Bigg Boss Kannada OTT: ಆಯ್ತು ಬಿಡಿ ನಂಬುತ್ತೀವಿ : ನಂದಿನಿ ಗಾಬರಿಗೆ ಬಿಗ್ ಬಾಸ್ ರಿಯಾಕ್ಷನ್!

ನಂದುಗೆ ಸಾಂಗ್ ಹಾಕಿದ ಬಿಗ್ ಬಾಸ್

ವರ್ಸ್ಟ್ ಪರ್ಫಾಮೆನ್ಸ್ ಕೊಟ್ಟವರಿಗೆ ಜೈಲಿಗೆ ಕಳುಹಿಸಲಾಗುತ್ತದೆ. ಜೈಲಿನ ಮುಂಭಾಗ ಸೋಫಾ ಹಾಕಲಾಗಿರುತ್ತದೆ. ಆ ಸೋಫಾದಲ್ಲಿ ಜೈಲಿನ ಒಳಗಿರುವವರಿಗೆ ಬೇಸರವಾಗದಂತೆ ನೋಡಿಕೊಳ್ಳಲು ಸೋಫಾ ಮೇಲೆ ಕುಳಿತ ಉಳಿದ ಸದಸ್ಯರು ಮಾತುಕತೆಯಲ್ಲಿ ತೊಡಗುತ್ತಾರೆ. ಹೀಗೆ ಜಶ್ವಂತ್‌ಗೆ ಬೇಸರವಾಗಬಾರದು ಎಂದುಕೊಂಡ ನಂದಿನಿ ಅವನ ಜೊತೆ ಮಾತನಾಡುತ್ತಾ ಕುಳಿತಿದ್ದರು. ಆದರೆ ಹಾಗೇ ನಿದ್ದೆಗೆ ಜಾರಿ ಬಿಟ್ಟಿದ್ದಾರೆ.

ನಂದು ಶಾಕ್ ಆಗಿದ್ದು ಯಾಕೆ?

ಬಿಗ್ ಬಾಸ್ ಮನೆಯಲ್ಲಿ ಯಾರಾದರೂ ಮಲಗಿದರೆ ಅವರನ್ನು ಎಬ್ಬಿಸುವುದು ಬಿಗ್ ಬಾಸ್. ಮನೆಯಲ್ಲಿಯೇ ಇರುವ ಕಾರಣ ನಿದ್ದೆಗೆ ಜಾರುವುದು ಸಾಮಾನ್ಯ. ಅದರಂತೆ ನಂದಿನಿ ಕೂಡ ಒಂದು ಕ್ಷಣ ಕಣ್ಣು ಮುಚ್ಚಿದ್ದಾಳೆ. ಆದರೆ ತಕ್ಷಣ ಬಂದ ಬಿಗ್ ಬಾಸ್ ಧ್ವನಿಗೆ ಬೆಚ್ಚಿಬಿದ್ದಿದ್ದಾಳೆ. ನಾನಲ್ಲ ನಾನಲ್ಲ ಎಂದಿದ್ದಾಳೆ. ಈ ಪ್ರೋಮೋ ಒಂದನ್ನು ಸೋಶಿಯಲ್ ಮೀಡಿಯಾದಲ್ಲಿ ಅಪ್ ಮಾಡಲಾಗಿದ್ದು, ಆಯ್ತು ಬಿಡಿ ನಂಬೋಣಾ ಎಂದು ಕ್ಯಾಪ್ಶನ್ ಹಾಕಲಾಗಿದೆ.

ಜಶ್ವಂತ್ ವಿರುದ್ಧ ಜಯಶ್ರೀ ಹೇಳಿದ್ದೇನು?

ಈ ವಾರ ಜಶ್ವಂತ್ ಗೆ ಕಳಪೆ ಬೋರ್ಡ್ ನೀಡಲಾಗಿದೆ. ಈ ವೇಳೆ ಮನೆಯವರೆಲ್ಲಾ ಕಳಪೆ ಬೋರ್ಡ್ ನೀಡುವುದರ ಜೊತೆಗೆ ಕಾರಣವನ್ನು ಹೇಳಬೇಕಾಗುತ್ತದೆ. ಆದರೆ ಜಶ್ವಂತ್ ಇದನ್ನು ಒಪ್ಪಿಕೊಳ್ಳುವುದಕ್ಕೆ ರೆಡಿ ಇಲ್ಲ. ಹೀಗಾಗಿ ಜಯಶ್ರೀ ಅದನ್ನು ವಿರೋಧಿಸಿದ್ದಾಳೆ‌. ಹೇಗೆ ಗೆಲುವನ್ನು ರಿಸೀವ್ ಮಾಡಿಕೊಳ್ತೀವಿ ಹಾಗೇ ಸೋಲನ್ನು ರಿಸೀವ್ ಮಾಡಿಕೊಳ್ಳಬೇಕು. ನೀನು ಈಗ ಕೇವಲ ಗೆಲುವು ಬೇಕು ಎಂಬುದನ್ನಷ್ಟೇ ಹೇಳುತ್ತಿದ್ದೀಯಾ ಎಂದು ಜಯಶ್ರೀ ವಾದ ಮಾಡಿದ್ದಾಳೆ. ಜಶ್ವಂತ್ ಮಾತನಾಡಲು ಹೋದಾಗಲೂ ಬಿಡದೆ ಜಯಶ್ರೀ ತನ್ನ ಸಮರ್ಥನೆ ನೀಡಿದ್ದಾಳೆ.

ಓವರ್ ಕಾನ್ಫಿಡೆನ್ಸ್ ಜಾಸ್ತಿ ಆಯ್ತಾ?

ಜಶ್ವಂತ್ ಮನೆಗೆ ಬಂದಾಗಿನಿಂದ ಚೆನ್ನಾಗಿ ಆಡುತ್ತಿದ್ದ. ಮನೆಯವರು ಕೂಡ ಅದನ್ನೇ ಹೇಳುತ್ತಿದ್ದರು. ಆದರೆ ಈ ವಾರ ಜಶ್ವಂತ್ ಯಾವ ಆಟವನ್ನು ಸರಿಯಾಗಿ ಆಡಿಲ್ಲ. ಒಂದೆರಡು ಆಟದಲ್ಲಿ ಸೋಲು ಕಂಡಿದ್ದರೆ, ಇನ್ನೊಂದೆರಡು ಆಟದಲ್ಲಿ ನಿಯಮ ಮೀರಿದ್ದಾರೆ. ಇದು ಓವರ್ ಕಾನ್ಫಿಡೆನ್ಸ್ ಏನಾದರೂ ಹೆಚ್ಚಾಯ್ತಾ ಎಂಬ ಚರ್ಚೆಗಳು ನಡೆಯುತ್ತಿವೆ. ಜೊತೆಗೆ ಇತ್ತೀಚೆಗೆ ನಂದು ಹಾಗೂ ಜಶ್ವಂತ್ ನಡುವೆ ರಾಮಾಯಣವೇ ನಡೆಯುತ್ತಿದೆ. ಇದರ ನಡುವೆ ಜಶ್ವಂತ್ ಕಳಪೆ ಪರ್ಫಾಮರ್ ಆಗಿದ್ದು, ವೀಕ್ಷಕರ ತಲೆಗೆ ಹುಳ ಬಿಟ್ಟಂತಾಗಿದೆ.