'ಬಿಗ್ ಬಾಸ್' ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ ಸುದೀಪ್ ಜೂನಿಯರ್

ಸುದೀಪ್ ಜೂನಿಯರ್ ಈಕೆ

ಬೆಂಗಳೂರಿನ ದಯಾನಂದ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ಕಿಚ್ಚ ಸುದೀಪ್ ವಿದ್ಯಾಬ್ಯಾಸ ಮಾಡಿದ್ದಾರೆ. ವಿಶೇಷ ಅಂದ್ರೆ, ಅದೇ ಕಾಲೇಜಿನಲ್ಲಿ, ಸುದೀಪ್ ಅವರು ಓದಿದ ತರಗತಿಯಲ್ಲೇ ಚೈತ್ರಾ ವಾಸುದೇವನ್ ಕೂಡ ಓದಿದ್ದಾರಂತೆ. ಹಾಗಾಗಿ, ಸುದೀಪ್ ಅವರಿಗೆ ಚೈತ್ರಾ ಜೂನಿಯರ್ ಎಂದು ಹೇಳಿಕೊಂಡಿದ್ದಾರೆ.

ಸುದೀಪ್ ಸಿನಿಮಾದಲ್ಲಿ ನಟನೆ

ಸಿನಿಮಾದಲ್ಲಿ ನಟಿಸುವ ಆಸಕ್ತಿ ಇಲ್ಲದ ಚೈತ್ರಾ ವಾಸುದೇವನ್ ಅವರು, ಕಿಚ್ಚ ಸುದೀಪ್ ಅಭಿನಯದ ಚಿತ್ರದಲ್ಲಿ ಮೊದಲ ಸಲ ಬಣ್ಣ ಹಚ್ಚಿದ್ದರು. ಸುದೀಪ್ ಅವರ ಪೈಲ್ವಾನ್ ಸಿನಿಮಾದ ಕ್ಲೈಮ್ಯಾಕ್ಸ್ ನಲ್ಲಿ ನಡೆಯುವ ಬಾಕ್ಸಿಂಗ್ ದೃಶ್ಯದಲ್ಲಿ ಆಂಕರ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ವಿಷಯವನ್ನ ಚೈತ್ರಾ ಬಿಗ್ ಬಾಸ್ ವೇದಿಕೆಯಲ್ಲಿ ಹಂಚಿಕೊಂಡರು.

ಸುದೀಪ್ ಮೊದಲ ಸಂದರ್ಶನ

ನಿರೂಪಕಿಯಾಗಿ ಮೊದಲ ಸಲ ಸಂದರ್ಶನ ಮಾಡಿದ್ದು ಕೂಡ ಕಿಚ್ಚ ಸುದೀಪ್ ಅವರಂತೆ. ಸಿಸಿಎಲ್ ಕ್ರಿಕೆಟ್ ನಡೆಯುತ್ತಿರುವ ವೇಳೆ ಚೈತ್ರಾ ಅವರು, ಸುದೀಪ್ ಅವರ ಸಂದರ್ಶನ ಮಾಡಿದ್ದರಂತೆ.

ಹಲವು ಶೋ ನಿರೂಪಣೆ ಮಾಡಿದ್ದಾರೆ

ಕಲರ್ಸ್ ಕನ್ನಡ ಸೂಪರ್ ವಾಹಿನಿಯಲ್ಲಿ ಪ್ರಸಾರವಾಗುವ 'ಒಂದು ಸಿನಿಮಾ ಕಥೆ' ಕಾರ್ಯಕ್ರಮವನ್ನ ಚೈತ್ರಾ ನಿರೂಪಣೆ ಮಾಡುತ್ತಿದ್ದರು. ಹಲವು ಖಾಸಗಿ ಕಾರ್ಯಕ್ರಮಗಳನ್ನ ಆಂಕರಿಂಗ್ ಮಾಡಿದ್ದಾರೆ.