BBK9: ಆರ್ಯವರ್ಧನ್‌ಗೆ ನೀವೂ ಯಾವತ್ತೂ ನನ್ನ ತಂದೆಯಾಗಲೂ ಸಾಧ್ಯವಿಲ್ಲ ಎಂದಿದ್ದೇಕೆ ದಿವ್ಯಾ?

ಒಂದು ಕಡೆ ಗುರೂಜಿ.. ಮತ್ತೊಂದು ಕಡೆ ರಾಜಣ್ಣ..!

ಆರ್ಯವರ್ಧನ್ ಗುರೂಜಿ ಮನೆಯಲ್ಲಿ ಎಲ್ಲರಿಂದಲೂ ಭೇಷ್ ಎನಿಸಿಕೊಳ್ಳುವುದಕ್ಕೆ ಪ್ರಯತ್ನ ಮಾಡುತ್ತಾರೆ. ಅದರಲ್ಲೂ ನಾಮಿನೇಷನ್ ದಿನವಂತು ಕೇಳುವ ಹಾಗೆಯೇ ಇಲ್ಲ. ಇನ್ನೆಲ್ಲಿ ನಾಮಿನೇಷನ್ ಮಾಡಿ ಬಿಡುತ್ತಾರೋ ಅಂತ ಮನೆ ಮಂದಿಗೆಲ್ಲ ಫೇವರ್ ಆಗಿರುವುದಕ್ಕೆ ಟ್ರೈ ಮಾಡುವುದು ಅಲ್ಲದೆ, ಕೇಳಿದ್ದೆಲ್ಲವನ್ನೂ ಮಾಡಿಕೊಡುವುದಕ್ಕೆ ಟ್ರೈ ಮಾಡುತ್ತಾರೆ. ಯಾರ ಜೊತೆ ಹೇಗಿರಬೇಕು ಎಂದು ತಿಳಿದಿರುವ ಆರ್ಯವರ್ಧನ್ ಇದೀಗ ಏಕಪಾತ್ರಾಭಿನಯ ಮಾಡಿ, ರಾಜಣ್ಣನ ಬಗ್ಗೆ ತಿಳಿಸಿ ಕೊಡುತ್ತಿದ್ದಾರೆ.

ರಾಜಣ್ಣನ ಬಗ್ಗೆ ಅದ್ಭುತವಾಗಿ ನಟಿಸಿದ ಗುರೂಜಿ

ರೂಪೇಶ್ ಶೆಟ್ಟಿಯನ್ನು ಕೂರಿಸಿಕೊಂಡು ರಾಜಣ್ಣ ಮಾಡುವ ಅವಾಂತರಗಳನ್ನು ಗುರೂಜಿ ತಿಳಿಸಿದ್ದಾರೆ. "ರಾಜಣ್ಣ ಧಗಧಗನೇ ಬರುತ್ತಾರೆ. ಆರ್ಯವರ್ಧನ್ ನಾನೊಂದು ಹೇಳುತ್ತೀನಿ ಕೇಳು. ಆಗ ನಾನು ಆಮೇಲೆ ಹೇಳಿ ಎನ್ನುತ್ತೇನೆ. ಅದಕ್ಕೆ ರಾಜಣ್ಣ, ಆರ್ಯವರ್ಧನ್ ಈಗಲೇ ಕೇಳಿ ಎನ್ನುತ್ತಾರೆ. ಎಲ್ಲದನ್ನು ಮರೆತು ಇರೋಣಾ ಎಂದಾಗ ನೀನೆ ಮಾತಾಡಿದ್ದೀಯಾ ಆರ್ಯವರ್ಧನ್ ಇಂಥದ್ದನ್ನೇ ಮಾತನಾಡುವುದಕ್ಕೆ ನೀನು ಬರ್ತಾ ಇದ್ದೀಯಾ. ನಿಂಗೆ ಕಾಲಿಗೆ ಬೀಳುತ್ತೀನಿ ಬಿಡು ಮಾರಾಯ ಎಂದರು ಬಿಡುವುದಿಲ್ಲ. ಏನು ಗೊತ್ತಿಲ್ಲದಂತೆ ಮಗು ಬಿದ್ದು, ಹೊರಳಾಡಿಕೊಂಡು, ಹೆಂಗೆಗೋ ಆಡಿದಾಗ ಬೇಕಿತ್ತಾ ಆರ್ಯವರ್ಧನ್ ಇದು ನಿಂಗೆ ಎನಿಸುತ್ತದೆ. ನೋಡುಗರ ಕಣ್ಣಿಗೆ ಇಲ್ಲಿ ಏನೇನೋ ನಡೆಯುತ್ತಿದೆ ಎನಿಸಬಹುದು. ಆದರೆ, ಅದೆಲ್ಲ ಏನು ಇರಲ್ಲ" ಎಂದು ಕ್ಲಾರಿಟಿ ಕೊಟ್ಟಿದ್ದಾರೆ.

