ಮತ್ತೆ ವಿವಾದದಲ್ಲಿ ಕಪಿಲ್ ಶರ್ಮಾ ಶೋ: ಆತ್ಮೀಯ ಗೆಳೆಯನನ್ನೇ ಹೊರಹಾಕಿದ ಕಪಿಲ್!?

ಶೋನಿಂದ ಹೊರಗೆ ಹೋಗಿರುವುದು ನಿಜ: ಚಂದನ್

ಈ ಬಗ್ಗೆ ಮಾಧ್ಯಮಗಳಿಗೆ ಪ್ರತಿಕ್ರಿಯೆ ನೀಡಿರುವ ಚಂದನ್ ಪ್ರಭಾಕರ್, ''ನಾನು ಶೋನಿಂದ ಹೊರಗೆ ಹೋಗಿರುವುದು ನಿಜ. ಆದರೆ ಇದಕ್ಕೆ ನಿಖರ ಕಾರಣ ಇಲ್ಲ. ನನಗೆ ಬ್ರೇಕ್ ಬೇಕು ಎನ್ನಿಸಿತು ಹಾಗಾಗಿ ಶೋನಿಂದ ಹೊರಗೆ ಬಂದಿದ್ದೇನೆ'' ಎಂದಿದ್ದಾರೆ. ಆದರೆ ಕಪಿಲ್ ಹಾಗೂ ಚಂದನ್ ನಡುವೆ ಇರುವ ಅಸಮಾಧಾನದಿಂದಲೇ ಚಂದನ್ ಶೋನಿಂದ ಹೊರಗೆ ಬಂದಿದ್ದಾರೆ ಎನ್ನಲಾಗಿದೆ.

ಸಂಭಾವನೆ ವಿಷಯಕ್ಕೆ ಭಿನ್ನಾಭಿಪ್ರಾಯ

'ಕಪಿಲ್ ಶರ್ಮಾ ಶೋ'ನ ಪ್ರಮುಖ ಆಕರ್ಷಣೆ ಕೃಷ್ಣ ಅಭಿಷೇಕ್ ಸಹ ಶೋನಿಂದ ಹೊರಗೆ ಬಂದಿದ್ದಾರೆ. ಅವರೂ ಸಹಹ ಮಾಧ್ಯಮಗಳೊಟ್ಟಿಗೆ ಮಾತನಾಡಿ, ''ಶೋನಿಂದ ಹೊರಗೆ ಬಂದಿದ್ದು ನಿಜ. ಶೋನ ಆಯೋಜಕರೊಟ್ಟಿಗೆ ಉಂಟಾದ ಭಿನ್ನಾಭಿಪ್ರಾಯಗಳಿಂದಾಗಿ ಶೋನಿಂದ ಹೊರಗೆ ಬಂದೆ ಎಂದಿದ್ದಾರೆ. ಸಂಭಾವನೆ ವಿಷಯಕ್ಕೆ ಶೋನ ಆಯೋಜಕರು ಹಾಗೂ ಕೃಷ್ಣ ನಡುವೆ ಮನಸ್ಥಾಪ ಉಂಟಾಗಿದೆ ಎನ್ನಲಾಗಿದೆ.

ಶೋನಿಂದ ಹೊರಗೆ ಬಂದ ಸುನಿಲ್ ಗ್ರೋವರ್‌

ಕಪಿಲ್ ಶರ್ಮಾ ಶೋನ ಜನಪ್ರಿಯ ನಟರಾಗಿದ್ದ ಸುನಿಲ್ ಗ್ರೋವರ್ ಸಹ ಕಪಿಲ್ ಶರ್ಮಾ ಜೊತೆಗಿನ ಮನಸ್ಥಾಪದಿಂದ ಹೊರಗೆ ಬಂದಿದ್ದರು. ಶೋ ಮುಗಿಸಿ ತಂಡದೊಂದಿಗೆ ಫ್ಲೈಟ್‌ನಲ್ಲಿ ಬರುವಾಗ ಕಪಿಲ್ ಶರ್ಮಾ, ಸುನಿಲ್ ಗ್ರೋವರ್‌ ಮೇಲೆ ಹಲ್ಲೆಗೆ ಮುಂದಾಗಿದ್ದರು. ಚಪ್ಪಲಿಯಲ್ಲಿ ಸುನಿಲ್ ಅನ್ನು ಹೊಡೆಯಲು ಯತ್ನಿಸಿದ್ದರು ಎನ್ನಲಾಗಿತ್ತು. ಅದೇ ಕಾರಣದಿಂದ ಸುನಿಲ್ ಗ್ರೋವರ್ 'ದಿ ಕಪಿಲ್ ಶರ್ಮಾ ಶೋ'ನಿಂದ ಹೊರಗೆ ಹೋದರು.

ಹಲವರು ಶೋನಿಂದ ಹೊರಗೆ ಹೋಗಿದ್ದರು

ಸುನಿಲ್ ಗ್ರೋವರ್ ಮಾತ್ರವೇ ಅಲ್ಲದೆ, ಅಲಿ ಅಸ್ಗರ್ ಹಾಗೂ ಕೀಕು ಶಾರ್ದಾ ಸಹ ಕಪಿಲ್ ಶರ್ಮಾ ಶೋನಿಂದ ಹೊರಗೆ ಹೋಗಿದ್ದರು. ಅಲಿ ಅಸ್ಗರ್ ವಾಪಸ್ ಬರಲಿಲ್ಲ ಆದರೆ ಕೀಕು ಶಾರ್ದಾ ವಾಪಸ್ ಬಂದರು. ಭಾರತಿ ಸಿಂಗ್ ಸಹ ಶೋನಿಂದ ಒಮ್ಮೆ ಹೊರಗೆ ಹೋಗಿ ಬಳಿಕ ಮರಳಿದರು. ನಟಿ ಶುಮೋನಾ ಸಹ ಕಪಿಲ್ ಜೊತೆ ಭಿನ್ನಾಭಿಪ್ರಾಯದಿಂದ ಶೋನಿಂದ ಹೊರಗೆ ಹೋಗಿದ್ದರು. ಅವರು ಸಹ ಮರಳಿದರು.