ರಶ್ಮಿಗಿಂತ ಕಳಪೆ ಸ್ಪರ್ಧಿಗಳು 'ಬಿಗ್ ಬಾಸ್' ಮನೆಯಲ್ಲಿ ಇದ್ದಾರೆ.!

ಸರಿಯಾದ ಆಯ್ಕೆ ಅಲ್ಲ.!

''ಬಿಗ್ ಬಾಸ್' ಯೋಗ್ಯತೆ, ಗಿಮಿಕ್, ಮೋಸದಾಟ.. ಎಲ್ಲವೂ ವೀಕ್ಷಕರಿಗೆ ತಿಳಿದಿದೆ. 'ಬಿಗ್ ಬಾಸ್' ಮನೆಯೊಳಗೆ ಇರುವವರಲ್ಲಿ ರಶ್ಮಿ ಗಿಂತ ಕಳಪೆ ಆಗಿರುವವರು ತುಂಬಾ ಜನ ಇದ್ದಾರೆ. ಅಂಥದ್ರಲ್ಲಿ ರಶ್ಮಿಯನ್ನು ಔಟ್ ಮಾಡಿದ್ದು ಸರಿ ಅಲ್ಲ. ನಿಮಗಿಷ್ಟ ಬಂದವರನ್ನು ಸೇಫ್ ಮಾಡುವುದಾದರೆ, ಜನರಿಂದ ಯಾಕೆ ವೋಟ್ ಮಾಡಿಸುತ್ತೀರಾ.? ವೋಟಿಂಗ್ ನ ತೆಗೆದು ಹಾಕಿ. ನಿಮಗಿಷ್ಟ ಬಂದವರನ್ನು ಗೆಲ್ಲಿಸಿ'' ಎಂದು ವೀಕ್ಷಕರೊಬ್ಬರು ನೇರವಾಗಿ ಕಲರ್ಸ್ ಕನ್ನಡ ಮತ್ತು ಬಿಗ್ ಬಾಸ್ ಗೆ ಛೀಮಾರಿ ಹಾಕಿದ್ದಾರೆ.

ಮೊದಲು ಇವರನ್ನೆಲ್ಲ ಆಚೆ ಕಳುಹಿಸಿ.!

''ಬರೀ ಹರಟೆ ಹೊಡೆಯುವವರಿಗೆ ಮತ್ತು ಜಗಳ ಮಾಡುವವರಿಗೆ ಮಾತ್ರ 'ಬಿಗ್ ಬಾಸ್' ಮನೆಯಲ್ಲಿ ಜಾಗ ಅಂದ್ರೆ ಟಾಸ್ಕ್ ಯಾಕೆ ಕೊಡ್ತೀರಾ.? ರಶ್ಮಿ ಹೋಗಿದ್ದು ಬೇಸರ ಆಯ್ತು. ಒಳ್ಳೆಯ ಸ್ಪರ್ಧಿಗಳಿಗೆ ಅಲ್ಲಿ ಜಾಗ ಇಲ್ಲ. ರಶ್ಮಿ ಬದಲು ಸುಜಾತ ಅವರನ್ನು ಹೊರಗೆ ಕಳುಹಿಸಬೇಕಿತ್ತು'' ಎನ್ನುವುದು ವೀಕ್ಷಕರ ಅಭಿಪ್ರಾಯವಾಗಿದೆ.

ಪ್ರಬಲ ಸ್ಪರ್ಧಿ

''ರಶ್ಮಿ ಪ್ರಬಲ ಸ್ಪರ್ಧಿ. ಆಕೆ ಔಟ್ ಆಗುವುದನ್ನು ನಿರೀಕ್ಷೆ ಮಾಡಿರಲಿಲ್ಲ. ಬಿಗ್ ಬಾಸ್ ಇನ್ನೂ ಕಠಿಣವಾದ ಚಟುವಟಿಕೆಗಳನ್ನು ಸ್ಪರ್ಧಿಗಳಿಗೆ ನೀಡಬೇಕು. ರಶ್ಮಿಯಲ್ಲಿದ್ದ ಡೀಸೆನ್ಸಿ ವರ್ಕ್ ಆಗಲಿಲ್ಲ. ಕ್ಯಾಮರಾಗಳು ಫೋಕಸ್ ಆಗಬೇಕು ಅಂದ್ರೆ ಏನಾದರೂ ಮಾಡುವ ಸ್ಪರ್ಧಿಗಳು ಅಲ್ಲಿ ಬೇಕು'' ಎಂದು ಕಾಮೆಂಟ್ ಮಾಡುತ್ತಿದ್ದಾರೆ ವೀಕ್ಷಕರು.

ವೀಕ್ಷಕರಿಗೆ ನಿರಾಸೆ

''ರಶ್ಮಿ ಔಟ್ ಆಗಿದ್ದು ನಿರಾಸೆ ಆಗಿದೆ. ಆಕೆ ಉತ್ತಮ ಸ್ಪರ್ಧಿ ಆಗಿದ್ದರು. 'ಬಿಗ್ ಬಾಸ್' ಮನೆಯಲ್ಲಿ ಇರಲು ಆಕೆಗೆ ಅರ್ಹತೆ ಇತ್ತು. ಸ್ಪರ್ಧಿಗಳ ಹಣೆಬರಹ ಸಂಕಲನಕಾರರ ಕೈಯಲ್ಲಿ ಇದೆ. ಆಕ್ಟೀವ್ ಆಗಿದ್ದರೂ, ಕೆಲವರನ್ನ ಸಂಚಿಕೆಯಲ್ಲಿ ಪ್ರೊಜೆಕ್ಟ್ ಮಾಡುವುದಿಲ್ಲ'' ಎಂದು ವೀಕ್ಷಕರೊಬ್ಬರು ತಮ್ಮ ಅಭಿಪ್ರಾಯವನ್ನು ಹೊರಹಾಕಿದ್ದಾರೆ.

ಸಮಯ ವ್ಯರ್ಥ ಮಾಡಿದ ರಶ್ಮಿ

ಪ್ರಿಯಾಂಕಾ ರನ್ನ ಟಾರ್ಗೆಟ್ ಮಾಡುವುದರಲ್ಲೇ ರಶ್ಮಿ ಸಮಯ ವ್ಯರ್ಥ ಮಾಡಿಬಿಟ್ಟರು. ಪ್ರಿಯಾಂಕಾ ರನ್ನ ಟಾರ್ಗೆಟ್ ಮಾಡುವ ಬದಲು ಗೇಮ್ ಮೇಲೆ ಗಮನ ಹರಿಸಿದ್ರೆ, ಇವತ್ತು ರಶ್ಮಿ ಹೊರಗಡೆ ಬರುತ್ತಿರಲಿಲ್ಲ'' ಅಂತಿದ್ದಾರೆ ವೀಕ್ಷಕರು. ಒಟ್ನಲ್ಲಿ ರಶ್ಮಿ ಔಟ್ ಆಗಿರುವುದಕ್ಕೆ ಮಿಶ್ರ ಪ್ರತಿಕ್ರಿಯೆ ಲಭ್ಯವಾಗಿದೆ. ರಶ್ಮಿ ಎಲಿಮಿನೇಶನ್ ಬಗ್ಗೆ ನಿಮ್ಮ ಅಭಿಪ್ರಾಯವನ್ನ ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.