BBK9 : ರೂಪೇಶ್ ಶೆಟ್ಟಿಗೆ ಮುಜುಗರವನ್ನುಂಟು ಮಾಡಿದ ಸಾನ್ಯಾ ನಡೆ : ರಾಜಣ್ಣ, ಆರ್ಯವರ್ಧನ್ ನೋಡಿ ಶಾಕ್!

ರೂಪೇಶ್ ಶೆಟ್ಟಿಗಾಗಿ ಹಾಡು ಬರೆದ ಸಾನ್ಯಾ

ಹಾಡು ಎಂಬ ಕಲೆ ಪ್ರಾಕ್ಟೀಸ್ ಇದ್ದಾಗ ಸುಲಲಲಿತವಾಗಿ ಮೂಡಿ ಬರುತ್ತೆ. ಅದೇ ಪ್ರಾಕ್ಟೀಸ್ ಇಲ್ಲದೆ ಹೋದರೆ ಗಂಟಲು ಕಟ್ಟಿ ಸ್ವರ ಅಲ್ಲಿಯೇ ಉಳಿದು ಬಿಡುತ್ತದೆ. ಪಾಪ ಸಾನ್ಯಾ, ರೂಪೇಶ್ ಶೆಟ್ಟಿಗಾಗಿ ಒಂದು ಹಾಡನ್ನು ಬರೆದಿದ್ದರು. ಅದು 'ಪ್ರೀತಿ ವರವಾಗುವುದೇ' ಹಾಡು. ಈ ಹಾಡು ಹಾಡುವಾಗ ಸಾನ್ಯಾ ಮುಖದಲ್ಲಿದ್ದ ನಾಚಿಕೆ, ಎಕ್ಸೈಟ್‌ಮೆಂಟ್ ಎಲ್ಲರಿಗೂ ಕಾಣಿಸುತ್ತಾ ಇತ್ತು. ಆದರೆ ಅದೃಷ್ಟವಶಾತ್ ಹಾಡು ಹಾಡುವಾಗ ಗಂಟಲಲ್ಲಿ ಕಿಚ್ ಕಿಚ್ ಉಂಟಾಗಿದೆ. ಹಾಡು ಒಂದೇ ಸಾಲಿಗೆ ನಿಂತು ಹೋಗಿದೆ.

ಬೇಸರ ಮಾಡಿಕೊಂಡು ಕೂತ ಸಾನ್ಯ

ಸಾನ್ಯಾ ಇತ್ತಿಚೆಗೆ ಸ್ವಲ್ಪ ಇರಿಟೇಟ್ ಪರ್ಸನಾಲಿಟಿ ತೋರಿಸುತ್ತಾ ಇದ್ದಾರೆ. ಕೇಳಿದ್ದೆ ಕೇಳುವುದು, ಹೇಳಿದ್ದೆ ಹೇಳುವುದು. ಈಗ ಹಾಡು ಹಾಡುವುದಕ್ಕೆ ಹೋಗಿ ಅರ್ಧಕ್ಕೆ ನಿಂತಿದೆ. ಯಾರಿಗೂ ಇದು ದೊಡ್ಡ ತಪ್ಪು ಎನಿಸಿಲ್ಲ. ಫಸ್ಟ ಆಫ್ ಆಲ್ ಯಾರಿಗಾಗಿ ಹಾಡಿದ್ದರೋ ಅವರೇ ಅಂದರೆ ರೂಪೇಶ್ ಶೆಟ್ಟಿಯೇ ಸಮಾಧಾನವಾಗಿದ್ದಾರೆ. ಆದ್ರೆ ಸಾನ್ಯಾ, ತನ್ನ ಪ್ರೀತಿಯೇ ಮುಳುಗಿ ಹೋಯಿತೋ ಏನೋ ಎಂಬಂತೆ ಕೋಪ ಮಾಡಿಕೊಂಡು ಕೂತಿದ್ದಾರೆ. ಸಮಾಧಾನ ಮಾಡಲು ಬಂದ ರೂಪೇಶ್‌ಗೆ ನಿಂಗೆ ಏನು ಗೊತ್ತು ಎಂದಿದ್ದಾರೆ.

