Chaitra Rai: 'ರಾಧಾ ಕಲ್ಯಾಣ'ದ ಚೈತ್ರಾ ರೈ ಧಾರಾವಾಹಿಯಿಂದ ಬ್ರೇಕ್ ಪಡೆದಿದ್ದೇಕೆ?

ತೆಲುಗು ಕಿರುತೆರೆಯಲ್ಲಿ ಬ್ಯುಸಿ

'ರಾಧಾ ಕಲ್ಯಾಣ' ಧಾರಾವಾಹಿಯ ನಂತರ ತೆಲುಗು ಕಿರುತೆರೆಗೆ ಹಾರಿದ ಚೈತ್ರಾ ರೈ ಏಳು ವರ್ಷಗಳ ಕಾಲ ತಮ್ಮ ನಟನೆಯ ಮೂಲಕ ಪರಭಾಷೆಯ ಕಿರುತೆರೆಯಲ್ಲಿ ಮೋಡಿ ಮಾಡಿದರು. ತೆಲುಗಿನ 'ಅಕ್ಕ ಚೆಲ್ಲುಲು' ಧಾರಾವಾಹಿಯಲ್ಲಿ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಚೈತ್ರಾ ರೈ ಮುಂದೆ ಕಾರಣಾಂತರಗಳಿಂದ ಧಾರಾವಾಹಿಯಿಂದ ಹೊರಬಂದಿದ್ದರು.

ಹಂತಹಂತವಾಗಿ ನಟನೆ ಕಲಿತ ನಟಿ

"ಆಕಸ್ಮಿಕವಾಗಿ ನಟನೆಗೆ ಕಾಲಿಟ್ಟ ನಾನು ಹಂತಹಂತವಾಗಿ ನಟನೆಯ ರೀತಿ ನೀತಿಗಳನ್ನು ತಿಳಿದುಕೊಂಡೆ. ನನ್ನ ಪ್ರಕಾರ, ನಟನೆಯೆಂದರೆ ಇಂದು ನಾಳೆ ಕಲಿತು ಬರುವಂತಹ ವಿದ್ಯೆಯಲ್ಲ. ಬದಲಿಗೆ ಪ್ರತಿದಿನವೂ ಕಲಿಯುವಂತದ್ದು. ಯಾಕೆಂದರೆ ಪ್ರತಿದಿನವೂ ಈ ಕ್ಷೇತ್ರದಲ್ಲಿ ಹೊಸತನ್ನು ಕಲಿಯುವಂತಹ ಅವಕಾಶಗಳಿರುತ್ತದೆ.

'ರಾಧಾ ಕಲ್ಯಾಣ'ದಿಂದ ಫೇಮಸ್

'ರಾಧಾ ಕಲ್ಯಾಣ' ಧಾರಾವಾಹಿಯ ನಂತರ ನಾನು ಕನ್ನಡ ಕಿರುತೆರೆಯಲ್ಲಿ ನಟಿಸಲೇ ಇಲ್ಲ. ದಶಕಗಳಿಂದ ನಾನು ಕನ್ನಡ ಕಿರುತೆರೆಯಿಂದ ದೂರವಿದ್ದರೂ ಸಹ ಜನ ನನ್ನನ್ನು, ವಿಶಾಖಾ ಪಾತ್ರವನ್ನು ಮರೆತಿಲ್ಲ. ಅನೇಕ ಜನ ಸೀರಿಯಲ್ ಪ್ರಿಯರು ನನ್ನನ್ನು ವಿಶಾಖಾ ಆಗಿ ಗುರುತಿಸುವಾಗ ಖುಷಿಯಾಗುತ್ತದೆ. ಮಾತ್ರವಲ್ಲ ಜನರು ಇಂದಿಗೂ ಆ ಪಾತ್ರವನ್ನು ನೆನಪಿಟ್ಟುಕೊಂಡಿದ್ದಾರೆ ಎಂದರೆ ಅದಕ್ಕಿಂತ ಖುಷಿಯ ವಿಚಾರ ಬೇರೇನಿದೆ ಎಂಬುದು ಚೈತ್ರಾ ರೈ ಅಂಬೋಣ.