ಮೊದಲ ರಾತ್ರಿಗೂ ಮುನ್ನವೇ ಮದುಮಗ ಪರಾರಿ!

ಈ ಗುರುವಾರ (ಮೇ 16) ಬಿಗ್ ಬಾಸ್ ಮನೆಯಲ್ಲಿ ಮದುವೆ ಸಂಭ್ರಮ. ಲೂಸ್ ಮಾದ ಅಲಿಯಾಸ್ ಯೋಗೀಶ್ ಅವರ ಮದುವೆ ನಿಕಿತಾ ತುಕ್ರಲ್ ಜೊತೆ ಅದ್ದೂರಿಯಾಗಿ ನಡೆಯಿತು. ಇದು ಬಿಗ್ ಬಾಸ್ ನೀಡಿದ್ದ ಲಕ್ಷುರಿ ಟಾಸ್ಕ್ ಆಗಿತ್ತು. ಈ ಟಾಸ್ಕ್ ಪ್ರಕಾರವೇ ಮದುವೆ ನೆರವೇರಿದೆ.

ಐವತ್ತೆರಡನೇ ದಿನದ ಹೈಲೈಟ್ ಮೇಲೆ ಕಣ್ಣು ಹಾಯಿಸೋಣ ಬನ್ನಿ. ಯೋಗಿ ಮದುವೆಯನ್ನು ನರೇಂದ್ರ ಬಾಬು ಶರ್ಮಾ ಅವರ ಮುಂದಾಳತ್ವದಲ್ಲಿ ನೆರವೇರಿಸಲಾಯಿತು. ವಿಧಿವತ್ತಾಗಿ ಮದುವೆಯೇನೋ ನೆರೆವೇರಿತು. ಅದಕ್ಕೂ ಮುನ್ನ ಕೆಲವೊಂದು ಸ್ವಾರಸ್ವಕರ ಘಟನೆಗಳು ಮನೆಯಲ್ಲಿ ನಡೆದವು.

ಈ ಆಭರಣಗಳ ಜವಬ್ದಾರಿಯನ್ನು ಚಂದ್ರಿಕಾ ಅವರಿಗೆ ನೀಡಲಾಗಿತ್ತು. ಅವು ಕಳೆದುಹೋಗದಂತೆ ಜಾಗ್ರತೆ ವಹಿಸುವಂತೆ ಬಿಗ್ ಬಾಸ್ ಸೂಚಿಸಿದ್ದರು. ಅವುಗಳನ್ನು ಎಚ್ಚರಿಕೆಯಿಂದ ಬಳಸುವಂತೆ, ಬಳಿಕ ಹಿಂತಿರುಗಿಸುವಂತೆ ಹೇಳಲಾಗಿತ್ತು. ಅದರಂತೆಯೇ ನಡೆಯಿತು.

ಮಂಗಳವಾದ್ಯಗಳ ಮೂಲಕ ಮದುಮಗ ಯೋಗಿಯನ್ನು ಮನೆಗೆ ಕರೆತರಲಾಯಿತು. ಮದುಮಗ ಯೋಗಿ ಎಂದು ಗೊತ್ತಾದದ್ದೇ ತಡ ಎಲ್ಲರೂ ಅಯ್ಯೋ ಯೋಗಿ ನೀನಾ ಎಂದು ಕುಣಿದಾಡಿದರು. ಮದುಮಗನ ಕಾಲನ್ನು ವಿಜಯ್ ರಾಘವೇಂದ್ರ ತೊಳೆದು ಮನೆಗೆ ಬರಮಾಡಿಕೊಂಡ.