ಬಿಗ್ ಬಾಸ್ 14ರ ಪ್ರಸಾರ ದಿನಾಂಕ ಬಹಿರಂಗ, ಎರಡು ದಿನ ಮುಂಚೆಯೇ ಸಲ್ಲು ಶೂಟಿಂಗ್!

ಅಕ್ಟೋಬರ್ 1ಕ್ಕೆ ಸಲ್ಲು ಶೂಟ್

ಮುಂಬೈ ಮಿರರ್ ವರದಿ ಮಾಡಿರುವ ಪ್ರಕಾರ ''ಬಿಗ್ ಬಾಸ್ ಸೀಸನ್ 14 ಅಕ್ಟೋಬರ್‌ 4ರಿಂದ ಪ್ರಸಾರವಾಗಲಿದೆ. ಆದರೆ, ಮೊದಲ ದಿನ ಶೂಟಿಂಗ್ ಒಂದು ದಿನ ಮುಂಚಿತವಾಗಿಯೇ ನಡೆಯಲಿದೆ. ಸದ್ಯದ ಮಾಹಿತಿಯಂತೆ ಅಕ್ಟೋಬರ್ 1 ರಂದು ಸಲ್ಮಾನ್ ಅವರ ಭಾಗದ ಚಿತ್ರೀಕರಣ ನಡೆಯಲಿದೆ.

ಪ್ರೇಕ್ಷಕರು ಇರುವುದಿಲ್ಲ

ಇಡೀ ದಿನ ಸಲ್ಮಾನ್ ಖಾನ್ ಬಿಗ್ ಬಾಸ್ ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದಾರೆ. ಅದಕ್ಕಾಗಿ ಎಲ್ಲ ರೀತಯ ತಯಾರಿ ನಡೆದಿದೆ. ಈ ಸಲದ ವಿಶೇಷ ಅಂದ್ರೆ ಚಿತ್ರೀಕರಣ ವೇಳೆ ಪ್ರೇಕ್ಷಕರು ಇರುವುದಿಲ್ಲ. ಕೊರೊನಾ ವೈರಸ್ ಭೀತಿಯಿರುವುದರಿಂದ ಆಡಿಯೆನ್ಸ್ ಇಲ್ಲದೇ ಬಿಗ್ ಬಾಸ್ ಶೂಟಿಂಗ್ ನಡೆಯಲಿದೆ.

ಕೊನೆಯ ಹಂತ 'ರಾಧೇ' ಶೂಟಿಂಗ್

ಬಿಗ್ ಬಾಸ್ ಮೊದಲ ವಾರದ ಶೂಟಿಂಗ್ ಮುಗಿಯುತ್ತಿದ್ದಂತೆ ರಾಧೇ ಚಿತ್ರದ ಚಿತ್ರೀಕರಣಕ್ಕೆ ಸಲ್ಮಾನ್ ಖಾನ್ ಹೋಗಬೇಕಿದೆ. ರಾಧೇ ಚಿತ್ರೀಕರಣ ಕೊನೆಯ ಹಂತದಲ್ಲಿದ್ದು, ಮೆಹಬೂಬ್ ಸ್ಟುಡಿಯೋದಲ್ಲಿ ನಡೆಯಲಿದೆ. ದಿಶಾ ಪಟಾನಿ, ರಣ್ದೀಪ್ ಹೂಡ, ಜಾಕಿ ಶ್ರಾಫ್ ಶೂಟಿಂಗ್‌ನಲ್ಲಿ ಪಾಲ್ಗೊಳ್ಳಲಿದ್ದಾರೆ.

Recommended Video

ಚಿತ್ರೋದ್ಯಮ ಬಂದ್ ? ಇವರಿಗೆಲ್ಲ ತುಂಬಾ loss! | Shivarajkumar | Filmibeat Kannada

ಸಲ್ಮಾನ್ ಮುಂದಿನ ಚಿತ್ರಗಳು

ದಬಾಂಗ್-3 ಬಳಿಕ ಸಲ್ಮಾನ್ ಖಾನ್ ಮತ್ತೊಮ್ಮೆ ಪ್ರಭುದೇವ ಜೊತೆ ಸಿನಿಮಾ ಮಾಡುತ್ತಿದ್ದಾರೆ. ಈ ಕುರಿತು ಪ್ರಭುದೇವ ಮತ್ತು ಸಲ್ಮಾನ್ ಖಾನ್ ತಯಾರಿ ನಡೆಸುತ್ತಿದ್ದಾರೆ. ಮನೀಶ್ ಶರ್ಮಾ ಜೊತೆ ಟೈಗರ್ ಚಿತ್ರದ ಸರಣಿಯೂ ಮೂಡಿಬರಲಿದೆ. ಸಾಜಿದ್ ನಾದಿಯಾದ್ವಾಲಾ ಚಿತ್ರಕ್ಕೂ ಕಾಲ್‌ಶೀಟ್ ನೀಡಿದ್ದಾರೆ.