ಅಖಾಡದ ಕುಸ್ತಿಗೂ ಸೈ, ಅಮ್ಮನ ಶಿಸ್ತಿಗೂ ಜೈ; 'ಮರ್ಯಾದೆ ರಾಮಣ್ಣ'ನಾಗಿ ಬಂದ ಚೇತನ್ ಚಂದ್ರ

ಕನ್ನಡ ಕಿರುತೆರೆಯಲ್ಲಿ ಈಗ ಹೊಸ ಅಲೆ ಶುರುವಾಗಿದೆ. ಸದಾ ವಿಭಿನ್ನ ಕಥೆಗಳನ್ನೇ ಹುಡುಕುವ ಪ್ರೇಕ್ಷಕರಿಗೆ ಈಗ 'ಮರ್ಯಾದೆ ರಾಮಣ್ಣ' ಸಖತ್ ಇಂಟರೆಸ್ಟ್ ಹುಟ್ಟಿಸುತ್ತಿದ್ದಾನೆ. ಬರೀ ಅಖಾಡದಲ್ಲಿ ಕುಸ್ತಿ ಮಾಡೋದು ಮಾತ್ರವಲ್ಲ, ಮನೆಯ ಜವಾಬ್ದಾರಿಯನ್ನು ರಾಮಣ್ಣ ಹೇಗೆ ನಿಭಾಯಿಸುತ್ತಾನೆ ಎಂಬುದು ಇಲ್ಲಿನ ಹೈಲೈಟ್.

ಈ ಧಾರಾವಾಹಿಯ ಕಥೆ ಹಳ್ಳಿ ಸೊಗಡಿನ ಜೊತೆಗೆ ಸಿಟಿಯ ಸ್ಟೈಲಿಶ್ ಕಥೆಯನ್ನು ಒಳಗೊಂಡಿದೆ. ಹಠಮಾರಿ ನಾಯಕ ಮತ್ತು ಮೃದು ಸ್ವಭಾವದ ನಾಯಕಿಯ ನಡುವಿನ ಜಟಾಪಟಿ ಇಲ್ಲಿ ಸಖತ್ ಮಜಾ ನೀಡಲಿದೆ. ಈಗಾಗಲೇ ಬಿಡುಗಡೆಯಾಗಿರುವ ಪ್ರೋಮೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿವೆ.

ಅಖಾಡದಲ್ಲಿ ಎದುರಾಳಿಗಳನ್ನು ಮಣ್ಣು ಮುಕ್ಕಿಸುವ ರಾಮಣ್ಣನಿಗೆ, ಅಮ್ಮನೇ ಸರ್ವಸ್ವ. ಆದರೆ, ಅಮ್ಮನ ಪರೀಕ್ಷೆಯಲ್ಲಿ ರಾಮಣ್ಣ ಪಾಸ್ ಆಗ್ತಾನಾ ಅನ್ನೋದೇ ಈಗ ಕಾಡುತ್ತಿರುವ ಪ್ರಶ್ನೆ. ಈ ಕೌಟುಂಬಿಕ ಡ್ರಾಮಾ ಈಗ ಕಿರುತೆರೆ ಪ್ರಿಯರ ನೆಚ್ಚಿನ ಚರ್ಚೆಯ ವಿಷಯವಾಗಿದೆ.

ಚೇತನ್ ಚಂದ್ರ ಅಖಾಡಕ್ಕೆ ಎಂಟ್ರಿ

ಬಹಳ ದಿನಗಳ ನಂತರ ನಟ ಚೇತನ್ ಚಂದ್ರ ಮತ್ತೆ ಕಿರುತೆರೆಗೆ ಮರಳಿದ್ದಾರೆ. ಅವರು ಈ ಧಾರಾವಾಹಿಯಲ್ಲಿ ನಾಯಕ 'ರಾಮಣ್ಣ'ನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರ ಫಿಟ್ನೆಸ್ ಮತ್ತು ರಗಡ್ ಲುಕ್ ಪಾತ್ರಕ್ಕೆ ಪಕ್ಕಾ ಸೂಟ್ ಆಗಿದೆ. ಕುಸ್ತಿಪಟುವಿನ ಪಾತ್ರಕ್ಕಾಗಿ ಅವರು ಸಾಕಷ್ಟು ತಯಾರಿ ಮಾಡಿಕೊಂಡಿರುವುದು ಎದ್ದು ಕಾಣುತ್ತಿದೆ.

