BBK 9: ಸ್ಯಾಂಡ್‌ವಿಚ್ ವಿಚಾರಕ್ಕೆ ರೊಚ್ಚಿಗೆದ್ದ ಪ್ರಶಾಂತ್ ಸಂಬರ್ಗಿ: ನೆಟ್ಟಿಗರು ಹೊಗಳಿದ್ದೇಕೆ?

ಸ್ಯಾಂಡ್‌ವಿಚ್ ವಿಚಾರಕ್ಕೆ ದೊಡ್ಡ ಜಗಳ

ಬಿಗ್ ಬಾಸ್ ನೋಡೋದಕ್ಕೆ, ಕೇಳೋದಕ್ಕೆ ಸುಲಭ ಎನಿಸುವಂತಹ ಗೇಮ್‌ಗಳನ್ನೇ ನೀಡುತ್ತೆ. ಒಂಬತ್ತು ಸೀಸನ್‌ನಲ್ಲಿಯೂ ಯಾವ ಗೇಮ್ ಕೂಡ ರಿಪೀಟ್ ಆಗುವುದಿಲ್ಲ. ಜೊತೆಗೆ ವಾವ್ ಇಂಥದ್ದು ಒಂದು ಗೇಮ್ ಇದೆಯಲ್ಲ ಎನಿಸಬೇಕು ಆ ರೀತಿಯ ಗೇಮ್‌ಗಳನ್ನೇ ನೀಡುತ್ತದೆ. ಇದೀಗ ಮನೆ ಮಂದಿಗೆಲ್ಲಾ ಸ್ಯಾಂಡ್‌ವಿಚ್ ಗೇಮ್ ನೀಡಿದೆ. ಈ ಗೇಮ್‌ನಿಂದಾಗಿಯೇ ಮನೆ ಮಂದಿಗೆಲ್ಲಾ ಜೋರು ಜಗಳ ಹತ್ತಿಕೊಂಡಿದೆ.

ಹೊಸ ರೀತಿಯ ಗೇಮ್ ನೀಡಿದ ಬಿಗ್ ಬಾಸ್

ಸ್ಯಾಂಡ್‌ವಿಚ್ ಮಾಡುವುದು ಸುಲಭ ಎಂಬುದು ಎಲ್ಲರಿಗೂ ಗೊತ್ತು. ಅದನ್ನು ಮಾಡುವ ರೀತಿಯಲ್ಲಿಯೇ ಮಾಡುವುದಕ್ಕೆ ಬಿಟ್ಟು ಬಿಟ್ಟರೆ ಪಟಾಪಟ್ ಅಂತ ಮಾಡಿ, ಆಟ ಮುಗಿಸಿ ಬಿಡುತ್ತಾರೆ. ‌ಆದರೆ ಬಿಗ್ ಬಾಸ್ ಸ್ಯಾಂಡ್‌ವಿಚ್ ಮಾಡುವುದಕ್ಕೆ ನೀಡಿದ ಟಾಸ್ಕ್ ಬೇರೆ ರೀತಿಯಾಗಿಯೇ ಇತ್ತು. ಆಡುವ ಸದಸ್ಯರು ಜಿಮ್ ಸೈಕಲ್ ತುಳಿಯುತ್ತಾ ಸ್ಯಾಂಡ್‌ವಿಚ್ ತಯಾರಿಸಬೇಕು. ಅದರ ಜೊತೆಗೆ ಎರಡೇ ಈರುಳ್ಳಿ ಸ್ಲೈಸ್, ಎರಡೇ ಟೊಮ್ಯಾಟೊ ಹಾಕಬೇಕಿತ್ತು. ಇದೇ ವಿಚಾರಕ್ಕೆ ಜಗಳ ತಾರಕಕ್ಕೇರಿತ್ತು.

