ಬಿಗ್ ಬಾಸ್ 11ನೇ ಆವೃತ್ತಿಯ ಆರಂಭ ದಿನಾಂಕ ನಿಗದಿ

ಬಾಲಿವುಡ್ ನ ಖ್ಯಾತ ರಿಯಾಲಿಟಿ ಶೋ 'ಬಿಗ್ ಬಾಸ್' 11ನೇ ಆವೃತ್ತಿ ಸಾಕಷ್ಟು ಕುತೂಹಲ ಹೆಚ್ಚಿಸಿದ್ದು, ಈಗ ಬಿಗ್ ಬಾಸ್ ಪ್ರಸಾರ ದಿನಾಂಕವೂ ಅಂತಿಮವಾಗಿದೆ.

ಈಗಾಗಲೇ 'ಬಿಗ್ ಬಾಸ್-11'ರಲ್ಲಿ ಯಾವೆಲ್ಲಾ ಸೆಲೆಬ್ರಿಟಿಗಳು ಭಾಗಿಯಾಗುತ್ತಾರೆ ಎಂಬ ಸಂಭಾವನೀಯ ಪಟ್ಟಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದ್ದು, ಕಾರ್ಯಕ್ರಮದ ಬಗ್ಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಾಗುವಂತೆ ಮಾಡಿದೆ.

ಬಿಗ್ ಬಾಸ್ ಮೂಲಗಳ ಪ್ರಕಾರ, ಬಿಗ್ ಬಾಸ್-11 ಅಕ್ಟೋಬರ್ 1ರಿಂದ ಶುರುವಾಗಲಿದೆ. ಕಲರ್ಸ್ ಈ ಕಾರ್ಯಕ್ರಮ ವಾಹಿನಿಯಲ್ಲಿ ಪ್ರಸಾರವಾಗಲಿದ್ದು, ಸೋಮವಾರದಿಂದ ಶುಕ್ರವಾರ ರಾತ್ರಿ 10-11 ಗಂಟೆಗೆ ಪ್ರಸಾರವಾಗಲಿದೆ. ಭಾನುವಾರ ರಾತ್ರಿ 9-10 ಗಂಟೆಯವರೆಗೆ ಪ್ರಸಾರವಾಗಲಿದೆ.

ಈ ಹಿಂದಿನ ಆವೃತ್ತಿಯಂತೆ ಈ ಆವೃತ್ತಿಯಲ್ಲಿ ಕೂಡ ಸೆಲೆಬ್ರಿಟಿಗಳ ಜೊತೆ ಜನಸಾಮಾನ್ಯರು ಕಾಣಿಸಿಕೊಳ್ಳಲಿದ್ದಾರೆ. ಸಲ್ಮಾನ್ ಖಾನ್ ಹಾಗೂ ಮೋನಿ ರಾಯ್ ಕಾರ್ಯಕ್ರಮದ ಟೀಸರ್ ಶೂಟ್ ಮಾಡಲಾಗಿದೆ.

ಅಂದ್ಹಾಗೆ. ಈ ಬಾರಿಯ ಬಿಗ್ ಬಾಸ್ ನಲ್ಲಿ ಶಿಲ್ಪಾ ಶಿಂಧೆ, ಅಭಿಷೇಕ್ ಮಲ್ಲಿಕ್, ಹರ್ಷ್ ಬೆನಿವಾಲ್, ಪರ್ಲ್ ವಿ ಪುರಿ, ಸನಾ ಸಯೀದ್, ಡಿಂಕ್ ಚಕ್ ಪೂಜಾ ಸೇರಿದಂತೆ ಹಲವರು ಬಿಗ್ ಬಾಸ್ ಮನೆಯಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗ್ತಿದೆ.