BBK9: ಬಿಗ್ ಬಾಸ್ ಮನೆಗೆ ವಾಪಾಸ್ ಬಂದ ಅರುಣ್ ಸಾಗರ್ : ಅಷ್ಟಕ್ಕೂ ಏನಾಗಿತ್ತು..?

ಬಿಗ್ ಬಾಸ್ ಮನೆಗೆ ಅರುಣ್ ಸಾಗರ್ ಎಂಟ್ರಿ

ಇಷ್ಟು ದಿನ ಬಿಗ್ ಬಾಸ್ ಮನೆಯಲ್ಲಿ ಫುಲ್ ಎಂಟರ್ಟೈನಿಂಗ್ ಆಗಿ ಎಲ್ಲರನ್ನು ನೋಡಿಕೊಳ್ಳುತ್ತಿದ್ದರು ಅರುಣ್ ಸಾಗರ್. ಬಹಳಷ್ಟು ಬಾರಿ ವಾರದ ಕಥೆಯಲ್ಲೂ ಈ ಬಗ್ಗೆ ಮನೆ ಮಂದಿ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು. ಅರುಣ್ ಸಾಗರ್ ಅವರು ತಮ್ಮ ವಯಸ್ಸಿಗೂ ಮೀರಿ, ಮನರಂಜನೆ ನೀಡುತ್ತಾರೆ ಎಂದು ಹೇಳುತ್ತಿದ್ದರು. ಯಾರೇ ಸೈಲೆಂಟ್ ಆದರೂ ಅರುಣ್ ಸಾಗರ್ ಎಲ್ಲರನ್ನು ತುಂಬಾನೇ ಖುಷಿಯಾಗಿಟ್ಟುಕೊಳ್ಳುವುದಕ್ಕೆ ಯತ್ನಿಸುತ್ತಾರೆ. ಆದರೆ ನಿನ್ನೆ ಮನೆಯಿಂದ ಹೊರಗೆ ಹೋದ ಮೇಲೆ ಎಲ್ಲರಿಗೂ ಶಾಕ್ ಆಗಿತ್ತು. ಮನೆ ಅವರಿಲ್ಲದೆ ಖಾಲಿ ಖಾಲಿಯಯಾಗಿದ್ದಿದ್ದು ಕಾಣಿಸುತ್ತಿತ್ತು. ಆದರೆ ಇಂದು ಭೇಟಿ ನೀಡಿದ್ದು ಎಲ್ಲರಿಗೂ ಖುಷಿ ಕೊಟ್ಟಿದೆ.

ಅರುಣ್ ಸಾಗರ್ ಆಟಕ್ಕೆ ದೀಪಿಕಾ ಶಾಕ್

ನಿನ್ನೆಯಿಂದ ಮನೆಯಲ್ಲಿ ಕಾಣೆಯಾಗಿದ್ದ ಅರುಣ್ ಸಾಗರ್ ಇಂದು ದಿಢೀರನೆ ಮನೆಗೆ ಭೇಟಿ ನೀಡಿದ್ದಾರೆ. ಬಾತ್ ರೂಮ್ ಏರಿಯಾಗೆ ವಿಸಿಟ್ ಮಾಡಿದ್ದು, ಅಲ್ಲಿಯೇ ಇದ್ದ ದೀಪಿಕಾರನ್ನು ಹೆದರಿಸಿದ್ದಾರೆ. ಅರುಣ್ ಸಾಗರ್ ಬಂದ ರೀತಿಗೆ ದೀಪಿಕಾ ಬೆಚ್ಚಿ ಬಿದ್ದಿದ್ದಾರೆ. ಬಳಿಕ ಇವರು ಅರುಣ್ ಸಾಗರ್ ಎಂದು ಗೊತ್ತಾದ ಕೂಡಲೆ ಫುಲ್ ಖುಷಿಯಾಗಿದ್ದಾರೆ. ಒಂದು ಗಟ್ಟಿ ಅಪ್ಪುಗೆ ನೀಡಿ ಮತ್ತೊಮ್ಮೆ ಬರಮಾಡಿಕೊಂಡಿದ್ದಾರೆ.

