ಬೆಂಕಿಗೆ ಬಿತ್ತು ಫೋಟೋಗಳು: 'ಬಿಗ್ ಬಾಸ್' ಮನೆಯಲ್ಲಿನ್ನೂ ಯುದ್ಧ ಶುರು.!

ಸೇಫ್ ಆಗಿದ್ದವರಿವರು...

'ಬಿಗ್ ಬಾಸ್' ಕೊಟ್ಟಿದ್ದ ಚಟುವಟಿಕೆಯಲ್ಲಿ ವಿಜೇತರಾಗಿ ಹರೀಶ್ ರಾಜ್ ಕ್ಯಾಪ್ಟನ್ ಆದರು. ಹೀಗಾಗಿ ನಾಮಿನೇಶನ್ ಪ್ರಕ್ರಿಯೆಯಲ್ಲಿ ಹರೀಶ್ ರಾಜ್ ಸೇಫ್ ಆಗಿದ್ದರು. ಇನ್ನೂ ವೈಲ್ಡ್ ಕಾರ್ಡ್ ಎಂಟ್ರಿ ಮೂಲಕ 'ಬಿಗ್ ಬಾಸ್' ಮನೆಗೆ ಕಾಲಿಟ್ಟ ರೇಡಿಯೋ ಜಾಕಿ ಪೃಥ್ವಿಯನ್ನೂ ಯಾರೂ ನಾಮಿನೇಟ್ ಮಾಡುವ ಹಾಗೆ ಇರಲಿಲ್ಲ. ಹಾಗೇ, 'ಬಿಗ್ ಬಾಸ್' ಮನೆಯಿಂದ ಗೇಟ್ ಪಾಸ್ ಪಡೆದಾಗ, ತಮಗೆ ಸಿಕ್ಕ ಅಧಿಕಾರವನ್ನು ಉಪಯೋಗಿಸಿಕೊಂಡ ದುನಿಯಾ ರಶ್ಮಿ.. ಪ್ರಿಯಾಂಕಾ ರನ್ನ ನೇರವಾಗಿ ನಾಮಿನೇಟ್ ಮಾಡಿದ್ದರು. ಹೀಗಾಗಿ, ಪ್ರಿಯಾಂಕಾ ಹೆಸರನ್ನು ಇಲ್ಲಿ ಬೇರೆ ಯಾರೂ ತೆಗೆದುಕೊಳ್ಳುವ ಹಾಗೆ ಇರಲಿಲ್ಲ.

ಮತ್ತೆ ಟಾರ್ಗೆಟ್ ಆದ ಚೈತ್ರ ಕೋಟೂರು

ಕಳೆದ ವಾರ ನಾಮಿನೇಶನ್ ನಿಂದ ಸೇಫ್ ಆಗಿದ್ದ ಚೈತ್ರ ಕೋಟೂರು ಈ ವಾರ ಮತ್ತೆ ಟಾರ್ಗೆಟ್ ಆದರು. 'ಬಿಗ್ ಬಾಸ್' ಮನೆಯೊಳಗೆ ಚೈತ್ರ ಕೋಟೂರು ಒಂಥರಾ ಈಸಿ ಟಾರ್ಗೆಟ್ ಇದ್ದ ಹಾಗೆ. ಓಪನ್ ಆಗಿ ಹೆಸರುಗಳನ್ನು ತೆಗೆದುಕೊಳ್ಳುವ ಸಂದರ್ಭ ಎದುರಾದಾಗ ಕೆಲವರು ವಿನಾಕಾರಣ ಚೈತ್ರ ಕೋಟೂರು ಕಡೆ ಬೆಟ್ಟು ಮಾಡಿ ತೋರಿಸುತ್ತಾರೆ. ನಿನ್ನೆ ನಡೆದ ನಾಮಿನೇಶನ್ ಪ್ರಕ್ರಿಯೆಯಲ್ಲೂ ಹೀಗೇ ಆಯ್ತು. ವಾಸುಕಿ ವೈಭವ್, ಶೈನ್ ಶೆಟ್ಟಿ, ಜೈಜಗದೀಶ್, ದೀಪಿಕಾ ದಾಸ್, ಚಂದನಾ ಮತ್ತು ಚಂದನ್ ಆಚಾರ್ ಚೈತ್ರ ಕೋಟೂರು ರನ್ನ ನಾಮಿನೇಟ್ ಮಾಡಿಬಿಟ್ಟರು. ಸೀಕ್ರೆಟ್ ಆಗಿ ನಾಮಿನೇಶನ್ ಪ್ರಕ್ರಿಯೆ ನಡೆದಿದ್ದರೆ, ಚೈತ್ರ ಕೋಟೂರು ಡೇಂಜರ್ ಝೋನ್ ಗೆ ಬರ್ತಿದ್ರೋ, ಇಲ್ವೋ.?!

