Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಶನಿ' ಧಾರಾವಾಹಿ ನೋಡುಗರಿಗೆ ಇದು ಬೇಸರದ ಸುದ್ದಿ!
ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುವ 'ಶನಿ' ಧಾರಾವಾಹಿ ಸಾಕಷ್ಟು ಪ್ರೇಕ್ಷಕರ ಮನಸ್ಸನ್ನು ಗೆದ್ದಿದೆ . ಪ್ರತಿಯೊಬ್ಬರೂ ಒಂದು ದಿನವೂ ತಪ್ಪಿಸದೇ ನೋಡುವಂತಹ ಧಾರಾವಾಹಿ 'ಶನಿ' ಆಗಿದ್ದು ಟಿ ಆರ್ ಪಿ ವಿಚಾರದಲ್ಲಿಯೂ ಕೂಡಾ ತುಂಬಾ ಚೆನ್ನಾಗಿ ರೇಟಿಂಗ್ ಪಡೆಯುತ್ತಿದೆ .
'ಶನಿ' ಧಾರಾವಾಹಿ ಪ್ರೀತಿಯಿಂದ ಪ್ರತಿನಿತ್ಯ ನೋಡುವ ವೀಕ್ಷಕರಿಗೆ ಇಲ್ಲೊಂದು ಬೇಸರದ ಸುದ್ದಿ ಇದೆ. 'ಶನಿ' ಧಾರಾವಾಹಿಯ ಕಥೆಯಲ್ಲಿ ಮಹತ್ತರವಾದ ಬದಲಾವಣೆಗಳು ಆಗುತ್ತಿದೆ . ವೀಕ್ಷಕರು ಸದ್ಯದ ಮಟ್ಟಿಗೆ ನಿರೀಕ್ಷೆ ಮಾಡದಂತಹ ಬದಲಾವಣೆಗಳು ಮಾಡಲು ಧಾರಾವಾಹಿ ತಂಡ ಮುಂದಾಗಿದೆ.
ಇಷ್ಟು ದಿನಗಳ ಕಾಲ 'ಶನಿ' ಧಾರಾವಾಹಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆ ಬಾಲ ಕಲಾವಿದರು ಇನ್ನು ಮುಂದೆ ಕಣ್ಮರೆಯಾಗಲಿದ್ದಾರೆ ಇಂಥದ್ದೊಂದು ಸಣ್ಣ ಸುಳಿವು 'ಶನಿ' ಧಾರಾವಾಹಿಯ ತಂಡ ಬಿಟ್ಟುಕೊಟ್ಟಿದೆ . ಹಾಗಾದರೆ ಇನ್ನು ಮುಂದೆ 'ಶನಿ' ಧಾರಾವಾಹಿ ಪ್ರಸಾರವಾಗುವುದಿಲ್ಲವೇ? 'ಶನಿ' ಧಾರಾವಾಹಿಯ ಮುಂದಿನ ದಿನಗಳಲ್ಲಿ ಹೇಗಿರಲಿದೆ? ಸಂಪೂರ್ಣ ಮಾಹಿತಿ ಇಲ್ಲಿದೆ ಮುಂದೆ ಓದಿ
'ಶನಿ' ಧಾರಾವಾಹಿಯಲ್ಲಿ ಬದಲಾವಣೆ
'ಶನಿ' ಧಾರಾವಾಹಿಯಲ್ಲಿ ಇನ್ನು ಮುಂದೆ ಬಾಲ ಕಲಾವಿದರು ಯಾರು ಕಾಣಿಸಿಕೊಳ್ಳುವುದಿಲ್ಲ ಎನ್ನುವ ಸುಳಿವು ಧಾರಾವಾಹಿ ತಂಡದಿಂದ ಸಿಕ್ಕಿದೆ . ಶನಿ ಪಾತ್ರಧಾರಿ, ಕಾಕ ರಾಜ, ಹನುಮ, ಯಮ, ಯಮಿ ಹೀಗೆ ಇನ್ನೂ ಸಾಕಷ್ಟು ಬಾಲ ಕಲಾವಿದರು ಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದರು. ಇನ್ನು ಮುಂದೆ ಈ ಕಲಾವಿದರುಗಳು ಜಾಗಕ್ಕೆ ಬೇರೆ ಕಲಾವಿದರು ಬರಲಿದ್ದಾರೆ.