ಅರುಣ್ ಸಾಗರ್ ಮುಖಕ್ಕೆ ಏನಾಯಿತು..?

ನಿನ್ನೆಯಿಂದ ಮೊದಲೇ ಮನೆಯಲ್ಲಿ ಅರುಣ್ ಸಾಗರ್ ನಾಪತ್ತೆಯಾಗಿದ್ದರು. ಆದರೆ ಇವತ್ತು ದಿಢೀರನೆ ಮನೆಯಲ್ಲಿ ಪ್ರತ್ಯಕ್ಷವಾಗಿದ್ದಾರೆ. ಆದರೆ ಯಾವ ರೀತಿಯಾಗಿ ಫುಲ್ ಮುಖಕ್ಕೆಲ್ಲಾ ಬ್ಯಾಂಡೇಜ್ ಸುತ್ತಿಕೊಂಡು, ಗಾಬರಿಯಾಗುವಂತೆ ಬಂದಿದ್ದಾರೆ. ಬರುವಾಗಲೇ ಮುಖಕ್ಕೆ ಫುಲ್ ಬ್ಯಾಂಡೇಜ್ ಸುತ್ತಿಕೊಂಡಿದ್ದಾರೆ‌. ಅದರ ಜೊತೆಗೆ ಬಾತ್ ರೂಮಿಗೆ ಹೋಗಿ ಆಚೆ ಬಂದಾಗ ದೀಪಿಕಾಗೆ ಭಯ ಹುಟ್ಟಿಸಿದ್ದಾರೆ. ಬಿಳಿ ಬಣ್ಣದ, ಉದ್ದನೆಯ ಬಟ್ಟೆ ಹಾಕಿ ದೆವ್ವದಂತೆ ಕಾಣಿಸಿಕೊಂಡಿದ್ದಾರೆ. ಇದನ್ನು ಕಂಡು ದೀಪಿಕಾ ಜೋರಾಗಿ ಕಿರುಚಿದ್ದಾರೆ. ಬಳಿಕ ಅರುಣ್ ಸಾಗರ್ ಎಂದು ಗೊತ್ತಾದ ಕೂಡಲೇ ಟಿಶ್ಯೂ ಬಂಡಲ್‌ಗಳನ್ನು ಎಸೆದಿದ್ದಾರೆ.

ಅರುಣ್ ಸಾಗರ್ ಹೋಗಿದ್ದಾದರೂ ಎಲ್ಲಿಗೆ..?

ಇವತ್ತು ಅರುಣ್ ಸಾಗರ್ ಎಂಟ್ರಿಯ ವಿಡಿಯೋವೊಂದನ್ನು ಅಧಿಕೃತ ಅಕೌಂಟ್‌ನಲ್ಲಿ ಚಾನೆಲ್ ಹಂಚಿಕೊಂಡಿತ್ತು. ಇದಕ್ಕೆ ಪಾಸಿಟಿವ್ ಕಮೆಂಟ್‌ಗಳ ಜೊತೆಗೆ ಅರುಣ್ ಸಾಗರ್ ಬಗೆಗೂ ಒಂದಷ್ಟು ಕಮೆಂಟ್‌ಗಳು ಬಂದಿದೆ. ಮಗಳ ಅನಾರೋಗ್ಯವನ್ನು ನೋಡಿಯೂ ಅರುಣ್ ಸಾಗರ್ ಬಿಗ್ ಬಾಸ್ ಮನೆಗೆ ಬಂದು ವೃತ್ತಿ ನಿಷ್ಠೆ ಮೆರೆದಿದ್ದಾರೆ ಅಂತ ಒಬ್ಬರು ಮೆಸೇಜ್ ಮಾಡಿದರೆ, ಅರುಣ್ ಸಾಗರ್ ಹೊರ ಹೋಗಿದ್ದು ಯಾಕೆ ಎಂಬುದು ವೀಕೆಂಡ್ ಶೋನಲ್ಲಿ ಗೊತ್ತಾಗಲಿದೆ ಎಂದು ಇನ್ನೊಂದಷ್ಟು ಜನ ಕಮೆಂಟ್ ಹಾಕಿದ್ದಾರೆ.