ಜಯಮ್ಮನಾಗಿ ವೀಣಾ ಸುಂದರ್ ಗತ್ತಿನ ನಟನೆ

ನಾಯಕನ ತಾಯಿ 'ಜಯಮ್ಮ'ನ ಪಾತ್ರದಲ್ಲಿ ಹಿರಿಯ ನಟಿ ವೀಣಾ ಸುಂದರ್ ಕಾಣಿಸಿಕೊಂಡಿದ್ದಾರೆ. ಅವರು ಮಗನನ್ನು ಬೆಳೆಸಿದ ರೀತಿ ಮತ್ತು ಹಾಕುವ ಕಟ್ಟುನಿಟ್ಟಿನ ನಿಯಮಗಳು ಕಥೆಗೆ ಟ್ವಿಸ್ಟ್ ನೀಡುತ್ತವೆ. ಮಗನ ಮೇಲೆ ಅತೀವ ಪ್ರೀತಿ ಹೊಂದಿರುವ ಈ ತಾಯಿ, ಸೊಸೆ ವಿಚಾರದಲ್ಲಿ ಯಾವ ನಿರ್ಧಾರ ತೆಗೆದುಕೊಳ್ಳುತ್ತಾರೆ ಎಂಬುದು ಕುತೂಹಲ ಮೂಡಿಸಿದೆ.

ಜೀವಿತಾ ವಶಿಷ್ಠ: ಕಥೆಯ ಗ್ಲಾಮರಸ್ ನಾಯಕಿ

ನಾಯಕಿಯಾಗಿ ಜೀವಿತಾ ವಶಿಷ್ಠ ಅಭಿನಯಿಸುತ್ತಿದ್ದಾರೆ. ಇವರ ಪಾತ್ರವು ನಾಯಕನಿಗೆ ಸಂಪೂರ್ಣ ವಿರುದ್ಧವಾಗಿದೆ. ಚೂಟಿ ಮತ್ತು ಮಾಡರ್ನ್ ಹುಡುಗಿಯಾಗಿ ಜೀವಿತಾ ಗಮನ ಸೆಳೆಯುತ್ತಿದ್ದಾರೆ. ರಾಮಣ್ಣನ ಒರಟುತನ ಮತ್ತು ಜೀವಿತಾಳ ಮುಗ್ಧತೆಯ ನಡುವಿನ ಕೆಮಿಸ್ಟ್ರಿ ಕಿರುತೆರೆಯಲ್ಲಿ ಹೊಸ ಸಂಚಲನ ಮೂಡಿಸುವುದು ಖಂಡಿತ.

