲ್ಲಿ ಇರುತ್ತಿರಲಿಲ್ಲ'' ಎಂದಿದ್ದಾರೆ ಜೈಜಗದೀಶ್