BBK 9: ರಾಜಣ್ಣನ ಸೋಲಿಸಲು ರಾಕೇಶ್ ಟ್ರಿಕ್ಸ್: ಆದರೂ ತಂಡ ಗೆಲ್ಲಲಿಲ್ಲ!

ಬಿಗ್ ಬಾಸ್‌ನಿಂದ ಟಿಂ ಗೇಮ್

ಬಿಗ್ ಬಾಸ್‌ನಲ್ಲಿ ಈಗ ಹತ್ತು ಜನ ಉಳಿದಿದ್ದಾರೆ. ಹೀಗಾಗಿ ಟೀಂ ಮಾಡುವುದು ತುಂಬಾ ಸುಲಭದ ಕೆಲಸ. ಇಂದು ಟಾಸ್ಕ್‌ಗಳನ್ನು ಕೊಡುವುದಕ್ಕೂ ಮುನ್ನ ಬಿಗ್ ಬಾಸ್ ಎರಡು ಟೀಂಗಳನ್ನಾಗಿ ಮಾಡಿತ್ತು. ಒಂದು ಮಿನುಗುತಾರೆ ತಂಡ. ಈ ತಂಡದಲ್ಲಿ ಅಮೂಲ್ಯ ಕ್ಯಾಪ್ಟನ್ ಆಗಿದ್ದರು. ಉಳಿದಂತೆ ಅನುಪಮಾ, ರಾಜಣ್ಣ, ಪ್ರಶಾಂತ್ ಸಂಬರ್ಗಿ, ರೂಪೇಶ್ ಶೆಟ್ಟಿ ಟೀಂ ಸದಸ್ಯರಾಗಿದ್ದರು. ಮತ್ತೊಂದು ತಂಡ ಕೂಲ್ ತಂಡ. ಇದರಲ್ಲಿ ರಾಕೇಶ್ ಅಡಿಗ ಕ್ಯಾಪ್ಟನ್ ಆಗಿದ್ದರೆ ದೀಪಿಕಾ ದಾಸ್, ಅರುಣ್ ಸಾಗರ್, ದಿವ್ಯಾ ಉರುಡುಗ, ಆರ್ಯವರ್ಧನ್ ಸದಸ್ಯರಾಗಿದ್ದರು. ಅದರಲ್ಲಿ ಒಂದು ಬಾಲ್ ಹಾಕುವ ಟಾಸ್ಕ್ ಇನ್ನೊಂದು ಲೈಟ್ಸ್ ಹಾಕುವ ಟಾಸ್ಕ್ ನೀಡಿತ್ತು.

ಬಿಗ್ ಬಾಸ್ ನೀಡಿದ ಟಾಸ್ಕ್ ಗೆದ್ದವರು ಯಾರು?

ಎರಡು ಸಮದಟ್ಟವಾದ ಬ್ಯಾಟ್ ರೀತಿಯ ಹಲಗೆಯಲ್ಲಿ ಬಾಲನ್ನು ಬ್ಯಾಲೆನ್ಸ್ ಮಾಡಿ, ಮೇಲೆ ಇಡಲಾಗಿದ್ದ ಬಾಕ್ಸ್‌ನಲ್ಲಿ ಹಾಕಬೇಕು. ಮೊದಲಿಗೆ ಕೂಲ್ ತಂಡದಿಂದ ರಾಕೇಶ್ ಬಂದರೂ ಮಿನುಗು ತಾರೆ ತಂಡದಿಂದ ಅಮೂಲ್ಯ ಬಂದರು. ಮೊದಲ ಆಟದಲ್ಲಿ ರಾಕೇಶ್ ಒಂದು ಬಾಲ್ ಹಾಕಿದರು. ಅಮೂಲ್ಯ ಸೋತರು. ಎರಡನೇ ಬಾರಿಗೆ ಕೂಲ್ ತಂಡದಿಂದ ದಿವ್ಯಾ ಬಂದರೆ, ಮಿನುಗು ತಾರೆ ತಂಡದಿಂದ ಅನುಪಮಾ ಬಂದರು. ಅನುಪಮಾ ಬಾಲ್ ಹಾಕುವಲ್ಲಿ ಸಕ್ಸಸ್ ಆದರು, ದಿವ್ಯಾ ಸೋತರು. ಮೂರನೇ ಬಾರಿಗೆ ಕೂಲ್ ತಂಡದಿಂದ ದೀಪಿಕಾ ದಾಸ್, ಮಿನುಗು ತಾರೆ ತಂಡದಿಂದ ರೂಪೇಶ್ ಶೆಟ್ಟಿ ಬಂದರು. ಫೈನಲಿ ರೂಪೇಶ್ ಶೆಟ್ಟಿ ಬಾಲ್ ಹಾಕಿದರು, ದೀಪಿಕಾ ಔಟ್ ಆದರು.

