ಬಿಗ್ ಬಾಸ್ ಕನ್ನಡ 8: ಪ್ರಶಾಂತ್ ಸಂಬರ್ಗಿ ಮತ್ತು ದಿವ್ಯಾ ನಡುವಿನ ಕನೆಕ್ಷನ್ ಏನು?

ಟ್ರೋಲ್ ಗೆ ಗುರಿಯಾದ ಪ್ರಶಾಂತ್ ಮತ್ತು ದಿವ್ಯಾ

ನಗು ಅಳುವಿನ ಜೊತೆಗೆ ಮೊದಲ ದಿನದ ಟಾಸ್ಕ್, ನಾಮಿನೇಷನ್ ಪ್ರತಿಕ್ರಿಯೆ ಶೋನ ಹೈಲೆಟ್ ಆಗಿದ್ದರೂ ಸಹ ಕೆಲವು ವಿಚಾರಗಳು ಪ್ರೇಕ್ಷಕರ ಗಮನ ಸೆಳೆದಿದೆ. ಸಾಮಾಜಿಕ ಕಾರ್ಯಕರ್ತ ಪ್ರಶಾಂತ್ ಸಂಬರ್ಗಿ ಮತ್ತು ದಿವ್ಯಾ ಉರುಡುಗ ನಡುವಿನ ಬಾಂಧವ್ಯ ಚರ್ಚೆಗೆ ಕಾರಣವಾಗಿದೆ. ಈಗಾಗಲೇ ಇಬ್ಬರ ನಡುವೆ ಸಾಕಷ್ಟು ಟ್ರೋಲ್ ಗಳು ಹರಿದಾಡುತ್ತಿವೆ.

ದಿವ್ಯಾ ಹಿಂದಯೇ ಸುತ್ತುತ್ತಿರುವುದೇಕೆ ಸಂಬರ್ಗಿ?

ಪ್ರಶಾಂತ್ ಮತ್ತು ದಿವ್ಯಾ ಇಬ್ಬರು ಕ್ಲೋಸ್ ಆಗಿರುವುದನ್ನು ನೋಡಿದ್ರೆ ಇಬ್ಬರು ಬಿಗ್ ಮನೆಯೊಳಗೆ ಬರುವ ಮೊದಲೇ ಸ್ನೇಹಿತರಾಗಿದ್ದರೇನೋ ಎನ್ನುವಷ್ಟರ ಮಟ್ಟಿಗೆ ಹತ್ತಿರವಾಗಿದ್ದಾರೆ. ಮನೆಯೊಳಗೆ ಎಂಟ್ರಿ ಕೊಡುತ್ತಿದ್ದ ಹಾಗೆ ಪ್ರಶಾಂತ್ ಸಂಬರ್ಗಿ, ದಿವ್ಯಾ ಜೊತೆ ಕ್ಲೋಸ್ ಆಗಿ, ದಿವ್ಯಾ ಹಿಂದನೇ ಓಡಾಡುತ್ತಿದ್ದಾರೆ.

ಬಿಗ್‌ಬಾಸ್ ಮನೆಯಲ್ಲಿ ಪ್ರೇಮಕತೆ ಆರಂಭ: ಯಾರು 'ಬ್ರೋ ಗೌಡ'ನ ಪ್ರೇಯಸಿ?

ಜ್ಯೋತಿಷ್ಯ ಹೇಳ್ತಾರಂತೆ ಪ್ರಶಾಂತ್ ಸಂಬರ್ಗಿ

ಲಿವಿಂಗ್ ಏರಿಯಾದಲ್ಲಿ ದಿವ್ಯಾ ಉರುಡುಗರನ್ನು ಪಕ್ಕದಲ್ಲಿ ಕೂರಿಸಿಕೊಂಡು ಸಂಬರ್ಗಿ ದೇವರು ಮತ್ತು ದೆವ್ವದ ನಂಬಿಕೆ ಬಗ್ಗೆ ಪಾಠ ಮಾಡಿದ್ದಾರೆ. ದಿವ್ಯಾ ಕೈ ಹಿಡಿದು ಜ್ಯೋತಿಷ್ಯ ಹೇಳುವುದಾಗಿ ಬಿಲ್ಡಪ್ ಕೊಟ್ಟಿದ್ದಾರೆ. ದಿವ್ಯಾ ಇದೆಲ್ಲ ನಂಬಿಕೆ ಇಲ್ಲ ಎಂದು ಹೇಳುತ್ತಿದ್ದರು ಸಂಬರ್ಗಿ ಮಾತ್ರ ಜ್ಯೋತಿಷ್ಯ ಪಾಠವನ್ನು ನಿಲ್ಲಿಸಿಲ್ಲ.

ಸಂಬರ್ಗಿ ಪ್ರಕಾರ ಬಿಗ್ ಬಾಸ್ ವಾಸ್ತು ಹೇಗಿದೆ?

ದಿವ್ಯಾರನ್ನ ಪಕ್ಕದಲ್ಲೇ ಕೂರಿಸಿಕಂಡು ಕಳೆದ ಜನ್ಮದಲ್ಲಿ 50-50 ಮಾಡಿದ್ದೀನಿ, ಈ ಜನ್ಮ 50-50 ಇದೆ, ಮನೆ ವಾಸ್ತು ಪ್ರಕಾರ ಅಡುಗೆ ಮನೆ ಈಗಿರುವ ಜಾಗಕ್ಕೆ ಇರಬಾರದಿತ್ತು, ಬೆಡ್ ರೂಮ್, ದೇವರ ಮನೆ ಎಲ್ಲಾ ಸರಿ ಇದೆ, ಬಿಗ್ ಬಾಸ್ ಮನೆ 90% ವಾಸ್ತು ಪ್ರಕಾರ ಇದೆ ಎಂದು ದಿವ್ಯಾ ಬಳಿ ಕಥೆ ಹೊಡೆದಿದ್ದಾರೆ.

ದಿವ್ಯಾರನ್ನು ಎತ್ತಿಕೊಂಡು ಓಡಾಡಿದ್ದೇಕೆ ಸಂಬರ್ಗಿ

ಇನ್ನು ಟಾಸ್ಕ್ ವೇಳೆಯೂ ದಿವ್ಯಾರನ್ನು ದಿಢೀರ್ ಎತ್ತಿಕೊಂಡು 55 ಕೆಜಿ ಇದಿಯಾ ಹೇಳುತ್ತಾ ಮತ್ತೊಂದು ಜಾಗಕ್ಕೆ ಕರೆದುಕೊಂಡು ಹೋಗಿ ಕೂರಿಸಿದ್ದಾರೆ. ಇಬ್ಬರ ಈ ಕ್ಲೋಸ್ ನೆಸ್ ಈಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಕಾರಣವಾಗಿದೆ. ಬಿಗ್ ಬಾಸ್ ಮನೆಯಲ್ಲಿ ಸ್ನೇಹ, ಪ್ರೀತಿ, ಕಿತ್ತಾಟ ಹೊಸದೇನಲ್ಲ. ಆದರೆ ಈ ಬಾರಿ ಬಿಗ್ ಬಾಸ್ ನ ಮೊದಲ ದಿನವೇ ಸಂಬರ್ಗಿ ಮತ್ತು ದಿವ್ಯಾ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.