Don't Miss!
- News ಇರಾನ್ ಮಿತ್ರ ರಾಷ್ಟ್ರ ರಷ್ಯಾ ಬ್ಯಾಲಿಸ್ಟಿಕ್ ಕ್ಷಿಪಣಿ ಪರೀಕ್ಷಿಸುವ ಮೂಲಕ ಸಂಚಲನ
- Automobiles ಇದು ಮಹೀಂದ್ರಾ ಥಾರ್ ಹೊಸ ಅಧ್ಯಾಯ: 5-ಡೋರ್ ರೂಪದಲ್ಲಿ ಬಿರುಗಾಳಿ ಎಬ್ಬಿಸಲು ಸಜ್ಜು
- Lifestyle ಮುದುಕನ ಮದುವೆಯಾದ ಸುಂದರ ಹುಡುಗಿ: ಈ ಜೋಡಿ ನೋಡಿದವರಿಗೆ ಅನಿಸುತ್ತೆ ಹೀಗೂ ಉಂಟೇ...
- Sports PBKS vs RR IPL 2024: ಪಂಜಾಬ್ vs ರಾಜಸ್ಥಾನ್ ಪಂದ್ಯದ ಟಾಸ್ ವರದಿ; ಆಡುವ 11ರ ಬಳಗ
- Technology ದುಬಾರಿ ಬೆಲೆಯ ಮೊಬೈಲ್ ಖರೀದಿಸಬೇಕೆ?..ಹಾಗಿದ್ರೆ, ಈ ಫೋನ್ ನಿಮಗೆ ಇಷ್ಟವಾಗುತ್ತೆ!
- Finance 'ಹೆಲ್ತ್ ಡ್ರಿಂಕ್ಸ್' ವರ್ಗದಿಂದ ಬೋರ್ನ್ವೀಟಾ ತೆಗೆದುಹಾಕುವಂತೆ ಕೇಂದ್ರ ಸರ್ಕಾರ ಆದೇಶ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಗ್ಬಾಸ್: ಶುಭಾ ಪೂಂಜಾ ಬಳಿ ಕ್ಷಮೆ ಕೇಳಿದ ರಘು ಗೌಡ
ಬಿಗ್ ಬಾಸ್ ಪ್ರಾರಂಭವಾಗಿ ಕಳೆದಿರುವುದು ಎರಡೇ ದಿನ ಈ ನಡುವೆ ಕೆಲವರು ಗಮನ ಸೆಳೆದಿದ್ದಾರೆ ಅದರಲ್ಲಿ ಮೊದಲಿಗರು ಶುಭಾ ಪೂಂಜಾ. ನಟಿ ಶುಭಾ ಪೂಂಜಾ ಅವರನ್ನು ತೆರೆಯ ಮೇಲೆ ಗ್ಲಾಮರ್ ಅವತಾರದಲ್ಲಿ ನೋಡಿದ್ದ ಮಂದಿ ಬಿಗ್ ಬಾಸ್ ನಲ್ಲಿ ಅವರ ನಿಜ ವ್ಯಕ್ತಿತ್ವ ನೋಡಿ ಮರುಳಾಗಿದ್ದಾರೆ.
ಹೀಗೆ ಶುಭಾ ಪೂಂಜಾ ಅವರ ವ್ಯಕ್ತಿತ್ವವನ್ನು ಹತ್ತಿರದಿಂದ ನೋಡಿ ಮೆಚ್ಚಿಕೊಂಡವರಲ್ಲಿ ಬಿಗ್ ಬಾಸ್ ನ ಸ್ಪರ್ಧಿಗಳೂ ಇದ್ದಾರೆ. ಶುಭಾ ಪೂಂಜಾ ಸಹ ಸ್ಪರ್ಧಿಯಾದ ರಘು ಗೌಡ ಅವರಲ್ಲಿ ಒಬ್ಬರು.