ಮಾತಿಗೆ ಮಾತು ಬೆಳೆಸಿದ ಸಂಬರ್ಗಿ

ಈ ವಾರದ ಕ್ಯಾಪ್ಟನ್ಸಿಯಲ್ಲಿ ವಿನೋದ್ ಗೊಬ್ಬರಗಾಲ ಇದ್ದಾರೆ. ಸ್ಯಾಂಡ್‌ವಿಚ್ ಮಾಡುವ ಆಟದಲ್ಲಿ ಸಂಬರ್ಗಿ, ದೀಪಿಕಾ ದಾಸ್, ಅನುಪಮಾ, ನೇಹಾ ಆಡಿದ್ದರು. ಈ ವೇಳೆ ದೀಪಿಕಾ ದಾಸ್ ಸ್ಯಾಂಡ್‌ವಿಚ್‌ಗೆ ಹಾಕುವ ತರಕಾರಿಯನ್ನು ಕಟ್ ಮಾಡುವ ರೀತಿ ಸರಿಯಾಗಿ ಇರಲಿಲ್ಲ. ಹೀಗಾಗಿ ಆ ಸ್ಯಾಂಡ್‌ವಿಚ್ ಅನ್ನು ಕೌಂಟ್ ತೆಗೆದುಕೊಳ್ಳಲು ಸಾಧ್ಯವಾಗಿರಲಿಲ್ಲ. ಮೊದಲು ಒಂದು ರೀತಿಯಲ್ಲಿ ಮಾತನಾಡಿದ ಗೊಬ್ಬರಗಾಲ, ಬಳಿಕ ಮತ್ತೊಂದು ರೀತಿಯಲ್ಲಿ ತೀರ್ಮಾನ ತೆಗೆದುಕೊಂಡಿದ್ದು, ಸ್ಪರ್ಧಿಗಳಲ್ಲಿಯೇ ಮನ:ಸ್ತಾಪಕ್ಕೆ ಕಾರಣವಾಯಿತು. ಇದೇ ವೇಳೆ ಸಂಬರ್ಗಿ ತನ್ನ ಮಾತು ಜೋರು ಮಾಡಿದರು. ಗೊಬ್ಬರಗಾಲಗೆ ನೀನು ಮೋಸ ಮಾಡಿದ್ದೀಯಾ. ನಿಂಗೆ ಎರಡು ಆತ್ಮಸಾಕ್ಷಿ ಇದೆ ಎಂದು ಕಿರುಚಾಡಿದ್ದಾರೆ.

ಸಂಬರ್ಗಿಗೆ ಜೈ ಎಂದ ಸೋಶಿಯಲ್ ಮೀಡಿಯಾ

ಪ್ರಶಾಂತ್ ಸಂಬರ್ಗಿ ಬಿಗ್ ಬಾಸ್ ಮನೆಯೊಳಗೆ ಎಂಟ್ರಿ ಕೊಡುತ್ತಿರುವುದು ಇದು ಎರಡನೇ ಸಲ. ಈ ಹಿಂದೆ ಬಿಗ್ ಬಾಸ್ ಮನೆಯಲ್ಲಿ ಚಂದ್ರಚೂಡ ಜೊತೆ ಇದ್ದ ಸಂಬರ್ಗಿ ಆಟದ ಸ್ಟಾಟರ್ಜಿ ಬಗ್ಗೆ ಚೆನ್ನಾಗಿಯೇ ಅರಿತಿದ್ದಾರೆ. ಇದೀಗ ಈ ಬಾರಿ ಬೇರೆ ರೀತಿಯಲ್ಲಿಯೇ ಗೇಮ್ ಆಡುತ್ತಿದ್ದಾರೆ. ಸಂಬರ್ಗಿಯ ನಡವಳಿಕೆಗೆ ನೆಟ್ಟಿಗರು ಶಬ್ಬಾಶ್ ಎಂದಿದ್ದಾರೆ. ಪ್ರಶಾಂತ್ ನೇರ, ದಿಟ್ಟತನದವರು, ಪ್ರಶಾಂತ್ ಏನೇ ಜಗಳ ಮಾಡಿದರು ಬಿಗ್ ಬಾಸ್ ಮನೆಯಲ್ಲಿ ಅವರೇ ಉಳಿಯೋದು ಎಂದೆಲ್ಲಾ ಕಮೆಂಟ್ ಮಾಡಿ ಸಪೋರ್ಟ್ ಮಾಡಿದ್ದಾರೆ.