BBK9:ನನ್ನ ಕರ್ಮದ ಫ್ರೆಂಡ್ ರೂಪೇಶ್ ರಾಜಣ್ಣ : ರೂಪೇಶ್ ಶೆಟ್ಟಿ ನೊಂದುಕೊಂಡಿದ್ದೇಕೆ?

ನನ್ನ ಕರ್ಮದ ಫ್ರೆಂಡು ರೂಪೇಶ್ ರಾಜಣ್ಣ

ರೂಪೇಶ್ ರಾಜಣ್ಣ ಬಗ್ಗೆ ಬಿಗ್ ಬಾಸ್ ಮನೆಯಲ್ಲಿ ರೂಪೇಶ್ ಶೆಟ್ಟಿ ಹಂಚಿಕೊಂಡಿದ್ದು ಹೀಗೆ "ರೂಪೇಶ್ ರಾಜಣ್ಣ ಬಗ್ಗೆ ನಾನು ಹೇಳಬೇಕಾಗಿಲ್ಲ. ಬಹುಶಃ ಈ ಸೀಸನ್ ಜರ್ನಿಯಲ್ಲಿ ಎರಡು ಆಫ್ ಅಂತ ಮಾಡಿದರೆ ಅದರಲ್ಲಿ ಸೆಕೆಂಡ್ ಆಫ್ ನಲ್ಲಿ ಕಂಪ್ಲೀಟ್ ಆಗಿ ರಾಜಣ್ಣ ಅವರು ಆವರಿಸಿಕೊಂಡಿರುತ್ತಾರೆ" ಎಂದಿದ್ದಾರೆ.

ಸಾನ್ಯಾ ಸ್ಥಾನ ತುಂಬಿದ ರಾಜಣ್ಣ

ಮುಂದುವರೆದು ಮಾತನಾಡಿದ ರೂಪೇಶ್ "ಸಾನ್ಯಾ ಹೋದ ಮೇಲೆ, ಗುರೂಜಿ ಇಲ್ಲದೆ ನನ್ನ ಮಾತು ಕಂಪ್ಲೀಟ್ ಆಗುವುದಿಲ್ಲ. ಗುರೂಜಿ ಜೊತೆಗೆ ನೀವೂ ಸೇರಿಕೊಂಡು ನನ್ನ ಗೀವ್ ಅಪ್ ಮಾಡಿದ್ರಿ. ಇಲ್ಲೆ ಗಾರ್ಡನ್ ಏರಿಯಾದಲ್ಲಿ ನಂಗೆ ಕಂಫರ್ಟ್ ಝೋನ್ ಮಾಡಿಕೊಟ್ಟಿದ್ದೀರಿ. ಅದರಲ್ಲೂ ಗುರೂಜಿ ಇಟ್ಟುಕೊಂಡು ಕಾಲೆಳೆಯೋದು ಇದೆಯಲ್ಲ. ಅದಂತು ಸೂಪರ್ ಆಗಿ ಇರುತ್ತಿತ್ತು. ಸೆಕೆಂಡ್ ಇನ್ನಿಂಗ್ಸ್ ಅಂತ ಏನು ಹೇಳಿದೆ ಅದರಲ್ಲಿ ಇದ್ದಂತಹ ಫನ್‌ನಲ್ಲಿ ರಾಜಣ್ಣ ಅವರದ್ದು ಪಾತ್ರ ದೊಡ್ಡದಿದೆ." ಎಂದಿದ್ದಾರೆ.

ಅವರ ಹೆಂಡತಿ ಮೇಲಿನ ಪ್ರೀತಿಗೆ ಕ್ಲೀನ್ ಬೋಲ್ಡ್..!

