Bhagyalakshmi: ಸುನಂದಾ ಎದುರು ಭಾಗ್ಯಾ ರೌದ್ರಾವತಾರ; ತಾಂಡವ್ ಮೇಲಿನ ಪ್ರೀತಿ ಇನ್ಮುಂದೆ ಇತಿಹಾಸ…

ಕಲರ್ಸ್ ಕನ್ನಡದ ಜನಪ್ರಿಯ ಧಾರಾವಾಹಿ 'ಭಾಗ್ಯಲಕ್ಷ್ಮಿ' ಈಗ ಹೊಸ ತಿರುವು ಪಡೆದಿದೆ. ಭಾಗ್ಯಾ ಈಗ ಅಸಹಾಯಕ ಹೆಣ್ಣಾಗಿ ಉಳಿದಿಲ್ಲ. ಸತ್ಯದ ಪರವಾಗಿ ನಿಲ್ಲುವ ದಿಟ್ಟ ಮಹಿಳೆಯಾಗಿ ಬದಲಾಗಿದ್ದಾಳೆ.

ಬಿಡುಗಡೆಯಾಗಿರುವ ಹೊಸ ಪ್ರೋಮೋ ವೀಕ್ಷಕರಲ್ಲಿ ಸಂಚಲನ ಮೂಡಿಸಿದೆ. ಇಲ್ಲಿ ಭಾಗ್ಯಾ ಮತ್ತು ಆಕೆಯ ತಾಯಿ ಸುನಂದಾ ನಡುವಿನ ಸಂಘರ್ಷ ತಾರಕಕ್ಕೇರಿದೆ. ಮಗಳ ಈ ಹೊಸ ರೂಪ ಕಂಡು ಸುನಂದಾ ಅಕ್ಷರಶಃ ಬೆಚ್ಚಿಬಿದ್ದಿದ್ದಾಳೆ.

ಭಾಗ್ಯಾ ತನ್ನ ನಿರ್ಧಾರವನ್ನು ಎಷ್ಟು ಕಠಿಣವಾಗಿ ಹೇಳಿದ್ದಾಳೆ ಎಂದರೆ, ಇನ್ಮುಂದೆ ಈ ಸಂಸಾರ ಒಂದಾಗುವುದು ಅಸಾಧ್ಯ ಎನ್ನುವ ಸೂಚನೆ ಸಿಕ್ಕಿದೆ.

ತಾಯಿ ಸುನಂದಾಗೆ ಭಾಗ್ಯಾ ಶಾಕ್...

ಪ್ರೋಮೋದಲ್ಲಿ ಭಾಗ್ಯಾ ತನ್ನ ತಾಯಿ ಸುನಂದಾ ಎದುರು ನಿಂತು ಸತ್ಯವನ್ನು ಬಿಚ್ಚಿಡುತ್ತಾಳೆ. ಆದಿ ಎಂಬ ವ್ಯಕ್ತಿಯ ಬಗ್ಗೆ ತಾಂಡವ್ ನೀಡಿದ ದೂರು ಸುಳ್ಳು ಎಂಬುದು ಭಾಗ್ಯಾಗೆ ಅರ್ಥವಾಗಿದೆ. ಇದೇ ವಿಷಯವಾಗಿ ತಾಯಿಯ ಜೊತೆ ವಾದಕ್ಕಿಳಿಯುತ್ತಾಳೆ. "ನೀನು ಕೊಟ್ಟಿರೋ ಕಂಪ್ಲೇಂಟ್ ಸುಳ್ಳು, ಇದರಲ್ಲಿ ಆದಿ ಅವರದ್ದು ಯಾವ ತಪ್ಪೂ ಇಲ್ಲ ಅಂತ ನಿನಗೆ ಗೊತ್ತಾಗಲಿ ಅಂತಲೇ ನಾನು ತಾಂಡವ್ ಅವರನ್ನು ಬಿಡಿಸಿಕೊಂಡು ಬಂದೆ" ಎಂದು ಭಾಗ್ಯಾ ಖಡಕ್ ಆಗಿ ಹೇಳುತ್ತಾಳೆ.