ಬೆಂಕಿಯಲ್ಲಿ ಬೆಂದ ಶೈನ್ ಶೆಟ್ಟಿ ಫೋಟೋ

ಕಳೆದ ವಾರದ 'ಬಿಗ್ ಬಾಸ್ ದರ್ಬಾರ್' ಟಾಸ್ಕ್ ನಲ್ಲಿ ಶೈನ್ ಶೆಟ್ಟಿ ದಬ್ಬಾಳಿಕೆ ಜಾಸ್ತಿ ಇತ್ತು. ಇನ್ನೂ ಲಾಟೀನ್ ಹಿಡಿಯುವ ಚಟುವಟಿಕೆಯಲ್ಲಿ ಹೆಚ್ಚು ಗಮನ ಸೆಳೆಯದ ಶೈನ್ ಶೆಟ್ಟಿ ಗ್ರೂಪಿಸಂ ಮಾಡ್ತಾರೆ ಅಂತೆಲ್ಲಾ ಕಾರಣಗಳನ್ನು ನೀಡಿ ಕುರಿ ಪ್ರತಾಪ್, ಪ್ರಿಯಾಂಕಾ, ಕಿಶನ್, ರಾಜು ತಾಳಿಕೋಟೆ, ಜೈಜಗದೀಶ್, ಚಂದನ್ ಆಚಾರ್ ಮತ್ತು ಚೈತ್ರ ಕೋಟೂರು ನಾಮಿನೇಟ್ ಮಾಡಿದರು.

'ಕಹಿ'ಯಾದ ಚಾಕಲೇಟ್

ಭೂಮಿ ಶೆಟ್ಟಿ ಪದೇ ಪದೇ ಚಾಕಲೇಟ್ ಕದ್ದು ತಿಂದಿದ್ದಕ್ಕೆ ಲಕ್ಷುರಿ ಬಜೆಟ್ ಪಾಯಿಂಟ್ಸ್ ಕಟ್ ಆಯ್ತು. ಇದೇ ಕಾರಣಕ್ಕೆ ಮನೆಯವರೆಲ್ಲರೂ ಸೇರಿ ಭೂಮಿ ಶೆಟ್ಟಿಯನ್ನ ಜೈಲಿಗೆ ಕಳುಹಿಸಿದರು. ಇಷ್ಟಾದರೂ, ಕೆಲವರಿಗೆ ಸಮಾಧಾನ ಆಗಿಲ್ಲ. ಮತ್ತೊಂದು ಬಾರಿಗೆ ಅದೇ ಚಾಕಲೇಟ್ ಕಾರಣವನ್ನ ಪ್ರಸ್ತಾಪ ಮಾಡಿ ದೀಪಿಕಾ ದಾಸ್, ಕಿಶನ್ ಮತ್ತು ಪೃಥ್ವಿ.. ಭೂಮಿ ಶೆಟ್ಟಿಯನ್ನ ನಾಮಿನೇಟ್ ಮಾಡಿದರು.

ರಾಜು ತಾಳಿಕೋಟೆಗೆ ಮನೆಗೆ ಹೋಗುವಾಸೆ

ರಾಜು ತಾಳಿಕೋಟೆ ಅವರಿಗೆ ಮನೆಗೆ ಹೋಗುವ ಆಸೆ ಇದೆ. ಅವರಿಗೆ ಸ್ಪರ್ಧಾತ್ಮಕ ಮನೋಭಾವ ಇಲ್ಲ ಅಂತ್ಹೇಳಿ ವಾಸುಕಿ ವೈಭವ್, ಶೈನ್ ಶೆಟ್ಟಿ ಮತ್ತು ಚಂದನಾ ನಾಮಿನೇಟ್ ಮಾಡಿದರು. ರಾಜು ತಾಳಿಕೋಟೆಯನ್ನ ಮನೆಗೆ ಕಳುಹಿಸುವುದೋ, ಬೇಡ್ವೋ ಎಂಬುದನ್ನ ನೀವೇ ನಿರ್ಧರಿಸಿ..

