BBK9: ದೀಪಿಕಾ ವಿಚಾರಕ್ಕೆ ಹೆಂಡತಿಯಿಂದ ಮಾತ್ರವಲ್ಲ ಕಿಚ್ಚನಿಂದಾನೂ ಪರ್ಮಿಷನ್.. ರಾಜಣ್ಣನೇ ಅದೃಷ್ಟವಂತ!

ದೀಪಿಕಾ ತಾಯಿ ಸಖತ್ತಾಗಿದ್ದಾರಂತೆ

ಕಳೆದ ವಾರ ಬಿಗ್ ಬಾಸ್ ಮನೆಯಲ್ಲಿ ಫ್ಯಾಮಿಲಿ ರೌಂಡ್ ಇತ್ತು. ಈ ಬಗ್ಗೆ ಕಿಚ್ಚ ಸುದೀಪ್, ರಾಜಣ್ಣ ಅವರೇ ದೀಪಿಕಾ ಅವರ ತಾಯಿ ಬಿಗ್ ಬಾಸ್ ಮನೆಗೆ ಬರುತ್ತಾರೆ. ಅಷ್ಟೆ ಎಲ್ಲರಿಂದಾನೂ ಸಿಕ್ಕಾಪಟ್ಟೆ ನಗು. ಮುಂದೆ ನೀವೂ ಹೇಳುತ್ತೀರಾ ನಾನು ಹೇಳಲಾ ಎನ್ನುತ್ತಾರೆ ಸುದೀಪ್. ಆಗ ರಾಜಣ್ಣ, "ಸರ್ ಇಲ್ಲ ಅವರು ಬಂದು ಒಳಗಡೆ ಮಾತನಾಡಿಸಿಕೊಂಡು ಹೋಗುತ್ತಿದ್ದಾಗ ನನ್ನನ್ನು ನೋಡಿ, ಓ ರಾಜಣ್ಣ ನನ್ನ ಫೇವರಿಟ್ ಅಂತ ಹೇಳಿದ್ರು. ಹಂಗೆ ಹೇಳಿಬಿಟ್ಟು ಅವರು ಒಳಗಡೆ ಹೋದರಾ, ನಾನು ದಿವ್ಯಾ ಉರುಡುಗ ಎಲ್ಲಾ ಕೂತು ಮಾತಾಡ್ತಾ ಇದ್ವಿ. ಅಂದ್ರೆ ಲೈಟ್ ಬೆಳಕಿಗೆ ಅವರು ಸ್ವಲ್ಪ ಚೆನ್ನಾಗಿ ಕಾಣಿಸುತ್ತಾ ಇದ್ರು. ಚೆನ್ನಾಗಿದ್ದಾರೆ ಎನ್ನುವುದಕ್ಕೆ ಹೋಗಿ ಸಖತ್ತಾಗಿದ್ದಾರೆ ಎಂದು ಬಿಟ್ಟೆ ಸರ್." ಎಂದು ಕ್ಲಾರಿಟಿ ಕೊಟ್ಟಿದ್ದಾರೆ.

ದೀಪಿಕಾ ಕೋಪಿಸಿಕೊಂಡಿದ್ದು ಯಾಕೆ?

ಆಗ ಸುದೀಪ್ ನಿಮ್ಮ ತಾಯಿ ಬಗ್ಗೆ ಹೇಳಿದರು ಅಂತ ಕೋಪನಾ ಅಥವಾ ನಿಮಗಿಂತ ಜಾಸ್ತಿ ಅವರು ಚೆನ್ನಾಗಿದ್ದಾರೆ ಎಂದಿದ್ದಕ್ಕೆ ಕೋಪನಾ ಎಂದು ದೀಪಿಕಾ ಬಳಿ ಕೇಳಿದ್ದಾರೆ. "ಎರಡಕ್ಕೂ ಸರ್. ಆಲ್ ರೆಡಿ ನಾನು ಕ್ಲಾಸ್ ತೆಗೆದುಕೊಂಡು ಬಿಟ್ಟಿದ್ದೀನಿ ಸರ್. ಎಲ್ಲಾ ಕಡೆಯಲ್ಲೂ ನನಗೆ ಅದೊಂದು ಯಾವಾಗಲೂ ಪ್ರಾಬ್ಲಮ್ ಇದೆ. ನಾನು ಎದುರುಗಡೆ ಇರುವಾಗ ನನಗೆ ಒಂದು ದಿನವೂ ಹೇಳದೆ, ನಮ್ಮ ಅಮ್ಮ ಬಂದಾಗ ಹೇಳಿದರೆ ಸಿಕ್ಕಾಪಟ್ಟೆ...?" ಎಂದು ಅಲ್ಲಿಗೆ ಮಾತು ನಿಲ್ಲಿಸಿದ್ದಾರೆ.

ಹೆಂಡತಿ ಬೈತಾರೆ ಅಂದ್ರೆ ನೋ...