ಶುಭಾ ಪೂಂಜಾ ಅವರ ಗ್ಲಾಮರ್ ಅವತಾರ ನೋಡಿ ಅವರ ಬಗ್ಗೆ ಪೂರ್ವಾಭಿಪ್ರಾಯ ಹೊಂದಿದ್ದರಂತೆ. ಆದರೆ ನೇರವಾಗಿ ಶುಭಾ ಅವರನ್ನು ಭೇಟಿಯಾದ ಬಳಿಕ ಅವರ ಅಭಿಪ್ರಾಯ ಬದಲಾಗಿದೆಯಂತೆ.
ಈ ಬಗ್ಗೆ ಶುಭಾ ಬಳಿಯೇ ಮಾತನಾಡಿದ ರಘು, 'ಕೆಲವು ಸುದ್ದಿಗಳು, ಸಿನಿಮಾಗಳು ನೋಡಿ ಅವುಗಳ ಪ್ರಭಾವದಿಂದ ನಿಮ್ಮ ಬಗ್ಗೆ ಜಡ್ಜ್ ಮೆಂಟಲ್ ಆಗಿದ್ದೆ, ಆದರೆ ನಿಮ್ಮನ್ನು ನೇರವಾಗಿ ಭೇಟಿಯಾಗಿ ಮಾತನಾಡಿದ ಬಳಿಕ ನಾನು ತಪ್ಪು ಎಂಬುದು ಗೊತ್ತಾಯಿತು ಎಂದಿದ್ದಾರೆ ರಘು.
ಅಷ್ಟೇ ಅಲ್ಲ, ಶುಭಾ ಬಳಿ ಕ್ಷಮಾಪಣೆಯನ್ನು ಕೇಳಿದ್ದಾರೆ ರಘು. ರಘುವಿನ ತಪ್ಪೊಪ್ಪಿಗೆಯನ್ನು ಅದೇ ಮುಗ್ದ ನಗುವಿನೊಂದಿಗೆ ಸ್ವಾಗತಿಸಿದರು ಶುಭಾ ಪೂಂಜಾ.
ಬಿಗ್ ಬಾಸ್ ಆರಂಭವಾದ ಮೂರು ದಿನಗಳಲ್ಲಿ ಶುಭಾ ಯಾರೊಂದಿಗೂ ಜಗಳ ಮಾಡಿಲ್ಲ,ಯಾರ ಬಗ್ಗೆಯೂ ದೂರು ಹೇಳಿಲ್ಲ, ಅವರ ಎಲ್ಲ ವರ್ತನೆಗಳೂ ಸಹಜ ಎನ್ನಿಸುವಂತೆಯೇ ಇದೆ. ಇದು ವೀಕ್ಷಕರಿಗೆ ಇದ್ದ ಪೂರ್ವಾಭಿಪ್ರಾಯವನ್ನು ಹೊಡೆದೋಡಿಸುತ್ತಿದೆ.
ಪ್ರಶಸ್ತಿಗಳ ಗುರುತಿಸುವಿಕೆಯ ಟಾಸ್ಕ್ ನಡೆದಾಗ ಸ್ವತಃ ಶುಭಾ ಪೂಂಜಾ ಅವರೇ ಹೇಳಿದ್ದರು, 'ಯಾರೂ ಯಾರನ್ನೂ ಜಡ್ಜ್ ಮಾಡಬೇಡಿ, ಕೇವಲ ಪ್ರೀತಿ ಕೊಡಿ, ಎಲ್ಲರ ಸಾಧನೆ ಹಿಂದೆಯೂ ಸಾಕಷ್ಟು ಶ್ರಮ ಹಾಗೂ ಬೆವರು ಹರಿದಿರುತ್ತದೆ' ಎಂದಿದ್ದರು. ಇದಾದ ಮಾರನೇಯ ದಿನವೇ ರಘು ಗೌಡ ಅವರು ಶುಭಾ ಪೂಂಜಾ ಅವರಿಗೆ ಕ್ಷಮೆ ಕೇಳಿದ್ದು, ಇಬ್ಬರ ವ್ಯಕ್ತಿತ್ವವನ್ನೂ ವೀಕ್ಷಕರಿಗೆ ಪರಿಚಯಿಸಿದೆ. ಕ್ಷಮೆ ಕೇಳಿದ ರಘು ಗೌಡ ಅವರೂ ಸಹ ಅಭಿನಂದನೆಗೆ ಅರ್ಹ.