ಅಷ್ಟಾಗಿ ಕಾಣದ ದೀಪಿಕಾ ದಾಸ್

'ಬಿಗ್ ಬಾಸ್' ಮನೆಯೊಳಗೆ ದೀಪಿಕಾ ದಾಸ್ ಇದ್ದರೂ ಅಷ್ಟಾಗಿ ಕಾಣುವುದಿಲ್ಲ. ಕಾರಣ, ಆಕೆ ಎಲ್ಲದರಲ್ಲೂ ಅಷ್ಟೊಂದು ಗುರುತಿಸಿಕೊಳ್ಳುತ್ತಿಲ್ಲ. ಹೆಚ್ಚು ಭಾಗವಹಿಸುವುದಿಲ್ಲ ಎಂಬ ಕಾರಣಕ್ಕೆ ಪೃಥ್ವಿ, ಚೈತ್ರ ಕೋಟೂರು ಮತ್ತು ಭೂಮಿ ಶೆಟ್ಟಿ... ದೀಪಿಕಾ ದಾಸ್ ರನ್ನ ನಾಮಿನೇಟ್ ಮಾಡಿದರು.

ಅಷ್ಟರಲ್ಲೇ ಜಸ್ಟ್ ಮಿಸ್ ಆದವರು.!

ವಾಸುಕಿ ವೈಭವ್ ಮತ್ತು ಕಿಶನ್ ಗೆ ತಲಾ ಎರಡು ವೋಟ್ ಗಳು ಬಿದ್ದಿದ್ದವು. ಇನ್ನೊಂದು ವೋಟ್ ಎಕ್ಸ್ ಟ್ರಾ ಬಿದ್ದಿದ್ದರೂ, ಇಬ್ಬರೂ ನಾಮಿನೇಟ್ ಆಗುತ್ತಿದ್ದರು. ಆದರೆ ಕೊನೆಯ ಕ್ಷಣದಲ್ಲಿ ಇಬ್ಬರೂ ಬಚಾವ್ ಆಗಿದ್ದಾರೆ.

ಕ್ಯಾಪ್ಟನ್ ಆಯ್ಕೆ

ಡಬಲ್ ಗೇಮ್ ಆಡುವ ಕಾರಣಕ್ಕೆ ಮತ್ತು ಕಿರಿಕಿರಿ ಕೊಡುವುದರಿಂದ ಚಂದನ್ ಆಚಾರ್ ಗೆ ಅದಾಗಲೇ ಎರಡು ವೋಟ್ ಬಿದ್ದಿತ್ತು. ಅಷ್ಟರಲ್ಲೇ ಜಸ್ಟ್ ಮಿಸ್ ಅಂತ ಚಂದನ್ ಅಂದುಕೊಳ್ಳುವಾಗಲೇ, ಕ್ಯಾಪ್ಟನ್ ಹರೀಶ್ ರಾಜ್.. ಚಂದನ್ ಆಚಾರ್ ರನ್ನ ನೇರವಾಗಿ ನಾಮಿನೇಟ್ ಮಾಡಿಬಿಟ್ಟರು. ಹೀಗಾಗಿ, ಈ ವಾರವೂ ಚಂದನ್ ಆಚಾರ್ ಗೆ ಎಲಿಮಿನೇಶನ್ ಭೀತಿ ಇದ್ದೇ ಇದೆ.

ಯಾರು ಔಟ್ ಆಗಬೇಕು.?

ಶೈನ್ ಶೆಟ್ಟಿ, ಚೈತ್ರ ಕೋಟೂರು, ರಾಜು ತಾಳಿಕೋಟೆ, ಭೂಮಿ ಶೆಟ್ಟಿ, ದೀಪಿಕಾ ದಾಸ್, ಪ್ರಿಯಾಂಕಾ ಮತ್ತು ಚಂದನ್ ಆಚಾರ್... ಈ ಏಳು ಮಂದಿ ಪೈಕಿ ಯಾರು ಔಟ್ ಆಗಬೇಕು.? ನಿಮ್ಮ ಮತ ಯಾರಿಗೆ.? ನಿಮ್ಮ ಅಭಿಪ್ರಾಯವನ್ನು ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.