ಚಂದ್ರಿಕಾಗೆ ಪಾತ್ರೆ ತೊಳೆಯುವ ಕೆಲಸ ಹಚ್ಚಿದ ಬಿಗ್ ಬಾಸ್

ನಿಕಿತಾ ಅವರೇ ಬಿಗ್ ಬಾಸ್ ಮನೆಗೆ ಬಂದು 72 ದಿನ ಆಗುತ್ತಿದೆ. ಕನ್ನಡ ಕಲಿಯುವುದು ಅಷ್ಟು ಕಷ್ಟವೇ. ಅರುಣ್ ಸಾಗರ್ ಅವರು ನಿಮಗೆ ಕಲಿಸಬೇಕು ಎಂದಿದ್ದಾರೆ. ಆದರೆ ನೀವು ಕಲಿಯಲು ಸಿದ್ಧವಿಲ್ಲ. ನೀವು ಮನಸ್ಸು ಮಾಡಿದ್ದರೆ ಇಷ್ಟೊತ್ತಿಗೆ ಕಲಿಯಬಹುದಾಗಿತ್ತು ಎಂದು ಹೇಳಿದರು.

ಅರುಣ್ ಸಾಗರ್ ನಿಮ್ಮನ್ನು ಫೈನ್ ಟ್ಯೂನ್ ಮಾಡುತ್ತಿದ್ದಾರೆ. ನೀವು ಕಲೀತಾ ಇದ್ದೀರಾ. ನಿಮಗೆ ಆಸಕ್ತಿ ಇದೆ. ಆದರೆ ಎಲ್ಲೋ ಒಂದು ಕಡೆ ಸಾಕು ಅನ್ನಿಸುತ್ತಿದೆ. ಅವರು ಆಸಕ್ತಿಯಿಂದ ಹೇಳಿಕೊಡಕ್ಕೆ ಬರುತ್ತಿದಾರೆ. ಹೀ ಈಸ್ ರೆಡಿ ಟೂ ಟೀಚ್, ಬಟ್ ಯೂ ಆರ್ ಬಾಟ್ ರೆಡಿ ಟು ಲರ್ನ್ ಎಂದರು. ಬಹುಶಃ ಇದೇ ಅವರ ಕೋಪಕ್ಕೆ ಕಾರಣವಾಗಿರಬಹುದು ಎಂದು ಅಭಿಪ್ರಾಯಪಟ್ಟರು.

ಅನುಶ್ರೀ ಅವರು ಮನೆಯಿಂದ ಹೊರಹೋಗುತ್ತಿರುವ ಬಗ್ಗೆ ಸುದೀಪ್ ಹೇಳುತ್ತಾ, ಬಿಗ್ ಬಾಸ್ ಹೌಸ್ ಈಸ್ ಮಿಸ್ ಯೂ ಎಂದು ಹೇಳಿದರು. ಈ ವಾರ 'ಟೋನಿ' ಚಿತ್ರತಂಡ 'ಬಿಗ್ ಬಾಸ್' ಮನೆಗೆ ಬರುತ್ತಿದೆ.

ಮನೆಯಿಂದ ಹೊರನಡೆದ ಅನುಶ್ರೀ ಅವರಿಗೆ ಬಿಗ್ ಬಾಸ್ ವಿಶೇಷ ಅಧಿಕಾರ ಕೊಟ್ಟರು. ಅದರ ಪ್ರಕಾರ ಮನೆಯ ಎಲ್ಲ ಕೆಲಸಗಳನ್ನು ಮಾಡಲು ನೀವು ಒಬ್ಬರ ಹೆಸರನ್ನು ಸೂಚಿಸಬೇಕಾಗಿದೆ ಎಂದು ಹೇಳಿದ್ದಕ್ಕೆ ಚಂದ್ರಿಕಾ ಹೆಸರನ್ನು ಸೂಚಿಸಿದರು.

ಬಿಗ್ ಬಾಸ್ ಮುಂದಿನ ಆದೇಶದವರೆಗೆ ಚಂದ್ರಿಕಾ ಅವರು ಮನೆಯಲ್ಲಿ ಅಡುಗೆ ಮಾಡುವುದು, ಗುಡಿಸುವುದು, ಒರೆಸುವುದು, ಗಾರ್ಡನ್ ಏರಿಯಾ, ಶೌಚಾಯಲ ಶುಚಿ ಮಾಡುವುದು, ಪಾತ್ರೆ ತೊಳೆಯುವುದು ಎಲ್ಲಾ ಕೆಲಸಗಳನ್ನು ಮಾಡಬೇಕು ಎಂದು ಆದೇಶಿಸಿದರು.