'ಮಗಳು ಜಾನಕಿ'ಯ ಕಥೆ ಮುಂದುವರೆಸಿ, ಟಿ.ಎನ್.ಎಸ್ ಕಡೆಯಿಂದ ಸಂಭಾವನೆ ಪಡೆಯಿರಿ.!

ಫೇಸ್ ಬುಕ್ ನಲ್ಲಿ ಟಿ.ಎನ್.ಎಸ್ ಪೋಸ್ಟ್

''ಆನಂದ, ಜಾನಕಿಯ ಮದುವೆ ಆಗಲಿಲ್ಲ (ಮುಂದೆ ಆಗಬಾರದು ಎಂದು ಇಲ್ಲ)

1) ಮದುವೆ ಆಗಿದ್ದರೆ ಕಥೆ ಹೇಗೆ ಮುಂದುವರೆಯಬಹುದಿತ್ತು.?

2) ನಿರಂಜನನ ಜೊತೆ ಮದುವೆ ಆದರೆ ಕಥೆ ಹೇಗೆ ಮುಂದುವರೆಯಬಹುದು.?

3) ಎರಡೂ ಆಗದಿದ್ದರೆ ಹೇಗೆ ಕಥೆ ಮುಂದುವರೆಯಬಹುದು.?

ಇಷ್ಟವಾಗುವ ಕಥೆ (ಒಪ್ಪುವ ಕಥೆ) ಕೊಟ್ಟವರನ್ನು ನಮ್ಮ ತಂಡಕ್ಕೆ ಸೇರಿಸಿಕೊಂಡು ಸಲಹೆ ಪಡೆದು ನಮ್ಮ ಕೈಲಿ ಸಾಧ್ಯವಾದ ಸಂಭಾವನೆ ಕೊಡಲಾಗುವುದು. ಆ ಉದ್ದೇಶ ಇಲ್ಲದೇ ಸುಮ್ಮನೆ ಬರೆದರೆ ಕೂಡ ಸಂತೋಷ. ಇನ್ನು 2 ದಿನದೊಳಗೆ ನಿಮಗೆ ಅನಿಸಿದ್ದನ್ನು ದಯವಿಟ್ಟು ಬರೆಯಿರಿ'' ಎಂದು ಟಿ.ಎನ್.ಸೀತಾರಾಮ್ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.

ನೂರಾರು ಕಾಮೆಂಟ್ಸ್.!

ಟಿ.ಎನ್.ಸೀತಾರಾಮ್ ಹೀಗೆ ಪೋಸ್ಟ್ ಹಾಕುತ್ತಿದ್ದಂತೆಯೇ, ನೂರಾರು ಕಾಮೆಂಟ್ಸ್ ಲಭ್ಯವಾಗಿದೆ. 'ಮಗಳು ಜಾನಕಿ'ಯ ಕಥೆಯನ್ನ ನೂರಾರು ವೀಕ್ಷಕರು ಮುಂದುವರೆಸಿದ್ದಾರೆ.

ಜಾನಕಿಯ ಮುಗ್ಧತೆಗೆ ಸೋಲಿಲ್ಲ.!

ವೀಕ್ಷಕರೊಬ್ಬರ ಪ್ರಕಾರ, ಜಾನಕಿಯ ಮುಂದಿನ ಕಥೆ ಹೀಗಿರಬೇಕು.! ಸಿ.ಎಸ್.ಪಿಯ ಒಳ್ಳೆತನಕ್ಕೆ, ಸತ್ಯಕ್ಕೆ, ನ್ಯಾಯಕ್ಕೆ ಸಾವಾಗಬಾರದು. ಹಾಗೇ ಜಾನಕಿಯ ಮುಗ್ಧತೆ ಸೋಲಬಾರದು ಎಂದು ವೀಕ್ಷಕರೊಬ್ಬರು ಕಥೆಯನ್ನ ಹೇಗೆ ವಿವರಿಸಿದ್ದಾರೆ ಅಂತ ನೀವೇ ಓದಿರಿ...

ಮದುವೆ ಬೇಡ ಎನ್ನುವವರೇ ಹೆಚ್ಚು.!

ಟಿ.ಎನ್.ಎಸ್ ಅವರ ಪೋಸ್ಟ್ ಗೆ ಕಾಮೆಂಟ್ ಮಾಡಿರುವ ಬಹುತೇಕ ಮಂದಿ ''ನಿರಂಜನ್ ಜೊತೆಗೆ ಮದುವೆ ಬೇಡ'' ಎಂದಿದ್ದಾರೆ. ಇನ್ನೂ ಕೆಲವರು ''ಮದುವೆಯಿಂದಷ್ಟೇ ಜೀವನ ಅಲ್ಲ. ಮದುವೆ ಆಗದ ಜಾನಕಿಯ ಸಾಧನೆ ಕಥೆಯನ್ನ ತೋರಿಸಿ'' ಎಂದು ಒತ್ತಾಯ ಮಾಡುತ್ತಿದ್ದಾರೆ. ಸಿ.ಎಸ್.ಪಿ ಸಾಹೇಬ್ರ ತಲೆಯಲ್ಲಿ ಈಗೇನು ಓಡುತ್ತಿದೆಯೋ.? ಏನೋ.!