ಪ್ರೇಕ್ಷಕರ ನಿರೀಕ್ಷೆ ಮತ್ತು ಕಥೆಯ ರೋಚಕ ಟ್ವಿಸ್ಟ್

ಕೇವಲ ಆಕ್ಷನ್ ಮತ್ತು ಕೌಟುಂಬಿಕ ಸನ್ನಿವೇಶಗಳಿಗೆ ಸೀಮಿತವಾಗದೆ, 'ಮರ್ಯಾದೆ ರಾಮಣ್ಣ' ತನ್ನ ವಿಭಿನ್ನ ನಿರೂಪಣೆಯಿಂದ ಗಮನ ಸೆಳೆಯುತ್ತಿದೆ. ರಾಮಣ್ಣನ ಅಚಲವಾದ ತತ್ವಗಳು ಮತ್ತು ಜಯಮ್ಮನ ಅತಿಯಾದ ಶಿಸ್ತಿನ ನಡುವೆ ಸಿಲುಕುವ ನಾಯಕಿ, ಈ ಮರ್ಯಾದಸ್ತ ಕುಟುಂಬದ ಭಾಗವಾಗುವುದು ಹೇಗೆ? ಆಧುನಿಕ ಮನ:ಸ್ಥಿತಿಯ ಹುಡುಗಿ, ಹಳ್ಳಿಯ ಸಾಂಪ್ರದಾಯಿಕ ಕಟ್ಟುಪಾಡುಗಳಗಳಿಗೆ ಹೇಗೆ ಹೊಂದಿಕೊಳ್ಳುತ್ತಾಳೆ ಎಂಬುದು ಕಥೆಯ ಅಸಲಿ ಮಜಾ. ಪರಸ್ಪರ ಭಿನ್ನ ವ್ಯಕ್ತಿತ್ವದ ನಾಯಕ-ನಾಯಕಿ ಒಂದೇ ಸೂರಡಿ ಅಡಿ ಬಂದಾಗ ಅಲ್ಲಿ ಪ್ರೀತಿ ಅರಳುತ್ತಾ ಅಥವಾ ಮರ್ಯಾದೆಯ ಸಂಘರ್ಷ ತಾರಕಕ್ಕೇರುತ್ತಾ? ಈ ಪ್ರತಿರೋಧದ ನಡುವೆಯೇ ಅರಳುವ ಪ್ರೇಮಕಥೆಯು ಯುವ ಪ್ರೇಕ್ಷಕರಿಗೆ ಸಖತ್ ಇಷ್ಟವಾಗುವುದರಲ್ಲಿ ಅನುಮಾನವೇ ಇಲ್ಲ.

ಕಥೆಯ ಹಂದರವೇನು?

ಈ ಧಾರಾವಾಹಿಯು ಮರ್ಯಾದೆ ಮತ್ತು ಸಂಬಂಧಗಳ ನಡುವಿನ ಹೋರಾಟವನ್ನು ಎತ್ತಿ ತೋರಿಸುತ್ತದೆ. ಹಳ್ಳಿಯ ಗೌರವವನ್ನು ಕಾಪಾಡುವ ರಾಮಣ್ಣ, ತನ್ನ ಪ್ರೀತಿಗಾಗಿ ಯಾವ ಮಟ್ಟಕ್ಕೆ ಹೋಗುತ್ತಾನೆ? ಜಯಮ್ಮ ಹಾಕುವ ಷರತ್ತುಗಳನ್ನು ರಾಮಣ್ಣ ಹೇಗೆ ಪೂರೈಸುತ್ತಾನೆ? ಈ ಎಲ್ಲ ಪ್ರಶ್ನೆಗಳಿಗೆ ಉತ್ತರವೇ 'ಮರ್ಯಾದೆ ರಾಮಣ್ಣ'.

ಕನ್ನಡ ಕಿರುತೆರೆಯಲ್ಲಿ ಫ್ಯಾಮಿಲಿ ಡ್ರಾಮಾಗಳಿಗೆ ಯಾವತ್ತೂ ಬೇಡಿಕೆ ಇದೆ. ಅದರಲ್ಲೂ ಚೇತನ್ ಚಂದ್ರ ಅವರಂತಹ ಸ್ಟಾರ್ ನಟರು ಮರಳುತ್ತಿರುವುದು ಪ್ಲಸ್ ಪಾಯಿಂಟ್. ತಾಯಿ-ಮಗನ ಸೆಂಟಿಮೆಂಟ್ ಜೊತೆಗೆ ಆಕ್ಷನ್ ಮತ್ತು ಕಾಮಿಡಿ ಕೂಡ ಸಮಪ್ರಮಾಣದಲ್ಲಿ ಬೆರೆತಿದೆ. ಚಿತ್ರಕಥೆ ವೇಗವಾಗಿದ್ದರೆ ಈ ಧಾರಾವಾಹಿ ಟಿಆರ್‌ಪಿ ರೇಟಿಂಗ್‌ನಲ್ಲಿ ಅಬ್ಬರಿಸುವುದು ಗ್ಯಾರಂಟಿ.