ರಾಕೇಶ್ ಮಾಡಿದ ಕುತಂತ್ರಕ್ಕೆ ಸೋತ ರಾಜಣ್ಣ

ಈ ಗೇಮ್ ಇನ್ನೇನು ಮಿನುಗು ತಾರೆ ತಂಡದವರು ಗೆದ್ದು ಬಿಡುತ್ತಿದ್ದರು. ರಾಕೇಶ್ ಸಖತ್ತಾಗಿ ಪ್ಲ್ಯಾನ್ ಮಾಡಿ, ಗೇಮ್ ಫ್ಲಾಪ್ ಮಾಡಿದ್ದರು. ಆದರೆ, ಅದು ಆಗಲಿಲ್ಲ. ಹೇಗೆಂದರೆ, ರಾಜಣ್ಣ ಮತ್ತು ಆರ್ಯವರ್ಧನ್ ನಡುವೆ ಸ್ಪರ್ಧೆ ಆರಂಭವಾಗಿತ್ತು. ರಾಜಣ್ಣನಿಗೆ ಈ ಗೇಮ್ ತುಂಬಾ ಸುಲಭವಾಗಿ ಅರ್ಥವಾಗಿತ್ತು. ಹೀಗಾಗಿ ತುಂಬಾನೇ ಫಾಸ್ಟ್ ಆಗಿ ಆಡುವುದಕ್ಕೆ ಶುರು ಮಾಡಿದರು. ಇನ್ನೇನು ಬಾಲ್ ಬಾಕ್ಸ್ ಒಳಗೆ ಬೀಳಬೇಕು, ಅಷ್ಟರಲ್ಲಿ ರಾಕಿ, ರಾಜಣ್ಣ ಅವರ ಗಮನ ಸೆಳೆದು ಬಾಲ್ ಔಟ್ ಮಾಡುವುದಕ್ಕೆ ಯೋಚಿಸಿದಂತೆ ಇತ್ತು. ರಾಕೇಶ್ ಟೀಂ ಜೋರು ಧ್ವನಿಯಲ್ಲಿ ಕೂಗಲಾರಂಭಿಸಿದರು. ಗುರೂಜಿ ಗುರೂಜಿ ಎಂದು ಕೂಗುತ್ತಿದ್ದಂತೆ ಅಲ್ಲಿ ರಾಜಣ್ಣ ಡಿಸ್ಟರ್ಬ್ ಆದರು. ಗುರೂಜಿ ಹಾಕಿಯೇ ಬಿಟ್ಟರೇನೋ ಎಂದುಕೊಂಡು ಕೈ ನಡುಗಿಸಿ, ಬಾಲ್ ಕೆಳಗೆ ಬೀಳಿಸಿ ಬಿಟ್ಟರು. ಆದ್ರೆ ಮತ್ತೆ ಪ್ರಯತ್ನ ಪಟ್ಟ ರಾಜಣ್ಣ ಯಾರ ವಾಯ್ಸ್‌ಗೂ ಕಿವಿಕೊಡದೆ ಫೈನಲಿ ಬಾಲ್ ಹಾಕಿದರು. ಈ ಬಾಲ್‌ನಿಂದ ಮಿನುಗು ತಾರೆ ತಂಡ ಮೂರು ಬಾಲ್‌ಗಳನ್ನು ಹಾಕಿ ಗೇಮ್ ಗೆದ್ದಿದ್ದಾರೆ.