ಅರುಣ್ ಸಾಗರ್ ಹಾದಿ ಹಿಡಿದ ಆರ್ಯವರ್ಧನ್

ಈ ಮನೆಗೆ ಬಂದಾಗಿನಿಂದ ಅರುಣ್ ಸಾಗರ್ ತಮ್ಮದೇ ಆದ ಸ್ಟೈಲ್‌ನಲ್ಲಿ ಎಲ್ಲರನ್ನು ರಂಜಿಸುತ್ತಾ ಬಂದಿದ್ದಾರೆ. ಜೋಕರ್ ಪಾತ್ರದಲ್ಲಿ ಹೆಚ್ಚು ಕಾಣಿಸಿಕೊಂಡಿದ್ದಾರೆ. ಇವತ್ತು ಕೂಡ ಜೋಕರ್ ರೀತಿಯೇ ನಟಿಸುತ್ತಿದ್ದಾರೆ. ಅವರ ವೇಷ-ಭೂಷಣಗಳೆಲ್ಲಾ ಜೋಕರ್ ರೀತಿಯೇ ಇದೆ. ಇದೀಗ ಆರ್ಯವರ್ಧನ್ ಕೂಡ ಅರುಣ್ ಸಾಗರ್ ದಾರಿ ಹಿಡಿದಿದ್ದು, ಜೋಕರ್ ರೀತಿ ಮೇಕಪ್ ಮಾಡಿಸಿಕೊಳ್ಳುತ್ತಿದ್ದಾರೆ.

ಅಪ್ಪ ಮಗಳ ವಿಚಾರಕ್ಕೆ ದಿವ್ಯಾ ಹೇಳಿದ್ದೇನು

ಗುರೂಜಿಗೆ ಜೋಕರ್ ರೀತಿಯಲ್ಲಿ ದಿವ್ಯಾ ಬಣ್ಣ ಹಚ್ಚುತ್ತಾ , ತಂದೆ ಮಗಳ ಸಂಬಂಧದ ಬಗ್ಗೆ ತಿಳಿಸಿ ಹೇಳಿದ್ದಾರೆ. "ನಿಮ್ಮನ್ನ ಅಪ್ಪನ ಥರ ನೋಡಿದ್ರೆ, ಅಪ್ಪ ಅಂತ ಒಪ್ಪಿಕೊಂಡರೆ, ಏನನ್ನು ಹೇಳುವುದಕ್ಕೆ ಆಗಲ್ಲ. ನಿಮ್ಮ ಮಗಳ ಸ್ಥಾನದಲ್ಲಿ ನಾನಿರೋದಕ್ಕೆ ಆಗಲ್ಲ. ನಮ್ಮ ಅಪ್ಪನ ಸ್ಥಾನ ನೀವೂ ತುಂಬೋದಕ್ಕೆ ಆಗಲ್ಲ. ನಮ್ಮ ಅಪ್ಪ ಆಗಿದ್ರೆ, ಆ ರೀತಿ ನನ್ನನ್ನು ಹೊರಗೆ ಕಳುಹಿಸುತ್ತಾರಾ ಹೇಳಿ ಅಂತ ಅರ್ಥ ಮಾಡಿಸುತ್ತಿದ್ರು." ಎಂದು ದಿವ್ಯಾ ಹೇಳಿದ್ದಾರೆ.