"ನಂಗೆ ಕೊಟ್ಟ ಆ ಒಂದು ಲೆಟರ್ ಬಿಟ್ರೆ ಬೇರೆನೂ ಬೇಸರ ಇಲ್ಲ. ಬಹುಶಃ ಬೇರೆಯವರು ಆ ಲೆಟರ್ ನೀಡಿದ್ದರೆ ನಾನು ಬದಲಾಗ್ತಾ ಇರಲಿಲ್ಲ. ಆದರ ಬಳಿಕ ನೀವೂ ತೋರಿಸಿದ ಕೇರ್‌ನಿಂದಾಗಿ, ನಾನು ಮತ್ತೆ ಫ್ರೆಂಡ್‌ಶಿಪ್ ಮುಂದುವರೆಸಿದ್ದೀನಿ. ನೀವೂ ಮನಸ್ಸಲ್ಲಿ ಏನನ್ನು ಇಟ್ಟುಕೊಳ್ಳಬೇಡಿ. ನಾನು ಆ ಒಂದು ದಿನವನ್ನು ಈಗಾಗಲೇ ಡಿಲೀಟ್ ಮಾಡಿದ್ದೀನಿ. ಇನ್ನೊಂದು ವಿಚಾರ, ಬಿಗ್ ಬಾಸ್ ಮನೆಯಲ್ಲಿ ಫ್ರೆಂಡ್ಸ್ ಅಂದ್ರೆ ಏನು ಅಂತ ಗೊತ್ತಾಯ್ತು. ಲವ್ ಅಂದ್ರೆ ಏನು ಅಂತ ಗೊತ್ತಿತ್ತು. ಆದರೆ, ಮದುವೆಯಾದ್ಮೇಲೆ ಒಬ್ಬ ಗಂಡ ಹೇಗಿರಬೇಕು ಎಂಬ ಉದಾಹರಣೆ ಸಿಕ್ಕಿದೆ. ಅದು ರೂಪೇಶ್ ರಾಜಣ್ಣ. ನಂಗೆ ತುಂಬಾ ಖುಷಿಯಾಯ್ತು. ನಾನು ಫ್ಯೂಚರ್‌ನಲ್ಲಿ ಮದುವೆ ಆದ್ರೆ ನಾನು ಅದೇ ಥರ ಇರುತ್ತೀನಿ" ಎಂದು ಪ್ರಾಮೀಸ್ ಮಾಡಿದ್ದಾರೆ.

ದೀಪಿಕಾ ದಾಸ್ ಏನಂದ್ರು..?

ದೀಪಿಕಾ ಕೂಡ ರಾಜಣ್ಣ ಬಗ್ಗೆ ಮಾತನಾಡಿದ್ದು, "ಇವರ ಬಗ್ಗೆ ಮಾತನಾಡುವುದಕ್ಕೆ ಸಾಕಷ್ಟಿದೆ. ಅವರ ಬಗ್ಗೆ ಹೇಳುತ್ತಾ ಹೋದರೆ ಬುಕ್ ಬರೆಯಬಹುದು. ಆದರೂ ಕೆಲವೇ ಕೆಲವು ಮುಖ್ಯಾಂಶಗಳೊಂದಿಗೆ ಹೇಳುತ್ತೀನಿ. ನಾನು ನೋಡಿದಂತಹ ರಾಜಣ್ಣ ಎಷ್ಟು ಹೋರಾಟ ಮಾಡಿದರೋ ಅಷ್ಟೇ ಪ್ರೀತಿ ಮಾಡುತ್ತಾರೆ. ಅವರಲ್ಲಿರುವ ಇನೋಸೆಂಟ್‌ನಲ್ಲಿ ಎಲ್ಲರನ್ನು ಗೆಲ್ಲುತ್ತಾರೆ. ಇಲ್ಲಿವರೆಗೂ ರೂಪೇಶ್ ರಾಜಣ್ಣ ಏನು ಅಂತ ಕೇಳಿದರೆ, ನಾನು ಹೇಳುವುದು ಒಂದು ಚಿಕ್ಕ ಮಗು ಇಂಥದ್ದು ಬೇಕು ಅಂತ ಹಠ ಮಾಡುತ್ತಾರಲ್ಲ ಆ ಮಗು ಎಂದು ಹೇಳುತ್ತೇನೆ" ಎಂದಿದ್ದಾರೆ.