ಸತ್ಯ ದರ್ಶನ ಮಾಡಿಸಿದ ಭಾಗ್ಯಾ

ಸುನಂದಾಳಿಗೆ ವಿಷಯ ಅರ್ಥ ಮಾಡಿಸಲು ಭಾಗ್ಯಾ ಪ್ರಯತ್ನಿಸುತ್ತಾಳೆ. "ಇವಾಗಲಾದರೂ ಅರ್ಥ ಮಾಡಿಕೋ ಅಮ್ಮ, ಇದೆಲ್ಲದ್ರಲ್ಲೂ ಆದಿ ಅವರದ್ದು ಯಾವ ತಪ್ಪೂ ಇಲ್ಲ" ಎಂದು ತಾಯಿಗೆ ಬುದ್ಧಿ ಹೇಳುತ್ತಾಳೆ. ಸುನಂದಾ ಇಷ್ಟು ದಿನ ತಾಂಡವ್ ಪರವಾಗಿ ಯೋಚಿಸುತ್ತಿದ್ದಳು. ಆದರೆ ಭಾಗ್ಯಾ ಈಗ ಅಮ್ಮನ ಕಣ್ಣು ತೆರೆಸುವ ಕೆಲಸ ಮಾಡಿದ್ದಾಳೆ. ತಪ್ಪಿತಸ್ಥರಿಗೆ ಶಿಕ್ಷೆಯಾಗಬೇಕು ಎನ್ನುವ ನಿಲುವಿಗೆ ಭಾಗ್ಯಾ ಈಗ ಅಂಟಿಕೊಂಡಿದ್ದಾಳೆ.

ತಾಂಡವ್ ಬಗ್ಗೆ ಇಲ್ಲ ಪ್ರೀತಿ-ಕಾಳಜಿ

ಭಾಗ್ಯಾಳ ಮಾತುಗಳು ಇಲ್ಲಿಗೆ ನಿಲ್ಲುವುದಿಲ್ಲ. ಆಕೆ ತನ್ನ ತಾಯಿಗೆ ಅಂತಿಮ ಎಚ್ಚರಿಕೆ ನೀಡುತ್ತಾಳೆ. "ತಾಂಡವ್ ವಿಷಯದಲ್ಲಿ ನನ್ನ ನಿರ್ಧಾರ ಯಾವತ್ತೂ ಬದಲಾಗುವುದಿಲ್ಲ. ಅವರ ಮೇಲೆ ನನಗೆ ಪ್ರೀತಿಯೂ ಇಲ್ಲ, ಕಾಳಜಿಯೂ ಹುಟ್ಟುವುದಿಲ್ಲ" ಎಂದು ಗುಡುಗಿದ್ದಾಳೆ. ಸಾವಿರ ಸಲ ಹೇಳಿದ್ರೂ ಅರ್ಥ ಮಾಡಿಕೊಳ್ಳದ ತಾಯಿಗೆ ಭಾಗ್ಯಾ ಈಗ ನೇರವಾಗಿಯೇ ಉತ್ತರ ನೀಡಿದ್ದಾಳೆ. ಭಾಗ್ಯಾಳ ಈ ನಿರ್ಧಾರದಿಂದ ಸುನಂದಾ ಅಸಹಾಯಕಳಾಗಿದ್ದಾಳೆ.

ಧಾರಾವಾಹಿಯ ಮುಂದಿನ ಕಥೆ ಏನು?

ಭಾಗ್ಯಾಳ ಈ ಹಠ ಮತ್ತು ಧೈರ್ಯ ಕಥೆಗೆ ಹೊಸ ತಿರುವು ನೀಡಲಿದೆ. ಇಷ್ಟು ದಿನ ಸುಮ್ಮನಿದ್ದ ಭಾಗ್ಯಾ ಈಗ ಸಿಡಿದು ನಿಂತಿರುವುದು ಅಭಿಮಾನಿಗಳಿಗೆ ಖುಷಿ ನೀಡಿದೆ. ಸುನಂದಾ ಈಗಲಾದರೂ ಮಗಳ ನಿರ್ಧಾರಕ್ಕೆ ಸಾಥ್ ನೀಡುತ್ತಾಳಾ? ಅಥವಾ ತಾಂಡವ್ ಪರವಾಗಿ ನಿಲ್ಲುತ್ತಾಳಾ? ಭಾಗ್ಯಾ ಮತ್ತು ತಾಂಡವ್ ಸಂಬಂಧ ಇನ್ಮುಂದೆ ಯಾವ ಹಾದಿಯಲ್ಲಿ ಸಾಗುತ್ತದೆ ಎಂಬುದು ಮಿಲಿಯನ್ ಡಾಲರ್ ಪ್ರಶ್ನೆಯಾಗಿದೆ. ಒಟ್ಟಿನಲ್ಲಿ 'ಭಾಗ್ಯಲಕ್ಷ್ಮಿ' ಧಾರಾವಾಹಿ ಈಗ ರೋಚಕತೆಯ ಶಿಖರ ಏರಿದೆ.