ಸೂರ್ಯದೇವಾ ನೀಡಿದ ಸುಳಿವು
'ಶನಿ' ಧಾರಾವಾಹಿಯಲ್ಲಿ ಸೂರ್ಯದೇವಾನ ಪಾತ್ರ ನಿರ್ವಹಿಸುತ್ತಿರುವ ರಂಜಿತ್ ಕುಮಾರ್ ಈ ಒಂದು ಸುಳಿವನ್ನು ನೀಡಿದ್ದಾರೆ. ಶನಿ ಧಾರಾವಾಹಿಯ ಬಾಲ ಕಲಾವಿದರ ಜೊತೆ ಫೋಟೊ ಶೂಟ್ ಮಾಡಿಸಿಕೊಂಡಿರುವ ಚಿತ್ರತಂಡ ಹಾಗೆ ಫೇಸ್ ಬುಕ್ ನಲ್ಲಿ ಮಕ್ಕಳ ಕೊನೆಯ ದಿನದ ಚಿತ್ರೀಕರಣ ಎಂದು ಅಪ್ಡೇಟ್ ಮಾಡಿದೆ .ಇದನ್ನು ನೋಡಿರುವ ವೀಕ್ಷಕರು ಸಾಕಷ್ಟು ಕಮೆಂಟ್ ಮಾಡುವ ಮೂಲಕ ಶನಿ ಧಾರಾವಾಹಿ ಬಗ್ಗೆ ವಿಚಾರಣೆ ಮಾಡಿದ್ದಾರೆ.
'ಶನಿ'ಯನ್ನು ನೋಡಲು ಇಷ್ಟಪಡುವ ವೀಕ್ಷಕರು
'ಶನಿ' ಧಾರಾವಾಹಿ ಕಥೆ, ಮೇಕಿಂಗ್ ಹಾಗೂ ತಂತ್ರಜ್ಞಾನದಲ್ಲಿ ಹೆಚ್ಚಿನ ಪ್ರಾಮುಖ್ಯತೆಯನ್ನು ಪಡೆದಿರುವ ರೀತಿಯಲ್ಲಿ ಪಾತ್ರಧಾರಿಗಳನ್ನು ನೋಡಿ ವೀಕ್ಷಕರು ಇಷ್ಟಪಟ್ಟಿದ್ದರು. ಅದರಲ್ಲಿ ಮುಖ್ಯವಾಗಿ ಶನಿ ಪಾತ್ರವನ್ನು ನಿರ್ವಹಿಸುತ್ತಿರುವ ಕಲಾವಿದನಿಗೆ ಹೆಚ್ಚಿನ ಬೇಡಿಕೆ ಮತ್ತು ಅಭಿಮಾನಿಗಳಿದ್ದರು. ಆದರೆ ಈಗ ಶನಿ ಬಾಲ್ಯದ ಕಥೆ ಮುಗಿಯುತ್ತಾ ಬಂದಿದೆ ಹಾಗಾಗಿ ಯುವಕನಾಗಿ ಶನಿ ಪ್ರೇಕ್ಷಕರ ಮುಂದೆ ಬರಲೇ ಬೇಕಾಗಿದೆ.
ಮುಂದುವರಿಯಲಿದೆ 'ಶನಿ' ಕಥೆ
'ಶನಿ' ಧಾರಾವಾಹಿಯಲ್ಲಿ ಬಾಲಕಲಾವಿದರ ಕಥೆ ಮುಗಿಯುತ್ತಾ ಬಂದಿದೆ. ಹಾಗಾಗಿ ಮುಂದಿನ ದಿನಗಳಲ್ಲಿ ಶನಿ ಯುವಕನಾಗಿದ್ದಾಗ ನಡೆದಂತಹ ಕಥೆಗಳು ಪ್ರಸಾರವಾಗಲಿದೆ ಅದೇ ರೀತಿಯಲ್ಲಿ ಈ ಹಿಂದೆ ಇದ್ದಂತಹ ಪಾತ್ರಗಳು ಯಮ. ಯಮಿ, ಕಾಕರಾಜ, ಹನುಮನ ಪಾತ್ರಗಳು ಮುಂದುವರೆಯಲಿದ್ದು, ಪಾತ್ರಧಾರಿಗಳು ಮಾತ್ರ ಬದಲಾಗಲಿದ್ದಾರೆ.
ಅಧಿಕೃತವಾಗಿ ಧಾರಾವಾಹಿ ತಂಡ ತಿಳಿಸಿಲ್ಲ
ಧಾರಾವಾಹಿಯ ಪಾತ್ರಧಾರಿಗಳು ಬದಲಾಗುತ್ತಾರೆ ಎನ್ನುವ ಮಾತು ಕೇಳಿ ಬರುತ್ತಿದೆ. ಆದರೆ ಅಧಿಕೃತವಾಗಿ ಕಲರ್ಸ್ ಕನ್ನಡ ವಾಹಿನಿಯಿಂದ ಆಗಲಿ, 'ಶನಿ' ಧಾರಾವಾಹಿ ತಂಡದಿಂದಾಗಲಿ ಇನ್ನೂ ಮಾಹಿತಿ ಸಿಕ್ಕಿಲ್ಲ. ಅಧಿಕೃತವಾಗಿ ಮಾಹಿತಿ ಹೊರಬಿದ್ದ ನಂತರ ಯಾರು ಯಾವೆಲ್ಲ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವುದು ತಿಳಿಯುತ್ತದೆ.