BBK9: ದೀಪಿಕಾ ಕಣ್ಣು ಹೊಡೆದು ಮಾಡಿದ ಅವಾಂತರಕ್ಕೆ ರೂಪೇಶ್ ಕುಸಿದೇ ಬಿಟ್ಟಿದ್ದರು..!

ಸೀತಾಫಲಕ್ಕಾಗಿ ದೀಪಿಕಾ ಹುಡುಕಾಟ

ಬಿಗ್ ಬಾಸ್ ಮನೆಯಲ್ಲಿ ಎಷ್ಟು ಜನ ಇರುತ್ತಾರೋ, ಅಷ್ಟು ಜನಕ್ಕೆ ಆಗುವಷ್ಟು ಹಣ್ಣು, ತರಕಾರಿ ಎಲ್ಲವನ್ನು ಬಿಗ್ ಬಾಸ್ ನೀಡಿರುತ್ತಾರೆ. ಅದರಂತೆ ಸೀತಾಫಲ ಹಣ್ಣನ್ನು ಕಳುಹಿಸಲಾಗಿತ್ತು. ಆದರೆ ದೀಪಿಕಾ ಅವರ ಹಣ್ಣನ್ನು ರೂಪೇಶ್ ಶೆಟ್ಟಿ ಅವರೇ ತೆಗೆದಿಟ್ಟುಕೊಂಡಿದ್ದರು. ಆದರೆ ಹುಡುಕುವಾಗ ದೀಪಿಕಾ ಅವರೇ ಕಂಟೆಂಟ್ ಗೋಸ್ಕರ ಹೀಗೆಲ್ಲಾ ಮಾಡಬೇಡಿ ಎಂದರು. ನೀವೂ ತಿಂದಾಗಿದೆ ಅದಕ್ಕೆ ಈ ಥರ ಮಾಡ್ತಾ ಇದ್ದೀರಾ ಎಂದಿದ್ದಾರೆ.

ದೀಪಿಕಾ ನಾಟಕ ಶುರು

ರೂಪೇಶ್ ಶೆಟ್ಟಿ ಆ ಮಾತು ಹೇಳಿದ ಕೂಡಲೇ ದೀಪಿಕಾಗೆ ಇಲ್ಲೊಂದು ಜೋಕ್ ಮಾಡಬಹುದು ಎಂಬುದು ಗೊತ್ತಾಗಿ ಹೋಯ್ತು. ಎದುರಿಗಿದ್ದ ಅನುಪಮಾಗೆ ಕಣ್ಣು ಹೊಡೆದರು. ಬಳಿಕ ನಾಟಕ ಶುರು ಮಾಡಿದರು. "ನಂಗೆ ರಿಯಲ್ ಆಗಿರುವುದಕ್ಕೂ ಬರುತ್ತೆ. ಇದು ಜೋಕ್ ಅಲ್ಲ. ನೀವು ಕಂಟೆಂಟ್‌ಗೆ ಮಾಡಬಹುದು. ನಿಮ್ಮ ಲಿಮಿಟ್ಸ್ ಅನ್ನು ನೀವೂ ಕ್ರಾಸ್ ಮಾಡಿದ್ದೀರಾ. ನಂಗೆ ಯಾರು ಕೂಡ ಸೀತಾಫಲ ಕೊಡಬೇಡಿ. ನಾನು ಜೋರು ವಾಯ್ಸ್ ಮಾಡಲ್ಲ" ಎಂದಿದ್ದಾರೆ.

