'ಬಿಗ್ ಬಾಸ್' ಮುಗಿದ ಬಳಿಕ ಮತ್ತೊಂದು ರಿಯಾಲಿಟಿ ಶೋನಲ್ಲಿ ಚಂದನ್ ಶೆಟ್ಟಿ.!

ಮತ್ತೆ ಕಿರುತೆರೆಯಲ್ಲಿ ಚಂದನ್ ಶೆಟ್ಟಿ

ಇಷ್ಟು ದಿನ 'ಬಿಗ್ ಬಾಸ್' ಕಾರ್ಯಕ್ರಮದ ಮೂಲಕ ಕಿರುತೆರೆಯಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದ ಚಂದನ್ ಶೆಟ್ಟಿ, ಇದೀಗ ಮತ್ತೆ ಕಿರುತೆರೆ ಕಡೆ ಮುಖ ಮಾಡಿದ್ದಾರೆ ಎನ್ನಲಾಗಿದೆ.

ಹೊಸ ರಿಯಾಲಿಟಿ ಶೋನಲ್ಲಿ ಚಂದನ್ ಶೆಟ್ಟಿ

ಕಲರ್ಸ್ ವಾಹಿನಿಯಲ್ಲಿ ಶುರು ಆಗಲಿರುವ 'ಮಾಸ್ಟರ್ ಡ್ಯಾನ್ಸರ್' ಕಾರ್ಯಕ್ರಮಕ್ಕೆ ತೀರ್ಪುಗಾರರಾಗಿರಲಿದ್ದಾರಂತೆ ಚಂದನ್ ಶೆಟ್ಟಿ.

ಮಯೂರಿ, ಶ್ರುತಿ ಜೊತೆ ಚಂದನ್ ಶೆಟ್ಟಿ

ಈಗಾಗಲೇ 'ಮಾಸ್ಟರ್ ಡ್ಯಾನ್ಸರ್' ಕಾರ್ಯಕ್ರಮಕ್ಕೆ 'ನಾಟ್ಯ' ಮಯೂರಿ ಹಾಗೂ ನಟಿ ಶ್ರುತಿ ಹರಿಹರನ್ ತೀರ್ಪುಗಾರರ ಸ್ಥಾನ ತುಂಬಿದ್ದಾರೆ. ಇವರಿಬ್ಬರ ಜೊತೆಗೆ ಚಂದನ್ ಶೆಟ್ಟಿ ಕೂಡ ಸಾಥ್ ಕೊಡ್ತಾರೆ ಎಂದು ಕಲರ್ಸ್ ವಾಹಿನಿಯ ಮೂಲಗಳು ತಿಳಿಸಿವೆ

ಒಂದೇ ಶೋ... ಇಬ್ಬರೂ 'ಬಿಗ್ ಬಾಸ್' ವಿಜೇತರು

'ಮಾಸ್ಟರ್ ಡ್ಯಾನ್ಸರ್' ಕಾರ್ಯಕ್ರಮಕ್ಕೆ 'ಬಿಗ್ ಬಾಸ್ ಕನ್ನಡ-2' ವಿನ್ನರ್ ಅಕುಲ್ ಬಾಲಾಜಿ ನಿರೂಪಣೆ ಇರಲಿದೆ. ಇತ್ತ 'ಬಿಗ್ ಬಾಸ್ ಕನ್ನಡ-5' ವಿನ್ನರ್ ಚಂದನ್ ಶೆಟ್ಟಿ ಜಡ್ಜ್ ಸೀಟ್ ಅಲಂಕರಿಸಲಿರುವುದು ಮತ್ತೊಂದು ವಿಶೇಷ.