ರಣರಂಗದ ನಡುವೆಯೂ ಬಿಗ್ ಮನೆಯಲ್ಲಿ ಸದ್ದು ಮಾಡಿದ ಕಿಶನ್ ಕಿಸ್ಸಿಂಗ್ ದೃಶ್ಯ

ಕಿಚನ್ ನಲ್ಲಿ ಏನಾಯಿತು?

ರಣರಂಗ ಟಾಸ್ಕ್ ನಲ್ಲಿ ಸ್ಪರ್ಧಿಗಳ ನಡುವೆ ಸಮರವೆ ನಡೆದಿತ್ತು. ಎಲ್ಲರು ಟಾಸ್ಕ್ ಮಾಡಿ ಸುಸ್ತಾಗಿದ್ದರು. ಟಾಸ್ಕ್ ಮುಗಿಸಿ ಊಟಕ್ಕೆ ಹೊರಟ ಸ್ಪರ್ಧಿಗಳು ಕಿಚನ್ ಏರಿಯಾದಲ್ಲಿ ಕುಳಿತು ಎಲ್ಲರೂ ಟಾಸ್ಕ್ ಬಗ್ಗೆ ಮಾತನಾಡುತ್ತಿದ್ದರು. ಟಾಸ್ಕ್ ನಲ್ಲಿ ಏನಾಯಿತು? ಯಾರು ಹೇಗೆ ಆಟವಾಡಿದರು? ಎನ್ನುವ ಚರ್ಚೆ ಎಲ್ಲರ ಮಧ್ಯೆ ನಡೆಯುತ್ತಿತ್ತು. ಈ ಚರ್ಚೆಯಲ್ಲಿ ಕಿಶನ್ ಮತ್ತು ಚಂದನಾ ಕೂಡ ಭಾಗಿಯಾಗಿದ್ದರು.

ಗ್ಯಾಪ್ ನಲ್ಲಿ ಚಂದನಾಗೆ ಕಿಸ್ ಕೊಟ್ಟ ಕಿಶನ್

ಎಲ್ಲಾ ಸ್ಪರ್ಧಿಗಳು ಟಾಸ್ಕ್ ಬಗ್ಗೆ ಮಾತನಾಡುವುದರಲ್ಲಿ ತಲ್ಲೀನರಾಗಿದ್ದರು. ಕಿಶನ್ ಕೂಡ ಟಾಸ್ಕ್ ಬಗ್ಗೆ ಮಾತನಾಡುತ್ತಿದ್ದರು. ಆದರೆ ಅದೇನಾಯಿತೊ ಏನೋ ಕಿಶನ್ ಕೂತ ಜಾಗದಿಂದ್ದ ಸೈಲೆಂಟ್ ಆಗಿ ಎದ್ದು ಬಂದು ಚಂದನಾರನ್ನು ತಬ್ಬಿಕೊಂಡರು. ಹಗ್ ಮಾಡಿ ನಂತರ ಚಂದನಾ ಕೆನ್ನೆಗೆ ಕಿಸ್ ಮಾಡಿಯೆ ಬಿಟ್ಟರು. ಕಿಶನ್ ಕೊಟ್ಟ ಮುತ್ತಿಗೆ ಶಾಕ್ ಆದ ಚಂದನಾ ಕೂಗುತ್ತ ಕಿಶನ್ ರನ್ನು ಓಡಿಸಿಕೊಂಡು ಹೋದರು. ಚಂದನಾ ಕೂಗಿ ಓಡಿಸಿಕೊಂಡು ಹೋಗಿದ್ದು ನೋಡಿ ಉಳಿದ ಸ್ಪರ್ಧಿಗಳು ಏನಾಯಿತು ಅಂತ ಕೇಳಿದರು. ಮನೆಯ ಕ್ಯಾಪ್ಟನ್ ಆಗಿರುವ ಹರೀಶ್ ರಾಜ್, ಕಿಶನ್ ಚಂದನಾಗೆ ಪ್ರೀತಿಯಿಂದ ಕಿಸ್ ಕೊಟ್ಟರು ಎಂದು ವಿವರಿಸಿದರು. ಈ ಕಿಸ್ಸಿನ ವಿಚಾರವೀಗ ಮನೆಯಲ್ಲಿ ಹೊಸ ಚರ್ಚೆಗೆ ಕಾರಣವಾಗಿದೆ.