ಮನೆಯವರೆಲ್ಲಾ ಒಂದಾಗಿ ಬಿಟ್ಟರು

ಹೀಗೆ ಎಲ್ಲರಿಗೂ ಇದು ಫೇಕ್ ಎಂಬುದು ಗೊತ್ತಾಯಿತು. ಆಗ ರೂಪೇಶ್ ಶೆಟ್ಟಿಗೆ ರೇಗಿಸುವುದಕ್ಕೆ ಶುರು ಮಾಡಿದರು. ಮನೆಯ ಕ್ಯಾಪ್ಟನ್ ಕೂಡ ಜೊತೆಯಾದರು. ರಾಜಣ್ಣ "ಒಬ್ಬ ಕ್ಯಾಪ್ಟನ್ ಆಗಿ ಹೇಳುತ್ತಾ ಇದ್ದೀನಿ. ಹೀಗೆ ಇಂತಹ ಪದಗಳನ್ನು ತೆಗೆದುಕೊಳ್ಳುವುದಕ್ಕೆ ಆಗಲ್ಲ. ಆ ಥರದ ಪದ ಹೇಗೆ ಬಳಸುತ್ತೀರಾ. ಬಹಳ ತಪ್ಪು ಅದು. ನೀನು ಹೀಗೆಲ್ಲಾ ಮಾತನಾಡಬಾರದಿತ್ತು" ಎಂದು ಇಬ್ಬರ ನಡುವೆ ಇನ್ನಷ್ಟು ಬೆಂಕಿ ಹಚ್ಚಿದರು.

ಅಮೂಲ್ಯರಿಂದ ಬಚಾವ್ ಆದ ರೂಪೇಶ್

ದೀಪಿಕಾ ಕಂಪ್ಲೀಟ್ ಆಗಿ ನಾಟಕ ಶುರು ಮಾಡಿದರು. ಬಾತ್ ರೂಮಿಗೆಲ್ಲಾ ಹೋಗಿ ಅಳುವ ಡ್ರಾಮಾ ಮಾಡಿದರು. ಇದನ್ನು ಕಂಡ ರೂಪೇಶ್ ಶಾಕ್ ಆದರೂ. ಬಾತ್ ರೂಮಿನಿಂದ ದೀಪಿಕಾ ಬಂದ ಕೂಡಲೇ ಹಿಂದೆ ಹಿಂದೆ ಹೋಗಿ, "ನಾನೇ ನಿನ್ನ ಹಣ್ಣು ತೆಗದುಕೊಂಡಿರುವುದು. ರೇಗಿಸುವುದಕ್ಕೆ ಹೇಳಿದ್ದು. ಬೇಜಾರು ಮಾಡಿಕೊಳ್ಳಬೇಡಿ. ದೇವರಾಣೆ ನಾನು ಯಾವ ಅರ್ಥದಲ್ಲಿ ಹೇಳಿದ್ದು ಗೊತ್ತಾ..? ನಾನು ತಾಯಿ ಮೇಲೆ ಆಣೆ. ಆ ಪದ ಅಷ್ಟು ದೊಡ್ಡದಾ ಎಂದು ಗೊತ್ತಾಗುತ್ತಿಲ್ಲ. ದೀಪಿಕಾ ಮುಗಿಸಿ ದಯವಿಟ್ಟು. ತಮಾಷೆ ಮಾಡಬೇಡಿ. ನಂಗೆ ಟೆನ್ಶನ್ ಮಾಡಬೇಡಿ. ಅದನ್ನು ಬಿಟ್ಟು ಬಿಡಿ. ಅದು ಕೆಟ್ಟದಾಗಿ ಕಾಣುತ್ತೆ. ದೇವರಾಣೆ ಹೇಳ್ತಾ ಇದ್ದೀನಿ ದಯವಿಟ್ಟು ಈ ರೀತಿ ಇರಬೇಡಿ" ಎಂದ ಕೂಡಲೇ ದೀಪಿಕಾ ನಕ್ಕು ಬಿಟ್ಟರು. ಅಲ್ಲಿಗೆ ಸೀರಿಯಸ್ ಆಗಿದ್ದ ವಿಚಾರ ಹಾಗೇ ಸರಿಯಾಗಿ ಬಿಟ್ಟಿತು. ರೂಪೇಶ್‌ಗಂತು ಜೀವ ಕೈಗೆ ಬಂದಿತ್ತು. ಆಮೇಲೆ ಮನಸ್ಸಿನ ಭಾರವೆಲ್ಲ ಇಳಿದು ಹೋಯ್ತು.