ಈ ವಿಚಾರದಲ್ಲಿ ರಾಜಣ್ಣ ಅವರ ಹೆಂಡತಿ ಕ್ಲಾಸ್ ತೆಗೆದುಕೊಳ್ಳುತ್ತಾರೆ ಎಂದುಕೊಂಡಿದ್ದರು. ಈ ವಿಚಾರಕ್ಕೆ ಸುದೀಪ್, "ಈಗ ನಿಮ್ಮ ಹೆಂಡತಿ ಬೇರೆ ಪರ್ಮಿಷನ್ ಕೊಟ್ಟಿದ್ದಾರೆ. ದೀಪಿಕಾ ಅವರು ಓಕೆ ಎನ್ನುತ್ತಿದ್ದಾರೆ. ರಾಜಣ್ಣ ಅವರೇ ಮುಂದೇನು" ಎಂದಾಗ, ಸರ್ ಇಲ್ಲ ಅವರು ಏನು ತೊಂದರೆ ಇಲ್ಲ. ದೀಪಿಕಾಗೆ ಅವರು ಹೀಗೆಲ್ಲಾ ಮುದ್ದು ಮಾಡಿದ್ರು. ಸೋ ಅಲ್ಲಿಗೆ ಗ್ರಾಂಟೆಡ್ ಅಂದುಕೊಂಡೆ ಸರ್" ಎಂದಾಗ ಕಿಚ್ಚ ಮತ್ತೆ ಕಾಲೆಳೆದಿದ್ದಾರೆ.

ನಾಚಿ ನೀರಾದ ದೀಪಿಕಾ

ಈ ವೇಳೆ ದೀಪಿಕಾಗೆ ಕಿಚ್ಚ ಸುದೀಪ್ ಆಲ್ ದಿ ಬೆಸ್ಟ್ ಹೇಳಿದ್ದಾರೆ. "ಇಲ್ಲ ಸರ್ ಅವರ ವೈಫ್ ಬಂದಾಗ ತುಂಬಾ ದೂರು ಹೇಳಿದ್ವಿ. ಒಂದಷ್ಟು ಹೊಡೆಯುವುದಕ್ಕೆ ವಸ್ತುಗಳನ್ನು ತೆಗೆದಿಟ್ಟಿದ್ವಿ. ಏನಾದ್ರೂ ಕ್ಲಾಸ್ ತೆಗೆದುಕೊಳ್ಳುತ್ತೀರಾ. ಅದಕ್ಕೆಲ್ಲ ರೆಡಿ ಇದೆ ಅಂತ ಹೇಳಿದ್ವಿ. ಅವ್ರೇ ಸುಮ್ಮನಾಗಿಬಿಟ್ರು. ಅಲ್ಲಿಗೆ ಕರೆದುಕೊಂಡು ಹೋದಾಗಲೇ ನಾವೂ ಅಂದುಕೊಂಡ್ವಿ ಓ ಅಲ್ಲಿಗೆ ಕರೆದುಕೊಂಡು ಹೋಗಿ ಮಸ್ಕಾ ಮಾಡಿ ಕರೆದುಕೊಂಡು ಬಂದಿದ್ದಾರೆ ಅಂತ" ದೀಪಿಕಾ ಹೇಳಿದಾಗ ಸುದೀಪ್, "ರಾಜಣ್ಣ ಅವರು ಏನೇನು ಮಾಡಿಕೊಂಡು ಬಂದಿದ್ದಾರೆ ಅಂತ ಅವರ ಹೆಂಡತಿಗೆ ಗೊತ್ತಿದೆ. ಅದಕ್ಕೆ ಅವರು ಮೊದಲೇ ಕಾಲಿಗೆ ಬಿದ್ದು ಬಿಟ್ಟರು. ಅಲ್ಲಿಗೆ ಎಲ್ಲಾ ನ್ಯೂಟ್ರಲ್ ಆಗೋಯ್ತು. ಆಗ ಏನು ಬೈಯ್ಯುವಂಗಿಲ್ಲ. ಅಷ್ಟು ಕ್ಯಾಮೆರಾಗಳಿದ್ದಾವೆ. ಗಂಡ ಹೋಗಿ ಕಾಲಿಗೆ ಬಿದ್ದರೆ ಇನ್ನೇನು ಹೇಳುತ್ತಾರೆ. ಹೋಗು ಏನಾದರೂ ಮಾಡಿಕೊ ಹೋಗು. ಕೊನೆಗೆ ಇಲ್ಲಿಗೇ ಬರ್ತೀಯಾ ಅಂದಿದ್ದಾರೆ". ಎಂದು ರೂಪೇಶ್ ರಾಜಣ್ಣ ಹಾಗೂ ಅವರ ಪತ್ನಿಯ ನಡುವಿನ ಮಾತುಕತೆ ಬಗ್ಗೆ ಹೇಳಿದ್ದಾರೆ.