ಬೆಂಕಿ ಬಿದ್ದ ಮೇಲೆ ಅಕ್ಷರಶಃ 'ರಣರಂಗ'ವಾದ ಬಿಗ್ ಬಾಸ್ ಮನೆ.!

ಟ್ರಯಾಂಗಲ್ ಲವ್ ಸ್ಟೋರಿ

ಚಂದನಾಗೆ ಕಿಶನ್ ಕಾಳು ಹಾಕುತ್ತಿದ್ದಾರೆ ಎನ್ನುವುದು ಎಲ್ಲರಿಗೂ ಗೊತ್ತಾಗಿದೆ. ಯಾಕಂದ್ರೆ ಕಿಚ್ಚ ಸುದೀಪ್ ಮುಂದೆಯೆ ಬಹಿರಂಗವಾಗಿಯೆ ಹೇಳಿದ್ದಾರೆ. ನಾನು ಟ್ರೈ ಮಾಡುತ್ತಿದ್ದೀನಿ, ಆದರೆ ಸ್ವಯಂವರ ಟಾಸ್ಕ್ ಯಿಂದ ಎಲ್ಲಾ ಹಾಳಾಯಿತು ಎಂದು ಹೇಳಿದ್ದಾರೆ. ಚಂದನಾ ಮತ್ತು ಶೈನ್ ನಡುವೆ ಏನೋ ಇದೆ ಎನ್ನುವ ಅನುಮಾನ ವೀಕ್ಷಕರಲ್ಲಿ ಕಾಡುತ್ತಿತ್ತು. ಚಂದನಾ ಮತ್ತು ಶೈನ್ ಯಾವಾಗಲು ಒಟ್ಟಿಗೆ ಇರುತ್ತಾರೆ. ಇವರ ನಡುವೆ ಈಗ ಕಿಶನ್ ಚಂದನಾಗೆ ಕಾಳ್ ಹಾಕುತ್ತ ಅವರ ಗುಂಪಿಗೆ ಎಂಟ್ರಿ ಕೊಡುತ್ತಿದ್ದಾರೆ.

ಚೈತ್ರ ಕೋಟೂರು ಅಂದು 'ಆ' ನಿರ್ಧಾರ ಮಾಡಿದ್ರೆ, ಇಂದು ಈ ರೀತಿ ಇರ್ತಿರ್ಲಿಲ್ಲ.!

ವೈರಲ್ ಆಗಿದೆ ಕಿಶನ್ ಕಿಸ್ಸಿಂಗ್ ಸೀನ್

ಬಿಗ್ ಮನೆಯಲ್ಲಿ ಜೋಡಿಹಕ್ಕಿಗಳು, ಲವ್ ಸ್ಟೋರಿ ಎಲ್ಲಾ ಸಾಮಾನ್ಯ. ಎಲ್ಲಾ ಸೀಸನ್ ನಲ್ಲಿಯೂ ಲವ್ ಸ್ಟೋರಿ ಇದ್ದೇ ಇರುತ್ತೆ. ಈ ಬಾರಿ ಕೂಡ ಶೈನ್, ಚಂದನಾ ಮತ್ತು ಕಿಶನ್ ನಡುವೆ ಟ್ರಯಾಂಗಲ್ ಲವ್ ಸ್ಟೋರಿ ನಡೆಯುತ್ತಿದೆ ಎನ್ನುವ ಮಾತುಗಳು ಕೇಳಿಬರುತ್ತಿದೆ. ಇದರ ನಡುವೆ ಈಗ ಕಿಶನ್ ಕೊಟ್ಟ ಮುತ್ತಿನ ವಿಚಾರ ಮನೆಯಲ್ಲಿ ಮತ್ತಷ್ಟು ಚರ್ಚೆಗೆ ಕಾರಣವಾಗಲಿದೆ. ಚಂದನಾ ಮತ್ತು ಕಿಶನ್ ಮುತ್ತಿನ ದೃಶ್ಯ ಸಿಕ್ಕಾಪಟ್ಟೆ ವೈರಲ್ ಆಗಿದೆ.