ರೂಪೇಶ್ ಮಾತಿಗೆ ಕೆಂಡಕಾರಿದ ಸಾನ್ಯಾ

ಸಾನ್ಯಾ ತನ್ನ ಬೆಸ್ಟ್ ಫ್ರೆಂಡ್ ಎಂದೇ ರೂಪೇಶ್ ಶೆಟ್ಟಿ ಭಾವಿಸಿದ್ದಾರೆ. ಅದೇ ಕಾರಣಕ್ಕೆ ಸಾನ್ಯಾ ಜೊತೆಗೆ ಹೆಚ್ಚು ಸಮಯ ಕಳೆಯುತ್ತಾರೆ. ಸಾನ್ಯಾಗೆ ಬೇಜಾರು ಆಗದ ರೀತಿಯಲ್ಲಿ ನೋಡಿಕೊಳ್ಳುತ್ತಾರೆ, ನಡೆದುಕೊಳ್ಳುತ್ತಾರೆ. ಸಾನ್ಯಾ ಏರು ಧ್ವನಿಯಲ್ಲಿ ಮಾತನಾಡಿದರೂ ರೂಪೇಶ್ ಶೆಟ್ಟಿ ಮಾತ್ರ ಸಮಾಧಾನವಾಗಿಯೇ ಮಾತನಾಡುತ್ತಾರೆ. ಅದೇ ರೀತಿ ಹಾಡು ಹಾಡುವುದಕ್ಕೆ ಬರಲಿಲ್ಲ ಎಂಬ ಕಾರಣಕ್ಕೆ ಸಾನ್ಯಾ ಬೇಸರ ಮಾಡಿಕೊಳ್ಳಬಾರದು ಎಂದು ರೂಪೇಶ್ ಶೆಟ್ಟಿ ಅಡುಗೆ ಮನೆಯಲ್ಲಿದ್ದ ಸಾನ್ಯಾಳನ್ನು ಸಂತೈಸಲು ಬಂದಿದ್ದಾರೆ. ಆದ್ರೆ ಅಲ್ಲಿಯೂ ಸಾನ್ಯಾ ರೊಚ್ಚಿಗೆದ್ದೆ ಮಾತನಾಡಿದ್ದಾರೆ.

ರೂಪೇಶ್ ಶೆಟ್ಟಿಗೆ ಮುಖಭಂಗ

ರೂಪೇಶ್ ರಾಜಣ್ಣ, ಆರ್ಯವರ್ಧನ್, ಸಾನ್ಯಾ ಅಡುಗೆ ಮನೆಯಲ್ಲಿದ್ದರು. ಆಗ ರಾಜಣ್ಣ ಹಾಡು ಸೂಪರ್ ಆಗಿತ್ತು ಎಂದಿದ್ದಾರೆ. ಅದಕ್ಕೆ ಸಾನ್ಯಾ ನಂಗೆ ಸಮಾಧಾನ ಆಗುವ ತನಕ ಬಾಕಿ ಇದೆ ಎಂದು ಅಳುವ ಧ್ವನಿಯಲ್ಲಿ ಹೇಳಿದ್ದಾರೆ. ಅದೇ ಸಮಯಕ್ಕೆ ಬಂದ ರೂಪೇಶ್ ಶೆಟ್ಟಿ, ಚೆನ್ನಾಗ್ ಹಾಡಿದ್ದೀಯ ಅಂತ ಹೇಳ್ತಾ ಇದ್ದೀನಿ ತಾನೇ. ಇನ್ನೊಂದ್ ಸಲ ಹಾಡು ಎಂದಾಗ ಹಾಡಬೇಕು. ಸಂಜೆ ಶುರು ಮಾಡಿಕೊಂಡಿರುವುದು. ಇರಿಟೇಟ್ ಮಾಡಿದ್ದಾಳೆ ಎಂದಿದ್ದೆ ತಡ ಸಾನ್ಯಾ ರೊಚ್ಚಿಗೆದ್ದು ಕೈಯಲ್ಲಿದ್ದ ಲೋಟವನ್ನು ಎಸೆದು ಎಲ್ಲರೂ ನೋಡುವಂತೆ ಸೀನ್ ಕ್ರಿಯೇಟ್ ಮಾಡಿದ್ದಾರೆ.